മന്ത്രി വി.എസ്​. സുനിൽകുമാറിന്‍റെ സ്​ഥാനാർഥിത്വം: ജനപ്രീതിയുടെ പേരിൽ ആർക്കും ഇളവില്ല -കാനം

തൃശൂർ: മൂന്ന്​ തവണ മത്സരിച്ചവർക്ക്​ സീറ്റ്​ നൽകേണ്ടതില്ലെന്ന പാർട്ടി തീരുമാനം ആവർത്തിച്ച്​ സി.പി.ഐ സംസ്ഥാന സെക്രട്ടറി കാനം രാജേന്ദ്രൻ. ജനപ്രീതിയുടെ പേരിൽ ഒരു നേതാവിനും ഇളവില്ലെന്നും​ അദ്ദേഹം പറഞ്ഞു.

തൃശൂർ നിയമസഭാ മണ്ഡലത്തിൽ മന്ത്രി വി.എസ്​. സുനിൽകുമാറിനെ വീണ്ടും മത്സരിപ്പിക്കണമെന്ന്​ വിവിധ കേന്ദ്രങ്ങളിൽനിന്ന്​ ഉയരുന്ന ആവശ്യം ഉൾപ്പെടെ ശ്രദ്ധയിൽപ്പെടുത്തിയപ്പോൾ മാധ്യമ പ്രവർത്തകരോട്​ പ്രതികരിക്കുകയായിരുന്നു അദ്ദേഹം.

തെരഞ്ഞെടുപ്പ്​ നേരിടാൻ എൽ.ഡി.എഫ് തയാറാണെന്നും സ്ഥാനാർഥികളെ ഉടൻ പ്രഖ്യാപിക്കുമെന്നും കാനം പറഞ്ഞു.