സർക്കാർ കൈമലർത്തി: ഇക്കുറി ഷെൽട്ടർ ഹോമുകളിൽ നിർഭയദിനാചരണമില്ല

തി​രു​വ​ന​ന്ത​പു​രം: പ​ണ​മി​ല്ലെ​ന്ന്​ പ​റ​ഞ്ഞ്​ സ​ർ​ക്കാ​ർ കൈ​മ​ല​ർ​ത്തി​യ​തോ​ടെ വ​നി​ത ശി​ശു വി​ക​സ​ന വ​കു​പ്പി​ന്​ കീ​ഴി​ലെ ഷെ​ൽ​ട്ട​ർ ഹോ​മു​ക​ളി​ൽ ഇ​ത്ത​വ​ണ​ നി​ർ​ഭ​യ​ദി​നാ​ച​ര​ണ​വും ആ​ഘോ​ഷ​പ​രി​പാ​ടി​ക​ളു​മി​ല്ല. പ​ല ജി​ല്ല​ക​ളി​ലും ഒ​രു​ക്ക​മെ​ല്ലാം പൂ​ർ​ത്തി​യാ​യെ​ങ്കി​ലും അ​വ​സാ​ന നി​മി​ഷ​മാ​ണ്​ സാ​മ്പ​ത്തി​ക പ്ര​തി​സ​ന്ധി പ​റ​ഞ്ഞ്​ സ​ർ​ക്കാ​ർ ഒ​ഴി​ഞ്ഞ​ത്.

എ​ല്ലാ വ​ർ​ഷ​വും ഡി​സം​ബ​ർ 29ന്​ ​ആ​ണ്​ നി​ർ​ഭ​യ ദി​നാ​ച​ര​ണം ന​ട​ക്കു​ക. വാ​ർ​ഷി​ക​ങ്ങ​ൾ​പോ​ലെ ക​ലാ​പ​രി​പാ​ടി​ക​ളും അ​തി​ഥി​ക​ളും ആ​ഘോ​ഷ​ങ്ങ​ളു​മെ​ല്ലാ​മാ​യി ഉ​ത്സ​വാ​ന്ത​രീ​ക്ഷ​ത്തി​ൽ ന​ട​ന്നി​രു​ന്ന ദി​നാ​ച​ര​ണ​ത്തി​നാ​ണ്​ ഇ​ത്ത​വ​ണ കി​രി​നി​ഴ​ൽ വീ​ണ​ത്. പോ​ക്സോ അ​തി​ജീ​വി​ത​രും നി​സ്സ​ഹാ​യ ജീ​വി​ത സാ​ഹ​ച​ര്യ​ങ്ങ​ളി​ൽ​നി​ന്ന്​ അ​തി​ജീ​വ​നം തേ​ടി​യെ​ത്തു​ന്ന​വ​രു​മാ​യ കു​ട്ടി​ക​ളാ​ണ്​ ഷെ​ൽ​ട്ട​ർ ഹോ​മു​ക​ളി​ലു​ള്ള​ത്.

ഓ​രോ ഷെ​ൽ​ട്ട​ർ ഹോ​മി​നും 50,000 രൂ​പ വീ​ത​മാ​ണ്​ നി​ർ​ഭ​യ ദി​നാ​ച​ര​ണ​ത്തി​നാ​യി സാ​ധാ​ര​ണ ന​ൽ​കു​ക. ചെ​ല​വു​ക​ൾ പ​ര​മാ​വ​ധി ചു​രു​ക്കി​യും ക​ലാ​പ​രി​പാ​ടി​ക​ൾ​ക്കു​ള്ള വേ​ഷ​ങ്ങ​ള​ട​ക്കം സ്വ​ന്തം നി​ല​യി​ൽ ത​യാ​റാ​ക്കി​​യു​മെ​ല്ലാ​മാ​ണ്​ ഹോ​മു​ക​ൾ പ​രി​മി​തി​ക​ളി​ലും നി​ർ​ഭ​യ ദി​നം ഭം​ഗി​യാ​ക്കു​ന്ന​ത്.

ക​ലാ​പ​രി​പാ​ടി​ക​ളു​ള്ള​തി​നാ​ൽ മാ​സ​ങ്ങ​ൾ നീ​ണ്ട ത​യാ​റെ​ടു​പ്പു​ക​ളാ​ണ്​ കു​ട്ടി​ക​ൾ ഇ​തി​നാ​യി ന​ട​ത്തും. ഭി​ന്ന ശേ​ഷി​ക്കാ​രാ​യ കു​ട്ടി​ക​ൾ കൂ​ടി​യു​ള്ള​തി​നാ​ൽ വി​ശേ​ഷി​ച്ചും. ഒ​ന്നി​ല​ധി​കം ഹോ​മു​ക​ളു​ള്ള ജി​ല്ല​ക​ൾ ഹോ​മു​ക​ൾ ത​മ്മി​ലു​ള്ള ക​ലാ​മ​ത്സ​ര​വും സം​ഗ​മ​വു​മെ​ല്ലാം സം​ഘ​ടി​പ്പി​ച്ചി​രു​ന്നു.

ഇ​ത്ത​വ​ണ ത​ല​സ്ഥാ​ന ജി​ല്ല​യി​ൽ കോ​ട്ട​ൺ​ഹി​ൽ സ്​​കൂ​ളി​ലാ​ണ്​ ഷെ​ൽ​ട്ട​ർ ഹോ​മു​ക​ളു​ടെ സം​ഗ​മം നി​ശ്ച​യി​ച്ചി​രു​ന്ന​ത്. എ​ന്നാ​ൽ, ഫ​ണ്ട്​ അ​നു​വ​ദി​ക്കാ​ഞ്ഞ​തോ​ടെ ഇ​തു മാ​റ്റി​വെ​ച്ചു. മ​റ്റൊ​രു തീ​യ​തി​യി​ൽ ന​ട​ത്താ​ൻ ആ​ലോ​ചി​ക്കു​ന്ന​താ​യി വി​വ​ര​മു​ണ്ടെ​ങ്കി​ലും അ​ധി​കൃ​ത​ർ സ്ഥി​രീ​ക​രി​ക്കു​ന്നി​ല്ല.

നി​ർ​ഭ​യ സം​രം​ഭ​ങ്ങ​ളി​ൽ​നി​ന്ന്​ സ​ർ​ക്കാ​ർ ക്ര​മേ​ണ പി​ൻ​വാ​ങ്ങു​ന്ന​താ​യും ​ആ​ക്ഷേ​പ​മു​ണ്ട്. മു​ഖ്യ​മ​ന്ത്രി​യു​ടെ അ​ധ്യ​ക്ഷ​ത​യി​ൽ എ​ല്ലാ വ​ർ​ഷ​വും ഉ​ന്ന​ത​ത​ല സ​മി​തി യോ​ഗം ചേ​ര​ണ​മെ​ന്ന്​ നി​ർ​ദേ​ശ​മു​ണ്ടെ​ങ്കി​ൽ ഇ​തു​ ര​ണ്ടു​​വ​ർ​ഷ​മാ​യി ന​ട​ക്കു​ന്നി​ല്ല.നി​ർ​ഭ​യ ഹോ​മി​ലു​ള്ള​വ​രെ പു​ന​ര​ധി​വ​സി​പ്പി​ക്കു​ക എ​ന്ന പേ​രി​ൽ എ​​ത്ര​യും​വേ​ഗം അ​ത്ര​ത്തോ​ളം സു​ര​ക്ഷി​ത​മ​ല്ലാ​ത്ത വീ​ടു​ക​ളി​ലേ​ക്ക്​ തി​രി​കെ അ​യ​ക്കാ​ൻ ധി​റു​തി കാ​ട്ടു​ന്ന​താ​യും ആ​ക്ഷേ​പ​മു​ണ്ട്.