Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസംസ്ഥാനത്ത്​ പുതിയ...

സംസ്ഥാനത്ത്​ പുതിയ കോവിഡ്​ കേസുകളില്ലെന്ന്​ മുഖ്യമന്ത്രി

text_fields
bookmark_border
സംസ്ഥാനത്ത്​ പുതിയ കോവിഡ്​ കേസുകളില്ലെന്ന്​ മുഖ്യമന്ത്രി
cancel

തിരുവനന്തപുരം: സംസ്ഥാനത്ത്​ പുതുതായി ആർക്കും കോവിഡ്​ സ്ഥിരീകരിച്ചില്ലെന്ന്​ മുഖ്യമന്ത്രി പിണറായി വിജയൻ വ ാർത്ത സമ്മേളനത്തിൽ അറിയിച്ചു. സംസ്ഥാനത്ത്​ വീടുകളിൽ 7375പേരും ആശുപത്രികളിൽ 302പേരും നിരീക്ഷണത്തിലുണ്ട്​. കോട്ടയത്ത്​ കോവിഡ്​ സ്ഥിതീകരിച്ച ഒരു രോഗിയുടേത്​​ ഭേദമായി എന്നും മുഖ്യമന്ത്രി കൂട്ടിച്ചേർത്തു.

കേരളത്തിലെ എല്ലാ വിമാനത്താവളത്തിലും ഡി.വൈ.എസ്​.പിയുടെ നേതൃത്വത്തിലുള്ള സംഘത്തി​​​​െൻറ കർശന പരിശോധനയുണ്ടാകും. റെയിൽവേ സ്​റ്റേഷനുകളിലും സംസ്ഥാന അതിർത്തികളിൽ റോഡ്​മാർഗം വരുന്നവരേയും പരിശോധനക്ക്​ വിധേയമാക്കും. എല്ലാവരും പരിശോധനയുമായി സഹകരിക്കണമെന്നും മുഖ്യമന്ത്രി അറിയിച്ചു. കെ.എസ്​.ആർ.ടി.സി ബസുകൾ ശുചീകരിക്കാനായി പ്രത്യേക നിർദേശം നൽകും.

നിരീക്ഷണത്തിലുള്ളവരുമായി എല്ലാദിവസവും ബന്ധപ്പെടും. ചിലർ കൊറോണയുടെ ഗൗരവം മനസ്സിലാക്കാതെ പെരുമാറുന്നു. അനാവശ്യമായ കൂടിച്ചേരലുകൾ ഒഴിവാക്കണമെന്നും മുഖ്യമന്ത്രി അറിയിച്ചു. കോവിഡ്​ ബാധയുടെ പശ്ചാത്തലത്തിൽ അവതരിപ്പിച്ച മൊബൈൽ ആപ്പ്​ രണ്ട്​ ലക്ഷം പേർ ഡൗൺലോഡ്​ചെയ്​തു. ജനങ്ങൾ ജാഗ്രത പുലർത്തണമെന്നും മുഖ്യമന്ത്രി അറിയിച്ചു.

Show Full Article
TAGS:kerala covid 19 corona malayalam news 
News Summary - no new covid cases in kerala cm
Next Story