താൽക്കാലിക വി.സി നിയമനത്തിന് പട്ടിക നൽകിയില്ല; മലയാളം സർവകലാശാലക്ക് അന്ത്യശാസനം

തി​രു​വ​ന​ന്ത​പു​രം: മ​ല​യാ​ളം സ​ർ​വ​ക​ലാ​ശാ​ല​യി​ൽ താ​ൽ​ക്കാ​ലി​ക വൈ​സ്​​ചാ​ൻ​സ​ല​ർ നി​യ​മ​ന​ത്തി​നാ​യി സീ​നി​യ​ർ പ്ര​ഫ​സ​ർ​മാ​രു​ടെ പ​ട്ടി​ക സ​മ​ർ​പ്പി​ക്ക​ണ​മെ​ന്ന്​ ഗ​വ​ർ​ണ​റു​ടെ അ​ന്ത്യ​ശാ​സ​നം. നേ​ര​ത്തേ ആ​വ​ശ്യ​പ്പെ​ട്ടി​ട്ടും സ​ർ​വ​ക​ലാ​ശാ​ല അ​ധി​കൃ​ത​ർ പ​ട്ടി​ക ന​ൽ​കാ​ത്ത​തി​നെ തു​ട​ർ​ന്നാ​ണ്​ നി​ർ​ദേ​ശം ആ​വ​ർ​ത്തി​ച്ച്​ രാ​ജ്​​ഭ​വ​ൻ ക​ത്ത​യ​ച്ച​ത്. തി​ങ്ക​ളാ​ഴ്ച​ക്ക​കം പ​ട്ടി​ക ന​ൽ​ക​ണ​മെ​ന്നും ഇ​ല്ലെ​ങ്കി​ൽ താ​ൽ​ക്കാ​ലി​ക വി.​സി നി​യ​മ​ന​ത്തി​നു​ള്ള ന​ട​പ​ടി​ക​ളു​മാ​യി​ രാ​ജ്​​ഭ​വ​ൻ മു​ന്നോ​ട്ടു​പോ​കു​മെ​ന്ന്​​ ക​ത്തി​ൽ മു​ന്ന​റി​യി​പ്പ്​ ന​ൽ​കി.

വി.​സി ഡോ.​വി. അ​നി​ൽ​കു​മാ​റി​ന്‍റെ കാ​ലാ​വ​ധി ചൊ​വ്വാ​ഴ്ച അ​വ​സാ​നി​ക്കു​ന്ന സാ​ഹ​ച​ര്യ​ത്തി​ലാ​ണ്​ താ​ൽ​ക്കാ​ലി​ക വി.​സി​യു​ടെ ചു​മ​ത​ല ന​ൽ​കാ​ൻ പ്ര​ഫ​സ​ർ​മാ​രു​ടെ പ​ട്ടി​ക തേ​ടി​യ​ത്. സ​ർ​വ​ക​ലാ​ശാ​ല പ​ട്ടി​ക ന​ൽ​കി​യി​ല്ലെ​ങ്കി​ൽ മ​റ്റു സ​ർ​വ​ക​ലാ​ശാ​ല​ക​ളി​​ലെ സീ​നി​യ​ർ പ്ര​ഫ​സ​ർ​മാ​രി​ൽ​നി​ന്നു​ള്ള ഒ​രാ​ൾ​ക്ക്​ ചു​മ​ത​ല ന​ൽ​കാ​നാ​ണ്​ രാ​ജ്​​ഭ​വ​ന്‍റെ ആ​ലോ​ച​ന.

വി.​സി​യു​ടെ ഒ​ഴി​വ്​ വ​ന്നാ​ൽ സ്ഥി​രം വി.​സി​യെ നി​യ​മി​ക്കു​ന്ന​തു​ വ​രെ ചാ​ൻ​സ​ല​റാ​യ ഗ​വ​ർ​ണ​ർ ഇ​ട​ക്കാ​ല ക്ര​മീ​ക​ര​ണം ഏ​​ർ​പ്പെ​ടു​ത്ത​ണ​മെ​ന്നാ​ണ്​ സ​ർ​വ​ക​ലാ​ശാ​ല നി​യ​മ​ത്തി​ലെ വ്യ​വ​സ്ഥ. കാ​ലി​ക്ക​റ്റ്​ വി.​സി ഡോ.​എം.​കെ. ജ​യ​രാ​ജി​നോ കാ​ല​ടി സം​സ്കൃ​ത സ​ർ​വ​ക​ലാ​ശാ​ല വി.​സി ഡോ.​എം.​വി. നാ​രാ​യ​ണ​നോ മ​ല​യാ​ളം സ​ർ​വ​ക​ലാ​ശാ​ല വി.​സി​യു​ടെ താ​ൽ​ക്കാ​ലി​ക ചു​മ​ത​ല ന​ൽ​ക​ണ​മെ​ന്നാ​ണ്​ സ​ർ​ക്കാ​ർ താ​ൽ​പ​ര്യം. എ​ന്നാ​ൽ, പു​റ​ത്താ​ക്കാ​ൻ ഗ​വ​ർ​ണ​ർ കാ​ര​ണം കാ​ണി​ക്ക​ൽ നോ​ട്ടീ​സ്​ ന​ൽ​കി​യ​വ​രാ​യ​തി​നാ​ൽ ഇ​രു​വ​രെ​യും ഗ​വ​ർ​ണ​ർ പ​രി​ഗ​ണി​ക്കി​ല്ല.