'ഒരു വിധിക്കും എന്‍റെ മകളെ തിരിച്ചു തരാനാകില്ലല്ലോ'

അഞ്ചൽ: ഒരുകോടതി വിധിക്കും തങ്ങൾക്ക് നഷ്ടപ്പെട്ട മകളെ തിരിച്ചു തരാനാകില്ലല്ലോയെന്ന് ഉത്രയുടെ മാതാവ് മണിമേഖല ടീച്ചർ. ഉത്ര വധക്കേസിലെ കോടതി വിധിയിൽ സംതൃപ്തിയുണ്ടെന്നും ബുധനാഴ്ച നടക്കാനിരിക്കുന്ന ശിക്ഷാവിധിയിൽ പരമമായ ശിക്ഷ തന്നെ കോടതി നൽകുമെന്ന പ്രതീക്ഷയാണുള്ളതെന്നും അവർ പറഞ്ഞു.

ഉ​ത്ര​യെ (22) മൂ​ർ​ഖ​ൻ പാ​മ്പി​നെ കൊ​ണ്ട് ക​ടി​പ്പി​ച്ച് കൊ​ല​പ്പെ​ടു​ത്തി​യ കേ​സി​ൽ പ്രതിയും ഭർത്താവുമായ സൂരജ് കുറ്റക്കാരനാണെന്ന് കൊ​ല്ലം ആ​റാം അ​ഡീ​ഷ​ന​ൽ സെ​ഷ​ൻ​സ് കോ​ട​തി ഇന്ന് വിധിച്ചിരുന്നു. ബുധനാഴ്ചയാണ് ശിക്ഷാവിധി.

സൂരജിനെതിരെ പ്രോസിക്യൂഷൻ ആരോപിച്ച കൊലപാതകം, കൊലപാതക ശ്രമം, വിഷം നൽകി പരിക്കേൽപ്പിക്കൽ, തെളിവു നശിപ്പിക്കൽ എന്നീ കുറ്റങ്ങൾ തെളിഞ്ഞതായി കോടതി ചൂണ്ടിക്കാട്ടി. ഒന്നര വർഷം നീണ്ട വിചാരണക്ക് ശേഷമാണ് ഏറെ പ്രത്യേകതയുള്ള കേസിൽ കോടതി വിധി പുറപ്പെടുവിച്ചത്.

കേസുമായി ബന്ധപ്പെട്ട് എന്തെങ്കിലും പറയാനുണ്ടോ എന്ന് ജഡ്ജി ആരാഞ്ഞപ്പോൾ, തനിക്ക് അച്ഛനും അമ്മയും സഹോദരിയും മാത്രമേ ഉള്ളൂവെന്ന് സൂരജ് മറുപടി നൽകി.

പ്രതിക്ക് പരമാവധി ശിക്ഷയായ വധശിക്ഷ നൽകണമെന്ന് പ്രോസിക്യൂഷൻ കോടതിയിൽ ആവശ്യപ്പെട്ടിരുന്നു. വിചിത്രവും പൈശാചികവും ദാരുണവുമായ കൊലപാതകം, വിശ്വസിക്കുന്ന ആളെ വഞ്ചിക്കുക, വേറെ വിവാഹം കഴിക്കുന്നതിനായി കൊലപാതകം (സ്ത്രീധന കൊലപാതകം) നടത്തുക, സ്ത്രീയുടെയോ കുട്ടിയുടെയോ നേരെ കുറ്റകൃത്യം ചെയ്യുക എന്നിവ പ്രകാരം പ്രതിക്ക് വധശിക്ഷ നൽകാമെന്ന് സുപ്രീംകോടതി വിധിയുണ്ട്. ഇതിൽ നാലെണ്ണം പ്രതി സൂരജിനെതിരെ തെളിഞ്ഞിട്ടുണ്ടെന്നും പ്രോസിക്യൂഷൻ ചൂണ്ടിക്കാട്ടി.

ഉത്രയുടേത് കൊലപാതകമല്ലെന്നും കേസ് അപൂർവങ്ങളിൽ അപൂർവമല്ലെന്നും അതിനാൽ പരമാവധി ശിക്ഷ നൽകരുതെന്നും പ്രതിഭാഗം അഭിഭാഷകൻ ചൂണ്ടിക്കാട്ടി. പ്രതിയുടെ പ്രായകുറവും നന്നാവാനുള്ള സാധ്യതയും കോടതി പരിഗണിക്കണമെന്നും പ്രതിഭാഗം അഭ്യർഥിച്ചു.

അ​ഞ്ച​ൽ ഏ​റം വെ​ള്ളാ​ശ്ശേ​രി​യി​ൽ വി​ജ​യ​സേ​ന​ൻ-​മ​ണി​മേ​ഖ​ല ദ​മ്പ​തി​ക​ളു​ടെ മ​ക​ൾ ഉ​ത്ര​യെ (22) സ്വ​ത്ത് ത​ട്ടി​യെ​ടു​ക്കു​ക​യെ​ന്ന ല​ക്ഷ്യ​ത്തോ​ടെ ഭ​ർ​ത്താ​വ്‌ സൂ​ര​ജ്‌ മൂ​ർ​ഖ​ൻ പാ​മ്പി​നെ​ക്കൊ​ണ്ട്‌ ക​ടി​പ്പി​ച്ചു​ കൊ​ന്നു​വെ​ന്നാ​ണ് കേ​സ്. കേസിൽ 87 സാക്ഷി മൊഴികളും 288 രേഖകളും 40 തൊണ്ടിമുതലുകളുമാണ് അന്വേഷണ സംഘം കോടതിയിൽ ഹാജരാക്കിയത്. പ്രതിഭാഗം മൂന്നു സാക്ഷികളെ വിസ്തരിക്കുകയും 24 രേഖകളും തൊണ്ടിമുതലായി മൂന്നു സി.ഡികളും ഹാജരാക്കുകയും ചെയ്തു.

2020 മേ​യ്‌ ഏ​ഴി​ന് രാ​വി​ലെ​യാ​ണ് ഉ​ത്ര​യെ സ്വ​ന്തം വീ​ട്ടി​ലെ കി​ട​പ്പു​മു​റി​യി​ൽ മൂ​ർ​ഖ​ൻ പാ​മ്പ്‌ ക​ടി​ച്ച് മ​രി​ച്ച​നി​ല​യി​ൽ ക​ണ്ട​ത്. മു​റി​യി​ൽ സൂ​ക്ഷി​ച്ചി​രു​ന്ന മൂ​ർ​ഖ​ൻ പാ​മ്പി​നെ കൊ​ണ്ട്​ ക​ടി​പ്പി​ച്ച് കൊ​ല​പ്പെ​ടു​ത്തു​ക​യാ​യി​രു​ന്നെ​ന്ന്​ അ​ന്വേ​ഷ​ണ​ത്തി​ൽ വ്യ​ക്ത​മാ​യിരുന്നു.