കമൽ സി. ചവറക്കെതിരെ അന്വേഷണമില്ല– ​ലോക്​നാഥ്​ ബെഹ്​റ

തിരുവനന്തപുരം: എഴുത്തുകാരൻ കമൽ സി.ചവറക്കെതിരെ അന്വഷണം നടത്തുന്നുണ്ടെന്ന പ്രചാരണം അടിസ്​ഥാനരഹിതമാണെന്ന്​ ഡി.ജി.പി ലോക്​നാഥ്​ ബെഹ്​റ. പരാതികൾ ഉയർന്നതിനെ തുടർന്ന്​ പ്രസ്​തുത കേസിലെ തുടർ നടപടികൾ  നിർത്തിവെച്ചു. നിലവിൽ കമൽ സി. ചവറക്കെതിരെ യാതൊരു വിധ അന്വേഷണവും നടക്കു​ന്നില്ലെന്നും ബെഹ്​റ പറഞ്ഞു.

നേരത്തെ വിവാദമായ ത​​െൻറ പുസ്​തകം പിൻവലിക്കുകയാണെന്ന്​ കമൽ ഫേസ്​ബുക്കിൽ കുറിച്ചിരുന്നു. നിരന്തരമായ ഭീഷണികൾ ഉയർന്നതി​​െൻറ സാഹചര്യത്തിലാണ്​ പുസ്​തകം പിൻവലിക്കുന്നതെന്നും  അദ്ദേഹം പറഞ്ഞിരുന്നു. കേസ് പോലും എടുത്തിട്ടില്ലെന്ന് ഡി.ജി.പിയും ഭരണനേതാക്കളും പറഞ്ഞങ്കിലും നദീറി​​െൻറ കേസിൽ പോലീസെടുത്ത നിലപാട് കണ്ടതാണ്.  വീട്ടിൽ ഇൻറലിജൻസ് കയറി ഇറങ്ങുകയും വീട്ടുകാരെ ഭയപെടുത്തുകയും ചെയ്തതായി അദ്ദേഹം വ്യക്തമാക്കിയിരുന്നു. ഇതിന്​ പിന്നാലെയാണ്​ നിലപാട്​ വ്യക്​തമാക്കി ഡി.ജി.പി രംഗത്തെത്തിയത്​.

കമൽ സി. ചവറക്കെതിരായ നടപടി വൻതോതിൽ വിമർശനങ്ങൾക്ക്​ കാരണമായിരുന്നു. സംസ്​ഥാനത്തി​​െൻറ വിവിധ കോണുകളിൽ നിന്ന്​ പിണറായി സർക്കാറിനെതിരെ രൂക്ഷമായ വിമർശനങ്ങൾ ഉയരുന്നതിന്​ ഇത്​ കാരണമായി.