Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസുപ്രധാന ഫയലുകൾ...

സുപ്രധാന ഫയലുകൾ കത്തിയിട്ടില്ല; ബി.ജെ.പി പ്രസിഡൻറ് ചാടിക്കയറിയത്​ ഗൗരവമായി കാണും -മുഖ്യമന്ത്രി

text_fields
bookmark_border
സുപ്രധാന ഫയലുകൾ കത്തിയിട്ടില്ല; ബി.ജെ.പി പ്രസിഡൻറ് ചാടിക്കയറിയത്​ ഗൗരവമായി കാണും -മുഖ്യമന്ത്രി
cancel

തിരുവനന്തപുരം: സെക്ര​േട്ടറിയറ്റിലെ പൊതുഭരണവകുപ്പിലുണ്ടായ തീപിടിത്തത്തിൽ സുപ്രധാന ഫയലുകളൊന്നും കത്തിയില്ലെന്ന്​ മുഖ്യമന്ത്രി പിണറായി വിജയൻ. സർക്കാറിന്​ ലഭിച്ച പ്രാഥമിക റിപ്പോർട്ട്​ അനുസരിച്ച്​ ചില ഫയലുകൾ​ ഭാഗികമായി മാത്രമാണ്​ കത്തിയതെന്നും അദ്ദേഹം വാർത്തസമ്മേളനത്തിൽ പറഞ്ഞു.

സംഭവം അന്വേഷിക്കാൻ എ.ഡി.ജി.പിയുടെയും ഡിസാസ്​റ്റർ മാനേജ്​മെൻറ്​ കമീഷണറുടെയും നേതൃത്വത്തിൽ രണ്ട്​ സമിതികളെ നിയോഗിച്ചു​. എ.ഡി.ജി.പി മനോജ് എബ്രഹാമി‍െൻറ നേതൃത്വത്തിലെ പൊലീസ് അന്വേഷണമാണ്​ ഒന്ന്​. തീപിടിത്തകാരണം ഉള്‍പ്പെടെ സാങ്കേതികവശം പരിശോധിക്കാന്‍ ഡിസാസ്​റ്റർ മാനേജ്മെൻറ്​ കമീഷണര്‍ എ. കൗശിക​െൻറ നേതൃത്വത്തില്‍ ഉന്നതതല സമിതിയെക്കൂടി നിയോഗിച്ചു. ഒരാഴ്ചക്കകം റിപ്പോര്‍ട്ട് നല്‍കണം.

കെ.എസ്.ഡി.എം.എ മെംബര്‍ സെക്രട്ടറി, ഫയര്‍ ആൻഡ്​ റെസ്ക്യൂ ടെക്നിക്കല്‍ ഡയറക്ടര്‍, പി.ഡബ്ല്യൂ.ഡി ചീഫ് എൻജിനീയര്‍, വൈദ്യുതി വകുപ്പിലെ ചീഫ് ഇലക്ട്രിക്കല്‍ ഇന്‍സ്പെക്ടര്‍ എന്നിവരടങ്ങുന്നതാണ് രണ്ടാമത്തെ കമ്മിറ്റി. തീപിടിത്തകാരണം, നഷ്​ടം, ഏതെല്ലാം ഫയലുകള്‍ നഷ്​ടപ്പെട്ടു, ഭാവിയില്‍ ഇത്തരം സംഭവങ്ങള്‍ ആവര്‍ത്തിക്കാതിരിക്കാനുള്ള നടപടികള്‍ എന്നിവ സമിതി പരിശോധിക്കും. സെക്ര​േട്ടറിയറ്റ്​ സുരക്ഷാ സംവിധാനം ശക്തിപ്പെടുത്താനും തീരുമാനിച്ചു. ഇതിന്​ ആഭ്യന്തര അഡീഷനല്‍ ചീഫ് സെക്രട്ടറിയെ മന്ത്രിസഭായോഗം ചുമതലപ്പെടുത്തി.

ചൊവ്വാഴ്​ച വൈകുന്നേരം സെക്ര​േട്ടറിയറ്റിലെ പൊതുഭരണ പൊളിറ്റിക്കല്‍ വിഭാഗത്തിലെ 2 എ, 5 വിഭാഗത്തിലാണ്​ തീപിടിത്തമുണ്ടായ​തെന്നും അദ്ദേഹം പറഞ്ഞു​. ​അന്വേഷണ റിപ്പോർട്ട്​ വരുംമുമ്പ്​ ധിറുതികൂട്ടിയിട്ട്​ കാര്യമില്ല.

സെക്ര​േട്ടറിയറ്റിനകത്ത്​ പാലിക്കേണ്ട സുരക്ഷാക്രമീകരണം വകവെക്കാതെ ബി.ജെ.പി സംസ്ഥാന പ്രസിഡൻറ്​ ഉൾപ്പെടെ ചാടിക്കയറിയത്​ സർക്കാർ ഗൗരവമായി കാണുന്നു. മാധ്യമപ്രവർത്തകർ ചൂണ്ടിക്കാട്ടിയ എല്ലാ കാര്യവും അന്വേഷിക്കും. തീപിടിത്തതിന്​ പ്രത്യേക മാനം ചാർത്തിക്കൊടുക്കാനാണ്​ ബി.ജെ.പിയും യു.ഡി.എഫും ശ്രമിച്ചത്​. കേരളത്തിൽ മറ്റു ചില കാര്യങ്ങളിൽ നടക്കുന്നതുപോലെ ആദ്യം ബി.ജെ.പിയെത്തി. പിന്നാലെ യു.ഡി.എഫ്​ നേതാക്കളുമെത്തി പ്രശ്​നം ഉണ്ടാക്കാൻ ശ്രമിച്ചു. കോവിഡ്​ ചട്ടങ്ങൾ ലംഘിച്ച്​ സംസ്ഥാനത്തി​െൻറ പല ഭാഗത്തും അക്രമങ്ങൾ നടത്തുന്നെന്നും അദ്ദേഹം കൂട്ടിച്ചേർത്തു.

Show Full Article
TAGS:secretariat fire kerala pinarayi 
Next Story