വേണ്ട, സി കാറ്റഗറിയിൽ സിനിമ ​പ്രദർശനം

കൊ​ച്ചി: കോ​വി​ഡ് സാ​ഹ​ച​ര്യം രൂ​ക്ഷ​മാ​യ സി ​കാ​റ്റ​ഗ​റി മേ​ഖ​ല​യി​ൽ സി​നി​മ തി​യ​റ്റ​റു​ക​ളു​ടെ പ്ര​വ​ർ​ത്ത​നം അ​നു​വ​ദി​ക്കാ​നാ​വി​ല്ലെ​ന്ന്​ സ​ർ​ക്കാ​ർ ഹൈ​കോ​ട​തി​യി​ൽ. ര​ണ്ടു​മ​ണി​ക്കൂ​റി​ലേ​റെ എ.​സി സം​വി​ധാ​ന​ത്തി​ൽ​ ഒ​രേ​യി​ട​ത്ത്​ അ​ട​ച്ചി​ട്ട​നി​ല​യി​ൽ ഒ​രു​മി​ച്ചി​രി​ക്കു​ന്ന​ത്​ കോ​വി​ഡ്​ വ്യാ​പ​ന സാ​ധ്യ​ത വ​ർ​ധി​പ്പി​ക്കും. ഷോ​പ്പി​ങ്​ മാ​ളു​ക​ളി​ൽ​നി​ന്ന്​ വ്യ​ത്യ​സ്​​ത​മാ​ണ്​ തി​യ​റ്റ​റു​ക​ൾ. എ​ന്നി​ട്ടും നി​യ​ന്ത്ര​ണ​ങ്ങ​ളോ​ടെ​യാ​ണ്​ മാ​ളു​ക​ളി​ൽ പ്ര​വേ​ശ​നം അ​നു​വ​ദി​ച്ച​തെ​ന്നും സ​ർ​ക്കാ​ർ അ​റി​യി​ച്ചു.

സി ​കാ​റ്റ​ഗ​റി ജി​ല്ല​ക​ളി​ൽ തി​യ​റ്റ​റു​ക​ളു​ടെ പ്ര​വ​ർ​ത്ത​നം ത​ട​ഞ്ഞ സ​ർ​ക്കാ​ർ ഉ​ത്ത​ര​വ്​ ചോ​ദ്യം ചെ​യ്ത്​ തി​യ​റ്റ​ർ ഉ​ട​മ​ക​ളു​ടെ സം​ഘ​ട​ന​യാ​യ ഫി​യോ​ക് ന​ൽ​കി​യ ഹ​ര​ജി​യി​ലാ​ണ് സ​ർ​ക്കാ​റി​ന്‍റെ വി​ശ​ദീ​ക​ര​ണം. ഹ​ര​ജി ബു​ധ​നാ​ഴ്ച പ​രി​ഗ​ണി​ക്കാ​ൻ ജ​സ്റ്റി​സ്​ എ​ൻ. ന​ഗ​രേ​ഷ്​ മാ​റ്റി. ഷോ​പ്പി​ങ്​ മാ​ളു​ക​ളും മ​റ്റ്​ വ്യാ​പാ​ര സ്ഥാ​പ​ന​ങ്ങ​ളു​മൊ​ക്കെ തു​റ​ക്കാ​ൻ അ​നു​വ​ദി​ക്കു​മ്പോ​ൾ തി​യ​റ്റ​റു​ക​ൾ, ജി​മ്മു​ക​ൾ, സ്വി​മ്മി​ങ്​ പൂ​ളു​ക​ൾ എ​ന്നി​വ​ക്കു​മാ​ത്രം വി​ല​ക്ക്​ ഏ​ർ​പ്പെ​ടു​ത്തു​ന്ന​ത് വി​വേ​ച​ന​മാ​ണെ​ന്ന്​ ചൂ​ണ്ടി​ക്കാ​ട്ടി​യാ​ണ്​ ഹ​ര​ജി. ആ​രോ​ഗ്യ​മേ​ഖ​ല​യി​ലെ വി​ദ​ഗ്​​ധ​രു​ൾ​പ്പെ​ട്ട സ​മി​തി​യു​ടെ ശി​പാ​ർ​ശ​യെ​ത്തു​ട​ർ​ന്നാ​ണ് ഉ​ത്ത​ര​വ് പു​റ​പ്പെ​ടു​വി​ച്ച​തെ​ന്നാ​ണ്​ സ​ർ​ക്കാ​ർ വാ​ദം.

സ്വി​മ്മി​ങ്​ പൂ​ളു​ക​ളി​ൽ പ​ല​യാ​ളു​ക​ൾ നീ​ന്താ​ൻ ഇ​റ​ങ്ങു​ന്ന​തും ജി​മ്മു​ക​ളി​ൽ ഒ​രേ ഉ​പ​ക​ര​ണ​ങ്ങ​ൾ പ​ല​ർ ഉ​പ​യോ​ഗി​ക്കു​ന്ന​തും രോ​ഗ​വ്യാ​പ​നം കൂ​ട്ടാ​നി​ട​യു​ണ്ട്. മാ​ളു​ക​ളി​ലെ നി​യ​ന്ത്ര​ണ​ങ്ങ​ൾ നി​രീ​ക്ഷി​ക്കാ​ൻ സെ​ക്ട​റ​ൽ മ​ജി​സ്ട്രേ​ട്ടു​മാ​രെ നി​യോ​ഗി​ച്ചി​ട്ടു​ണ്ട്. കേ​ര​ള​ത്തി​ലെ സ്ഥി​തി മ​റ്റ്​ സം​സ്ഥാ​ന​ങ്ങ​ളി​ൽ​നി​ന്ന് വ്യ​ത്യ​സ്ത​മാ​യ​തി​നാ​ൽ കോ​വി​ഡ് വ്യാ​പ​ന​നി​ര​ക്ക്​ കൂ​ടി​യ മ​റ്റ്​ സം​സ്ഥാ​ന​ങ്ങ​ളി​ൽ തി​യ​റ്റ​റു​ക​ൾ​ക്ക് വി​ല​ക്കി​ല്ലെ​ന്ന വാ​ദം നി​ല​നി​ൽ​ക്കി​ല്ലെ​ന്ന്​ സ​ർ​ക്കാ​ർ വി​ശ​ദീ​ക​ര​ണ​ത്തി​ൽ പ​റ​യു​ന്നു.