പാലാ ഉപതെരഞ്ഞെടുപ്പ്​ : സ്ഥാനാർഥിത്വവുമായി ബന്ധപ്പെട്ട് ചർച്ച നടന്നിട്ടില്ല -ജോസ്​ കെ. മാണി

പാലാ: പാലാ ഉപതെരഞ്ഞെടുപ്പിലെ യു.ഡി.എഫിൻെറ സ്ഥാനാർഥിത്വവുമായി ബന്ധപ്പെട്ട് യാതൊരു വിധ​ ചർച്ചയും നടന്നിട്ടില്ലെന്ന് കേരള കോൺഗ്രസ്​ നേതാവ്​​ ജോസ്​ കെ. മാണി. സെപ്​തംബറിൽ തന്നെ തെരഞ്ഞെടുപ്പ്​ വരുമെന്ന്​ പ്രതീക്ഷിച്ചിരുന്നു. പാർട്ടി നേതൃയോഗത്തിൽ സ്ഥാനാർഥിയെ തീരുമാനിക്കുമെന്നും അദ്ദേഹം പറഞ്ഞു.

പാലായിൽ രമ്യമായി സ്ഥാനാർഥി നിർണയം നടക്കും. ​യു.ഡി.എഫ്​ ഒറ്റക്കെട്ടായി തെരഞ്ഞെടുപ്പിനെ നേരിടും. യു.ഡി.എഫ്​ അഭിമാനകരമായ ഭൂരിപക്ഷത്തിൽ വിജയിക്കും. രണ്ടില ചിഹ്​നം നൽകുന്ന കാര്യം തെരഞ്ഞെടുപ്പ്​ കമീഷൻ തീരുമാനമെടുക്ക​ട്ടേ എന്നും ജോസ്​ കെ. മാണി വ്യക്തമാക്കി.