ബിരുദവും ഡോക്​ടറേറ്റും വ്യാജമെന്ന്​ പരാതി; മറുപടിയുമായി വനിത കമീഷൻ അംഗം ഷാഹിദ കമാൽ

തിരുവനന്തപുരം: സംസ്ഥാന വനിതാ കമീഷൻ അംഗം ഷാഹിദ കമാലി​േന്‍റത്​​ വ്യാജ വിദ്യാഭ്യാസ യോഗ്യതയെന്ന്​ ആക്ഷേപം. ഷാഹിദ കമാലിന്​ സർവകലാശാല ബിരുദവും ഡോക്​ടറേറ്റുമില്ലെന്ന്​​ വെള്ളിയാഴ്​ച വൈകീട്ട്​ ഒരു ചാനൽ സംഘടിപ്പിച്ച ചർച്ചക്കിടെയാണ്​ ആക്ഷേപമുയർന്നത്​.

വിവരാവകാശ നിയമപ്രകാരം സർവകലാശാലയിൽനിന്ന്​ ലഭിച്ച രേഖയിൽ​ ഇക്കാര്യം ചൂണ്ടിക്കാട്ടിയിട്ടുണ്ടെന്ന്​ ചർച്ചയിൽ പ​െങ്കടുത്ത വനിത പറഞ്ഞു. എന്നാൽ, കമീഷൻ വെബ്​സൈറ്റിൽ ഡോ. ഷാഹിദ കമാൽ എന്നാണ്​ കാണുന്നത്​.

കമീഷൻ അംഗം വ്യാജ യോഗ്യതയാണ്​ കാണിച്ചതെന്നും അവർ ആരോപിച്ചു. ഷാഹിദക്കെതിരെയുള്ള ആരോപണം പരിശോധിക്കണമെന്ന്​ ചർച്ചയിൽ പ​െങ്കടുത്ത എ.​െഎ.എസ്​.എഫ്​ സംസ്ഥാന സെക്രട്ടറി അരുൺ ബാബുവും സി.പി.​െഎ നേതാവ്​ ആനി രാജയും കോൺഗ്രസ്​ നേതാവ്​ ഷാനിമോൾ ഉസ്​മാനും ആവശ്യപ്പെട്ടു.

2009ൽ കാസ‍ർ​കോട്​ ലോക്സഭാ സീറ്റിലും 2011ൽ ചടയമം​ഗലം നിയമസഭാ സീറ്റിലും ഷാഹിദാ കമാൽ മത്സരിച്ചിരുന്നു. രണ്ട് തെരഞ്ഞെടുപ്പിലും ഷാഹിദ നൽകിയ സത്യവാങ്മൂലം തെരഞ്ഞെടുപ്പ്​ കമീഷനിൽനിന്നും പരാതിക്കാരി ശേഖരിച്ചു​. തുടർന്ന് കേരള സർവകലാശാലയിൽനിന്നും വിവരാവകാശ നിയമപ്രകാരം ഇവരുടെ വിദ്യാഭ്യാസ വിവരങ്ങൾ എടുത്തു. ആ രേഖകൾ പ്രകാരം 1987-90 കാലഘട്ടത്തിലാണ് സർവകലാശാലക്ക്​ കീഴിലെ അഞ്ചൽ സെന്‍റ്​ ജോണ്സ് കോളജിൽ ഇവർ പഠിച്ചതെന്ന്​ വ്യക്​തമാകുന്നു. എന്നാൽ, ബികോം പൂർത്തിയാക്കാനായിട്ടില്ല.

തെരഞ്ഞെടുപ്പ് കമീഷന് നൽകിയ രേഖകൾ പ്രകാരം ഇവർ വിദ്യാഭ്യാസയോഗ്യതയായി ബി.കോം, പി.ജി.ഡി.സി.എ എന്ന് രേഖപ്പെടുത്തിയിട്ടുണ്ട്. ബിരുദം നേടാത്ത ഒരാൾക്ക് പി.ജി പാസാവാൻ സാധിക്കില്ല. അതിനാൽ ആ വാദവും തെറ്റാണ്. തോറ്റ ബി.കോം ഇവർ എന്നു പാസായി, പിന്നെ എപ്പോൾ പി.ജിയും പി.എച്ച്​.ഡിയും എടുത്തു എന്നൊന്നും വ്യക്തമല്ലെന്നും പരാതിക്കാരി ചൂണ്ടിക്കാട്ടി.

ഏത്​ അന്വേഷണവും സ്വാഗതം ചെയ്യുന്നു

ആരോപണവുമായി ബന്ധപ്പെട്ട ഏത്​ അന്വേഷണവും സ്വാഗതം ചെയ്യുന്നുവെന്ന്​ ഷാഹിദ കമാൽ പ്രതികരിച്ചു. തന്നെപ്പോലെയുള്ള ഒരു പൊതുപ്രവർത്തകക്ക്​ അത്തരത്തിൽ വ്യാജ യോഗ്യത വെക്കാൻ സാധിക്കുമോ എന്ന്​ സാമാന്യ യുക്​തിയുള്ളവർക്ക്​ മനസ്സിലാക്കാൻ സാധിക്കും. ഡിഗ്രിക്ക്​ പഠിച്ച കാലത്ത്​ കെ.എസ്​.യു സംഘടനാ പ്രവർത്തനവുമായി നടന്നതിനാൽ പരീക്ഷ എഴുതാനും പഠനം പൂർത്തിയാക്കാനും സാധിച്ചില്ല.

വിവാഹശേഷവും പൊതുരംഗത്ത്​ സജീവമായിരുന്നു. എന്നാൽ, ഭർത്താവ്​ ​കമാലുദ്ദീൻ മരിച്ചതോടെ 16 വയസ്സുള്ള മകന്‍റെയും മാതാപിതാക്കളുടെയും സംരക്ഷണം തന്‍റെ ചുമലിലായി​. കുടുംബത്തെ സംരക്ഷിക്കാൻ ഏതെങ്കിലും ബോർഡിൽ അംഗമാക്കണമെന്ന്​ കോൺഗ്രസ്​ സർക്കാറിനോട്​​ ആവശ്യപ്പെട്ടു. എന്നാൽ അതുണ്ടായില്ല. പിന്നീട്​ ജോലിക്ക്​ ശ്രമിച്ചപ്പോഴും വിദ്യാഭ്യാസ യോഗ്യത പ്രശ്​നമായി.

നഷ്​ടപ്പെട്ട വിദ്യാഭ്യാസം വീണ്ടെടുക്കുക എന്നതായി പിന്നീടുള്ള ലക്ഷ്യം. വിദൂരവിദ്യാഭാസം വഴി ബി.കോമും എം.എ പബ്ലിക്​ അഡ്​മിനിസ്​ട്രേഷനും പാസായി. നിലവിൽ ഇഗ്​നോയിൽ എം.എസ്​.ഡബ്ല്യു വിദ്യാർഥിനിയാണ്​.

ഷാഹിദ കമാൽ എന്ന പൊതുപ്രവർത്തകക്ക്​ ഇന്‍റർനാഷനൽ ഓപൺ യൂനിവേഴ്​സിറ്റിയിൽനിന്ന്​ ലഭിച്ചതാണ്​ ഡോക്​ടറേറ്റ്​. ​ഇതേ യൂനിവേഴ്​സിറ്റിയിൽനിന്ന്​ കേരളത്തിലെ നിരവധി പേർക്ക്​ ഡി.ലിറ്റ്​ ലഭിച്ചിട്ടുണ്ട്​. അവർ എല്ലാവരും ഡോക്​ടർ എന്ന്​ ​പ്രൊഫൈലിന്‍റെ കൂടെ വെക്കുന്നുണ്ടെന്നും ഷാഹിദ കമാൽ പറഞ്ഞു.