Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightമന്ത്രിക്കെതിരെ...

മന്ത്രിക്കെതിരെ പാർട്ടിയിൽ ഗൂഢാലോചനയില്ല -പി.സി. ചാക്കോ

text_fields
bookmark_border
PC Chacko
cancel
camera_alt

പി.സി. ചാക്കോ

കോട്ടയം: മന്ത്രി എ.കെ. ശശീന്ദ്ര​​െൻറ ഫോൺ വിളി പുറത്തുവന്നതിനുപിന്നിൽ പാർട്ടിയിലെ ആർക്കെങ്കിലും പങ്കുണ്ടെന്ന്​ കരുതുന്നില്ലെന്ന്​ എൻ.സി.പി സംസ്​ഥാന പ്രസിഡൻറ്​ പി.സി. ചാക്കോ. പാർട്ടിയിലെ ആഭ്യന്തരപ്രശ്​നങ്ങൾ ഇതിനുപിന്നിലില്ല. മന്ത്രിക്കെതിരെ പാർട്ടിയിൽ ഗൂഢാലോചനയില്ലെന്നും അദ്ദേഹം കോട്ടയം പ്രസ്​ ക്ലബി​െൻറ 'മുഖാമുഖ'ത്തിൽ പറഞ്ഞു.

ശശീന്ദ്രൻ തെറ്റ്​ ചെയ്തിട്ടില്ലെന്നാണ് പാർട്ടിയുടെ അഭിപ്രായം. മന്ത്രിക്കെതിരെ പെൺകുട്ടി മൊഴി നൽകിയിട്ടുണ്ടെങ്കിൽ പൊലീസ്​ സത്യം പുറത്തുകൊണ്ടുവരണം. പൊലീസ്​ അന്വേഷണത്തിൽ പാർട്ടി ഇടപെടില്ല. കൊല്ലത്ത്​ പാർട്ടിയിൽ നിലനിൽക്കുന്ന പ്രശ്​നങ്ങൾക്ക്​ പരിഹാരം കാണാൻ മന്ത്രി ഇടപെടണമെന്ന്​ പ്രവർത്തകർ പറഞ്ഞതനുസരിച്ചാണ്​ അ​ദ്ദേഹം ഫോൺ വിളിച്ചത്​. പ്രശ്നങ്ങൾ നല്ലനിലയിൽ തീർക്കണമെന്നാണ്​ പറഞ്ഞത്. മന്ത്രി പറഞ്ഞതിൽ മുൻതൂക്കം നൽകേണ്ടത് സംഘടനാപരമായ കാര്യങ്ങൾക്കാണ്​.

പാർട്ടിയിൽ ചില പ്രശ്​നങ്ങൾ നിലനിന്നിരുന്നു. ഇതിൽനിന്നാണ്​ പരാതി വര​ുന്നത്​. 18 ദിവസം കഴിഞ്ഞാണ്​ പരാതി നൽകിയത്​. എന്തുകൊണ്ടാണ്​ പരാതി വൈകിയതെന്ന്​ ചിന്തിക്കേണ്ടതുണ്ട്​. ബി.ജെ.പിക്കാരിയായ പെൺകുട്ടിയെ യുവമോർച്ചയാണ്​ സഹായിക്കുന്നത്​. അടുത്തിടെ ബി.ജെ.പി നേതാവടക്കം എൻ.സി.പിയിലേക്ക്​ വന്നിരുന്നു. ഇതിനുപിന്നാലെയാണ്​ പരാതികൾ ഉയരുന്നത്​.

സംഘടനാപരമായ നടപടി എടുക്കാനേ പാർട്ടിക്ക്​ കഴിയൂ. മറ്റ്​ നടപടികൾ സ്വീകരിക്കേണ്ടത്​ പൊലീസാണ്​. പാർട്ടി അന്വേഷണകമീഷൻ റിപ്പോർട്ടി​െൻറ അടിസ്​ഥാനത്തിൽ രണ്ടുപേർക്കെതിരെ നടപടിയെടുത്തു. തുടർനടപടി തിങ്കളാഴ്​ച കൊച്ചിയിൽ ചേരുന്ന സംസ്​ഥാന സമിതി യോഗം വിശദമായി ചർച്ച ചെയ്യുമെന്നും അദ്ദേഹം പറഞ്ഞു.

Show Full Article
TAGS:ak saseendran PC Chacko ncp 
News Summary - No conspiracy in party against minister ak saseendran: PC Chacko
Next Story