Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightകൊച്ചി കോർപറേഷനിൽ...

കൊച്ചി കോർപറേഷനിൽ അവിശ്വാസ പ്രമേയം പാസായി; സ്ഥിരംസമിതി അധ്യക്ഷസ്ഥാനം എൽ.ഡി.എഫിന്​ നഷ്​ടം

text_fields
bookmark_border
Kochi Corporation
cancel

കൊച്ചി: എൽ.ഡി.എഫ്​ ഭരിക്കുന്ന കൊച്ചി കോർപറേഷനിൽ നഗരാസൂത്രണ സ്ഥിരംസമിതി ചെയർമാനെതിരെ യു.ഡി.എഫ് കൊണ്ടുവന്ന അവിശ്വാസപ്രമേയം പാസായി. സി.പി.എം വിട്ട് യു.ഡി.എഫിനൊപ്പംനിന്ന ആറാം ഡിവിഷൻ കൗൺസിലർ എം.എ.എച്ച്. അഷ്​റഫി​െൻറ ഉൾപ്പെടെ അഞ്ച് വോട്ടിനാണ് ചർച്ചയില്ലാതെ പ്രമേയം പാസായത്. ഇതോടെ ആകെയുള്ള എട്ട്​ സമിതികളിൽ അഞ്ചെണ്ണമാണ്​ എൽ.ഡി.എഫിനുള്ളത്​.

​തിങ്കളാഴ്​ച കലക്ടർ ജാഫർ ​മാലിക്കി​െൻറ അധ്യക്ഷതയിൽ ചേർന്ന യോഗമാണ്​ പ്രമേയം ചർച്ച​െക്കടുത്തത്​. നിലവിലെ ചെയർമാൻ ജെ. സനൽമോനെതിരെ അഞ്ച് അംഗങ്ങൾ പ്രമേയത്തിൽ ഒപ്പിട്ടു. എൽ.ഡി.എഫ് അംഗങ്ങൾ വിട്ടുനിന്നു. ഒമ്പതംഗ കമ്മിറ്റിയിൽ സി.പി.എം​ അംഗമായ കെ.കെ. ശിവൻ മരിച്ചതിനെത്തുടർന്ന്​ സ്ഥാനം ഒഴിഞ്ഞുകിടക്കുകയാണ്​. എം.എച്ച്.എം. അഷ്​റഫ്​ പ്രമേയത്തെ അനുകൂലിച്ചു. യു.ഡി.എഫ്​ അംഗങ്ങളായ എ.ആർ. പത്മദാസ്, മിനി ദിലീപ്, സുജ ലോനപ്പൻ, സക്കീർ തമ്മനം എന്നീ കൗൺസിലർമാരും അനുകൂലമായി വോട്ട് ചെയ്തതോടെ പ്രമേയം പാസായി.

പുതിയ നഗരാസൂത്രണ സ്ഥിരം സമിതി ചെയർമാനെ തെരഞ്ഞെടുക്കുന്നതിനുള്ള തീയതി അടുത്ത ദിവസം കലക്ടർ പ്രഖ്യാപിക്കും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Kochi CorporationNo confidence motion
News Summary - No-confidence motion passed in Kochi Corporation; LDF loses standing committee chairmanship
Next Story