സ്വാതന്ത്ര്യദിനം, ഓണം: ഇനി 20 ദിവസം സമ്പൂർണ ലോക്​ഡൗണില്ല

തിരുവനന്തപുരം: സ്വാതന്ത്ര്യദിനവും ഓണവും പ്രമാണിച്ച്​ സംസ്​ഥാനത്ത്​ ഇനി 20 ദിവസം സമ്പൂർണ ലോക്​ഡൗൺ ഉണ്ടായിരിക്കില്ല. ആഘോഷത്തോടനുബന്ധിച്ച്​ ഞായറാഴ്ച ദിവസങ്ങളായ ആഗസ്റ്റ്​ 15, 22 തീയതികളിലെ സമ്പൂർണ ലോക്​ഡൗൺ എടുത്തുകളഞ്ഞതോടെയാണിത്​.

അതേസമയം, കോവിഡ്​ വ്യാപനം തടയാനുള്ള മാനദണ്ഡങ്ങൾ കർശനമായി നടപ്പാക്കുന്നത്​ തുടരും. മാസ്​ക്​, സാമൂഹിക അകലം തുടങ്ങിയ കാര്യങ്ങളിൽ വരും ദിവസങ്ങളിലും പരിശോധന തുടരും. മൂന്നുമാസത്തിനിടെ മാസ്​ക്​ ധരികാത്തതിന്​ മാത്രം 55 കോടി രൂ​പയാണ്​ പിഴ ചുമത്തിയത്​. ഇക്കാലയളവിൽ 10 ലക്ഷം പേരിൽനിന്നായാണ്​ പിഴ ഈടാക്കിയത്​. മേ​യി​ൽ 2.60 ല​ക്ഷം, ജൂ​ണി​ൽ മൂ​ന്ന്​ ല​ക്ഷം, ജൂ​ലൈ​യി​​ൽ 4.34 ല​ക്ഷ​ം എന്നിങ്ങനെയാണ്​ മാസ്​ക്​ ധരിക്കാത്തതിന്​ പിഴ ചുമത്തിയവരുടെ എണ്ണം. കഴിഞ്ഞ മൂന്നുദിവസത്തിനി​െട നാല്​ കോടി രൂപയാണ്​ പിഴ ഇനത്തിൽ പൊലീസ്​ ഈടാക്കിയത്​. 70,000 പേരിൽനിന്നാണ്​ ഇത്രയും തുക ഈടാക്കിയത്​.

നി​യ​ന്ത്ര​ണ​ങ്ങ​ളും മാ​ന​ദ​ണ്ഡ​ങ്ങ​ളും ലം​ഘി​ച്ച​തി​ന്​ മേ​യി​ൽ സം​സ്​​ഥാ​ന​ത്താ​കെ 80964 കേ​സു​ക​ളാ​ണ്​ ര​ജി​സ്​​റ്റ​ർ ചെ​യ്​​ത​തെ​ങ്കി​ൽ ജൂ​ണി​ൽ 1.38 ല​ക്ഷ​മാ​യും ജൂ​ലൈ​യി​ൽ 2.20 ല​ക്ഷ​മാ​യും വ​ർ​ധി​ച്ചു. അ​റ​സ്​​റ്റി​ലാ​കു​ന്ന​വ​രു​ടെ എ​ണ്ണ​വും കൂ​ടി. മേ​യി​ൽ 33664 പേ​രാ​യി​രു​ന്നെ​ങ്കി​ൽ ജൂ​ണി​ൽ അ​റ​സ്​​റ്റി​ലാ​യ​ത്​ 46,691 പേ​രാ​ണ്​. ജൂ​ലൈ​യി​ലാ​ക​െ​ട്ട 46,560ഉം. ​നി​ർ​ദേ​ശം പാ​ലി​ക്കാ​തെ വാ​ഹ​ന​ങ്ങ​ളു​മാ​യി നി​ര​ത്തി​ലി​റ​ങ്ങി​യ​തി​ന്​ 40195 പേ​ർ​ക്കാ​ണ്​ മേ​യി​ൽ പി​ടി​വീ​ണ​ത്. ജൂ​ണി​ലി​ത്​ 80296ഉം ​ജൂ​ലൈ​യി​ൽ 94609ഉം. ​സ​മ്പ​ർ​ക്ക വി​ല​ക്ക്​ ലം​ഘി​ച്ച​തി​ന്​ മേ​യി​ലെ 1333ൽ​നി​ന്ന്​ ജൂ​ലൈ​യി​ലേ​ക്കെ​ത്തു​േ​മ്പാ​ൾ 2959 ആ​യാ​ണ്​ കേ​സു​ക​ൾ കൂ​ടി​യ​ത്.