സംസ്​ഥാനത്ത്​ സമൂഹവ്യാപനം ഉണ്ടായിട്ടില്ല -മുഖ്യമന്ത്രി

തിരുവനന്തപുരം: സംസ്​ഥാനത്ത്​ സമൂഹ വ്യാപനം ഉണ്ടായിട്ടില്ലെന്ന്​ മുഖ്യമന്ത്രി പിണറായി വിജയൻ. എന്നാൽ സമൂഹ വ്യാ പന ഭീഷണി ഒഴിഞ്ഞുവെന്ന്​ പറയാൻ കഴിയില്ല. സമൂഹ വ്യാപന ഭീഷണി തുടരുകയും നിലനിൽക്കുകയാണെന്നും അദ്ദേഹം പറഞ്ഞു.

< strong>അതിർത്തികൾ അടഞ്ഞുതന്നെ
തമിഴ്​നാട്​, കർണാടക അതിർത്തി പങ്കിടുന്ന പ്രദേശങ്ങളിലൂടെ ആളുകൾ ഇരുവശത്തേക്കും കടക്കുന്നത്​ തടയാനുള്ള കർശന നടപടി സ്വീകരിച്ചിട്ടുണ്ട്​. മെഡിക്കൽ ആവശ്യങ്ങൾ ഉൾപ്പെടെയുള്ള അത്യാവശ്യ ആവശ്യങ്ങൾക്ക്​ വേണ്ടി ജില്ല കടന്നുപോകുന്നതിന്​ ജില്ല പൊലീസ്​ ആസ്​ഥാനത്ത്​ നിന്നും ജില്ല പൊലീസ്​ മേധാവിമാരുടെ ഓഫിസിൽനിന്നും എമർജൻസി പാസ്​ ലഭിക്കണം. അത്തരം ആളുകൾക്ക്​ മാത്രമേ ജില്ല കടന്നുപോകുന്നതിന്​ അനുമതിയുണ്ടാകുവെന്നും മുഖ്യമന്ത്രി പറഞ്ഞു.

രണ്ടു കേസുകൾ രജിസ്​റ്റർ ചെയ്​തു
കളയിക്കാവിളയിൽനിന്ന്​ അതിർത്തി കടന്നെത്തിയ തമിഴ്​നാട്​ ഗവൺ​മ​െൻറ്​ സർവിസിലെ വനിത ഡോക്​ടറെയും അവരെ അതിർത്തി കടത്താൻ സഹായിച്ച സംസ്​ഥാന സർവിസിലെ ഡോക്​ടറായ ഭർത്താവിനെയും ക്വാറൻറീനിലാക്കി. രണ്ടുപേർക്കുമെതിരെ പകർച്ചവ്യാധി നിയന്ത്രണ നിയമപ്രകാരവും ഐ.പി.സി വകുപ്പുകൾ പ്രകാരവും കേസ്​ രജിസ്​റ്റർ ചെയ്​തു. വാഹനങ്ങളിൽ അതിർത്തി കടക്കാൻ ശ്രമിച്ചതിന്​ കൊല്ലം ജില്ലയിലെ തെന്മല പൊലീസ്​ സ്​റ്റേഷനിൽ നാലു കേസുകൾ രജിസ്​റ്റർ ചെയ്​തു. അഞ്ചുപേരെ അറസ്​റ്റ്​ ചെയ്​ത്​ ജാമ്യത്തിൽ വിടുകയും ചെയ്​തു. കേന്ദ്രീയ വിദ്യാലയം അധ്യാപിക വയനാട്​ അതിർത്തിയിലൂടെ കർണാടകയിൽ പ്രവേശിപ്പിച്ച സംഭവത്തിൽ വൈത്തിരി പൊലീസ്​ കേസ്​ രജിസ്​റ്റർ ചെയ്​ത്​ അ​േന്വഷണം ആരംഭിച്ചു. നിലവിൽ അന്തർ സംസ്​ഥാന യാത്ര അനുവദനീയമല്ല. ലോക്​ഡൗൺ നിബന്ധനകൾ ലംഘക്കാനാകില്ല. കർക്കശമായി ഇത്തരം യാത്രകൾ തടയും. അന്തർസംസ്​ഥാന ചരക്ക്​ നീക്കത്തിൽ പ്രശ്​നങ്ങളില്ലെന്നും അദ്ദേഹം പറഞ്ഞു.