ലൈംഗികാതിക്രമ പരാതിയിൽ നടപടിയില്ല; ലോ കോളജിൽ രാപ്പകൽ സമരം

കൊച്ചി: ലൈംഗികാതിക്രമ പരാതിയിൽ നടപടി സ്വീകരിച്ചില്ലെന്ന് ആരോപിച്ച് എറണാകുളം ലോ കോളജ് എസ്.എഫ്.ഐ യൂനിറ്റ് കമ്മിറ്റി നടത്തുന്ന രാപ്പകൽ സമരം നാലു ദിവസം പിന്നിട്ടു. നാലു മാസം മുമ്പ് ആഭ്യന്തര പരാതി സമിതിക്ക് നൽകിയ പരാതിയിൽ നടപടി സ്വീകരിച്ചില്ലെന്നാണ് വിദ്യാർഥികളുടെ ആരോപണം.

കോളജിലെ ഒരു വിദ്യാർഥിനിയുടെ നേരെയാണ് മറ്റൊരു വിദ്യാർഥിയിൽനിന്ന് ലൈംഗികാതിക്രമം ഉണ്ടായത്. യു.ജി.സി മാനദണ്ഡങ്ങൾ പാലിക്കാതെയാണ് കോളജിൽ ആഭ്യന്തര പരാതി സമിതിക്ക് രൂപംനൽകിയതെന്നും അവർ കുറ്റപ്പെടുത്തുന്നു. സമിതി പുനഃക്രമീകരിക്കണമെന്ന ആവശ്യവും ഉന്നയിക്കുന്നുണ്ട്.