എ​ൻ.​എം. വി​ജ​യ​ന്റെ ക​ട​ബാ​ധ്യ​ത; പ്ര​തി​രോ​ധ​ത്തി​ലാ​യി കോ​ൺ​ഗ്ര​സ്

സു​ൽ​ത്താ​ൻ ബ​ത്തേ​രി: ആ​ത്മ​ഹ​ത്യ ചെ​യ്ത ഡി.​സി.​സി ട്ര​ഷ​റ​ർ എ​ൻ.​എം. വി​ജ​യ​ന്റെ ക​ട​ബാ​ധ്യ​ത​യു​മാ​യി ബ​ന്ധ​പ്പെ​ട്ട വി​ഷ​യ​ത്തി​ൽ പ്ര​തി​രോ​ധ​ത്തി​ലാ​യി കോ​ൺ​ഗ്ര​സ് നേ​തൃ​ത്വം. ക​ട​ബാ​ധ്യ​ത​ക​ൾ തീ​ർ​ക്കാ​മെ​ന്ന കെ.​പി.​സി.​സി നേ​തൃ​ത്വ​ത്തി​ന്റെ വാ​ക്ക് പാ​ലി​ക്ക​പ്പെ​ടാ​ത്ത​തി​നെ​തി​രെ എ​ൻ.​എം. വി​ജ​യ​ന്റെ മ​ക്ക​ൾ ക​ഴി​ഞ്ഞ ദി​വ​സം ശ​ക്ത​മാ​യി രം​ഗ​ത്തു​വ​ന്ന​ത് നേ​തൃ​ത്വ​ത്തെ പ്ര​തി​രോ​ധ​ത്തി​ലാ​ക്കി.

അ​ദ്ദേ​ഹ​ത്തി​ന്റെ ര​ണ്ട​ര കോ​ടി​യോ​ളം രൂ​പ​യു​ടെ ക​ടം പൂ​ർ​ണ​മാ​യി തീ​ർ​ത്തു കൊ​ടു​ക്കു​ക മാ​ത്ര​മാ​ണ് കോ​ൺ​ഗ്ര​സി​നു മു​ന്നി​ലു​ള്ള പോം​വ​ഴി. ക​ഴി​ഞ്ഞ ദി​വ​സം ബ​ത്തേ​രി​ക്ക​ടു​ത്തു​ള്ള വ​നം വ​കു​പ്പി​ന്റെ ഇ​ൻ​സ്പെ​ക്ഷ​ൻ ബം​ഗ്ലാ​വാ​യ ഗ​ജ​യി​ൽ എം.​പി ഫ​ണ്ടി​ൽ അ​നു​വ​ദി​ച്ച ആ​നി​മ​ൽ ആം​ബു​ല​ൻ​സി​ന്റെ ഉ​ദ്ഘാ​ട​ന​ത്തി​ന് പ്രി​യ​ങ്ക ഗാ​ന്ധി എ​ത്തി​യി​രു​ന്നു. എ​ൻ.​എം. വി​ജ​യ​ന്റെ മ​ക​ൻ വി​ജേ​ഷും മ​രു​മ​ക​ൾ പ​ത്മ​ജ​യും പ്രി​യ​ങ്ക ഗാ​ന്ധി​യോ​ട് കാ​ര്യ​ങ്ങ​ൾ ധ​രി​പ്പി​ക്കാ​നാ​യി ഗ​ജ​യി​ൽ പോ​യി.

എ​ന്നാ​ൽ, പ്രി​യ​ങ്ക ഗാ​ന്ധി​യെ കാ​ണാ​നു​ള്ള അ​വ​സ​രം​പോ​ലും ഇ​വ​ർ​ക്ക് ല​ഭി​ച്ചി​ല്ല. ഇ​തോ​ടെ​യാ​ണ് ക​ടം തീ​ർ​ക്കാ​മെ​ന്നു​ള്ള കോ​ൺ​ഗ്ര​സ് നേ​താ​ക്ക​ളുടെ വാ​ഗ്ദാ​ന​ങ്ങ​ൾ പാ​ലി​ക്ക​പ്പെ​ട്ടി​ട്ടി​ല്ലെ​ന്ന് മ​ക്ക​ൾ മാ​ധ്യ​മ​ങ്ങ​ൾ​ക്കു മു​ന്നി​ൽ പ​റ​ഞ്ഞ​ത്.

എ​ൻ.​എം. വി​ജ​യ​ന്റെ മ​ണി​ച്ചി​റ​യി​ലെ വീ​ട​ട​ക്കം പ​ണ​യ​ത്തി​ലാ​ണെ​ന്നും പാ​ർ​ട്ടി​ക്ക് വേ​ണ്ടി​യാ​ണ് ബാ​ധ്യ​ത​ക​ൾ വ​രു​ത്തി​വെ​ച്ച​തെ​ന്നും മ​രു​മ​ക​ൾ പ​ത്മ​ജ പ​റ​ഞ്ഞു. സു​ൽ​ത്താ​ൻ ബ​ത്തേ​രി അ​ർ​ബ​ൻ ബാ​ങ്കി​ലെ ബാ​ധ്യ​ത​ക​ൾ തീ​ർ​ത്തു ത​രാ​നും നേ​തൃ​ത്വം ത​യാ​റാ​കു​ന്നി​ല്ല. കോ​ൺ​ഗ്ര​സ് ഭ​രി​ക്കു​ന്ന ബാ​ങ്കാ​യ​തി​നാ​ൽ നി​ഷ്പ്ര​യാ​സം അ​വ​ർ​ക്ക​തി​ന് സാ​ധി​ക്കും.

ക​ടം​ക​യ​റി നി​ൽ​ക്ക​ക്ക​ള്ളി​യി​ല്ലാ​ത്ത അ​വ​സ്ഥ​യി​ലാ​ണ് അ​ച്ഛ​ൻ ആ​ത്മ​ഹ​ത്യ ചെ​യ്ത​തെ​ന്നും ആ ​മാ​ർ​ഗം​ത​ന്നെ​യാ​ണ് ത​ങ്ങ​ൾ​ക്ക് മു​ന്നി​ലു​ള്ള​തെ​ന്നും അ​ങ്ങ​നെ​യെ​ങ്കി​ൽ അ​തി​ന്റെ ഉ​ത്ത​ര​വാ​ദി ഐ.​സി. ബാ​ല​കൃ​ഷ്ണ​ൻ എം.​എ​ൽ.​എ ആ​യി​രി​ക്കു​മെ​ന്നും മ​രു​മ​ക​ൾ പ​ത്മ​ജ ആ​രോ​പി​ച്ചു.

എ​ൻ.​എം. വി​ജ​യ​ന്റെ ആ​ത്മ​ഹ​ത്യ​യു​മാ​യി ബ​ന്ധ​പ്പെ​ട്ട പ്രേ​ര​ണ​ക്കു​റ്റം ചു​മ​ത്ത​പ്പെ​ട്ട​തോ​ടെ താ​ൻ ജാ​മ്യ​ത്തി​ലാ​ണെ​ന്നും കു​ടും​ബ​വു​മാ​യി നേ​രി​ട്ട് ബ​ന്ധ​പ്പെ​ട്ടി​ട്ടി​ല്ലെ​ന്നും ഐ.​സി. ബാ​ല​കൃ​ഷ്ണ​ൻ എം.​എ​ൽ.​എ പ്ര​തി​ക​രി​ച്ചു.

അ​തേ​സ​മ​യം, പ്ര​ശ്ന പ​രി​ഹാ​ര​ത്തി​ന് തി​ര​ക്കി​ട്ട നീ​ക്ക​ങ്ങ​ൾ നേ​തൃ​ത്വം ശ​ക്ത​മാ​ക്കി​യി​ട്ടു​ണ്ടെ​ന്നാ​ണ് തി​ങ്ക​ളാ​ഴ്ച കോ​ൺ​ഗ്ര​സ് വൃ​ത്ത​ങ്ങ​ളി​ൽ​നി​ന്ന് ല​ഭി​ക്കു​ന്ന സൂ​ച​ന.