''ഇടതുപക്ഷ ലക്ഷ്യം സാമുദായിക ​ധ്രുവീകരണം, ഇസ്​ലാമോഫോബിയ വളർത്താനുള്ള ​ബോധപൂർവ ശ്രമം''

മലപ്പുറം: താൽക്കാലിക രാഷ്​ട്രീയ നേട്ടത്തിന്​​ സാമുദായിക ധ്രുവീകരണമാണ്​ ഇടതുപക്ഷം ലക്ഷ്യംവെക്കുന്നതെന്ന്​ എൻ.കെ. പ്രേമചന്ദ്രൻ എം.പി. എടപ്പാള്‍ ശിഹാബ് തങ്ങള്‍ റിലീഫ് സെല്ലി​െൻറ എട്ടാമത് പുരസ്‌കാരം മുസ്​ലിം ലീഗ് സംസ്ഥാന അധ്യക്ഷൻ പാണക്കാട് ഹൈദരലി ശിഹാബ് തങ്ങളിൽനിന്ന്​ ഏറ്റുവാങ്ങി സംസാരിക്കുകയായിരുന്നു അദ്ദേഹം.

മുസ്​ലിം വിരുദ്ധ രാഷ്​ട്രീയത്തിലൂടെ ബോധപൂർവം ബി.ജെ.പി അടക്കമുള്ള വർഗീയ ഫാഷിസ്​റ്റ്​ സംഘടനകളെ ശാക്​തീകരിക്കുകയാണ്​. ഇസ്​ലാമോഫോബിയ വളർത്താനുള്ള ​ബോധപൂർവ ശ്രമങ്ങളാണിത്​. മന്ത്രി കെ.ടി. ജലീൽ അടക്കമുള്ളവരുടെ മൗനം ആപത്കരമാണെന്നും അദ്ദേഹം പറഞ്ഞു.

മലപ്പുറം പ്രസ്‌ക്ലബ് ഹാളില്‍ നടന്ന ചടങ്ങില്‍ മെമ​േൻറായും 11,111 രൂപയുമടങ്ങുന്ന പുരസ്​കാരം​ സമ്മാനിച്ചു​. അവാർഡ്​ തുക ശിഹാബ് തങ്ങള്‍ റിലീഫ് സെല്ലി​െൻറ കാരുണ്യ പ്രവര്‍ത്തനങ്ങള്‍ക്കായി പിന്നീട്​ പാണക്കാട്​ മുനവ്വറലി തങ്ങൾക്ക്​ കൈമാറി.

മുസ്​ലിം ലീഗ് മലപ്പുറം ജില്ല പ്രസിഡൻറ്​ പാണക്കാട് സാദിഖലി ശിഹാബ് തങ്ങള്‍ അധ്യക്ഷത വഹിച്ചു. പി.കെ. കുഞ്ഞാലിക്കുട്ടി എം.പി, ഇ.ടി. മുഹമ്മദ് ബഷീര്‍ എം.പി എന്നിവര്‍ മുഖ്യാതിഥികളായി. കഥാകൃത്ത് പി. സുരേന്ദ്രന്‍ മുഖ്യപ്രഭാഷണം നടത്തി.