കാ​ത്​ കു​ത്തി​യ​വ​ൻ പോ​യ​പ്പോ​ൾ ക​ടു​ക്ക​നി​ട്ട​വ​ൻ വ​ന്നു

‘കാ​ത്​ കു​ത്തി​യ​വ​നെ എ​തി​ർ​ത്ത​പ്പോ​ൾ ക​ടു​ക്ക​നി​ട്ട​വ​ൻ വ​ന്നു’, ​പ​ഴ​യ ഗ​വ​ർ​ണ​റെ എ​തി​ർ​ത്തി​രു​ന്ന ഭ​ര​ണ​പ​ക്ഷ​ത്തി​ന്​ പു​തി​യ ഗ​വ​ർ​ണ​റോ​ടു​ള്ള സ​മീ​പ​നം മു​ൻ​നി​ർ​ത്തി തി​രു​വ​ഞ്ചൂ​ർ രാ​ധാ​കൃ​ഷ്​​ണ​ൻ നി​യ​മ​സ​ഭ​യി​ൽ തൊ​ടു​ത്ത ഒ​ളി​യ​മ്പാ​ണി​ത്​. ഭ​ര​ണ​പ​ക്ഷ​ത്തി​ന്​ അ​ത്​ ദ​ഹി​ച്ചി​ല്ല. ക​ട​കം​പ​ള്ളി സു​രേ​ന്ദ്ര​ൻ ചാ​ടി​യെ​ഴു​ന്നേ​റ്റു. ഗ​വ​ർ​ണ​ർ​ക്കെ​തി​രാ​യ പ്ര​യോ​ഗം ശ​രി​യ​ല്ലെ​ന്ന്​ പി.​വി. ശ്രീ​നി​ജ​നും. ബി​ഹാ​ർ ഗ​വ​ർ​ണ​റാ​യി​രു​ന്ന​പ്പോ​ൾ ഇ​തേ​യാ​ൾ ഗാ​ന്ധി​ജി​ക്കെ​തി​രെ ന​ട​ത്തി​യ പ​രാ​മ​ർ​ശ​മു​യ​ർ​ത്തി​യ എ​ൻ.​എ. നെ​ല്ലി​ക്കു​ന്ന്,​ അ​ട്ട​യെ പി​ടി​ച്ച്​ മെ​ത്ത​യി​ൽ കി​ട​ത്തി​യാ​ൽ കി​ട​ക്കി​ല്ലെ​ന്ന പ​ഴ​മൊ​ഴി പ​ങ്കു​വെ​ച്ചു. പാ​ലി​ന്​ വ​ന്ന പൂ​ച്ച മോ​ര്​ കു​ടി​ച്ച്​ പോ​കി​ല്ലെ​ന്നും നെ​ല്ലി​ക്കു​ന്ന്​ തു​ട​ർ​ന്നു. പ​ഴ​യ എ.​ഐ.​സി.​സി സെ​ക്ര​ട്ട​റി​യും കേ​ന്ദ്ര​മ​ന്ത്രി​യു​മൊ​ക്കെ​യാ​യി​രു​ന്ന മു​ൻ ഗ​വ​ർ​ണ​ർ സ​ഭ​യി​ൽ പ്ര​സം​ഗം വാ​യി​ക്കാ​തെ പോ​യ​​പ്പോ​ൾ പു​തി​യ ഗ​വ​ർ​ണ​ർ സ​ർ​ക്കാ​റി​നെ​ക്കു​റി​ച്ച്​ മ​ന​സ്സി​ലാ​ക്കി ര​ണ്ടു​ മ​ണി​ക്കൂ​ർ ന​യ​പ്ര​ഖ്യാ​പ​നം വാ​യി​ച്ചെ​ന്ന്​ ജോ​ബ്​ മൈ​ക്കി​ൾ വാ​ചാ​ല​നാ​യി. കേ​ന്ദ്ര​ത്തെ എ​തി​ർ​ക്കു​ന്ന​തി​​ൽ സ​ർ​ക്കാ​റി​ന്​ പ​ഴ​യ ശൗ​ര്യ​മി​ല്ലെ​ന്ന്​ മോ​ൻ​സ്​ ജോ​സ​ഫും ടി. ​സി​ദ്ദീ​ഖും നി​രീ​ക്ഷി​ച്ചു. ന​യ​പ്ര​ഖ്യാ​പ​ന​ ന​ന്ദി​പ്ര​മേ​യം ച​ർ​ച്ച​ക്കെ​ടു​ത്ത​തി​ന്‍റെ ആ​ദ്യ​ദി​ന​ത്തി​ൽ രാ​ഷ്ട്രീ​യ വി​വാ​ദ​ങ്ങ​ൾ​ക്കാ​യി​രു​ന്നു മേ​ൽ​ക്കൈ.

കൂ​ത്താ​ട്ടു​കു​ള​ത്തെ ത​ട്ടി​ക്കൊ​ണ്ടു​പോ​ക​ലി​ന്‍റെ പേ​രി​ൽ ശൂ​ന്യ​വേ​ള​യി​ൽ​ത​ന്നെ ഭ​ര​ണ-​പ്ര​തി​പ​ക്ഷാം​ഗ​ങ്ങ​ൾ കൊ​മ്പു​കോ​ർ​ത്തു. സ്പീ​ക്ക​റും പ്ര​തി​പ​ക്ഷ നേ​താ​വും ത​മ്മി​ൽ പ​ല​വ​ത​ണ ഉ​ര​സി. വി​ഷ​യം പ്ര​തി​പ​ക്ഷ ഇ​റ​ങ്ങി​പ്പോ​ക്കി​ൽ ക​ലാ​ശി​ച്ചെ​ങ്കി​ലും അ​വി​ടെ​യും തീ​ർ​ന്നി​ല്ല കാ​ര്യ​ങ്ങ​ൾ. ന​ന്ദി​പ്ര​മേ​യ ച​ർ​ച്ച​ക്കി​ടെ, പ്ര​തി​പ​ക്ഷ നേ​താ​വി​നെ​തി​രെ കാ​ന​ത്തി​ൽ ജ​മീ​ല രം​ഗ​ത്തു​വ​ന്നു. പ്ര​തി​പ​ക്ഷ നേ​താ​വി​ന്‍റെ ശൈ​ലി ആ ​പാ​ർ​ട്ടി​യി​ലു​ള്ള​വ​ർ പോ​ലും ത​ള്ളി​പ്പ​റ​യു​മ്പോ​ൾ ത​ങ്ങ​ൾ​ക്ക്​ അം​ഗീ​ക​രി​ക്കാ​ൻ ക​ഴി​യു​മോ​യെ​ന്നാ​യി അ​വ​ർ.

പി​ണ​റാ​യി​യു​ടെ കൈ​യൂ​ക്കും നെ​ഞ്ചൂ​ക്കു​മി​ല്ലാ​യി​രു​ന്നെ​ങ്കി​ൽ ദേ​ശീ​യ​പാ​ത യാ​ഥാ​ർ​ഥ്യ​മാ​കു​മാ​യി​രു​ന്നോ​യെ​ന്ന്​​ ഡോ. ​കെ.​ടി. ജ​ലീ​ൽ ചോ​ദി​ച്ചു. സൗ​മ്യ​നാ​യ മു​ൻ ഭ​ര​ണാ​ധി​കാ​രി ​2013ൽ ​ഭൂ​മി ഏ​റ്റെ​ടു​ക്ക​ൽ നി​യ​മം പാ​സാ​ക്കി​യ​തു​കൊ​ണ്ടാ​ണ​തെ​ന്ന്​ പി.​സി. വി​ഷ്ണു​നാ​ഥ്. എ​ന്ത്​ അ​വ​കാ​ശ​പ്പെ​ട്ടാ​ലും പു​ള്ളി​മാ​ന്‍റെ പു​ള്ളി തേ​ച്ചാ​ൽ മാ​റി​ല്ലെ​ന്നാ​യി മ​ന്ത്രി മു​ഹ​മ്മ​ദ്​ റി​യാ​സ്. ഉ​മ്മ​ൻ ചാ​ണ്ടി വി​ഴി​ഞ്ഞം ഒ​പ്പി​ട്ടി​ല്ലാ​യി​രു​ന്നെ​ങ്കി​ൽ ആ ​പ​ദ്ധ​തി കാ​ണി​ല്ലാ​യി​രു​ന്നെ​ന്ന്​ വി​ഷ്ണു​വും. വി​ഷ്ണു​നാ​ഥ്​ ക​ണ്ണി​റു​ക്കി​യാ​ൽ കേ​ര​ളം ഇ​രു​ട്ടി​ലാ​കു​മോ എ​ന്നാ​യി ഡി.​കെ. മു​ര​ളി.

വ​ർ​ഗീ​യ​ശ​ക്തി​ക​ളെ പി​ന്തു​ണ​ക്കു​ന്ന​താ​ണ്​ കോ​ൺ​ഗ്ര​സി​ന്‍റെ​യും ലീ​ഗി​ന്‍റെ​യും സ​മീ​പ​ന​മെ​ന്ന്​ വ​രു​ത്താ​നാ​ണ്​ ടി.​പി. രാ​മ​കൃ​ഷ്​​ണ​നും എ.​​സി. മൊ​യ്തീ​നും ശ്ര​മി​ച്ച​ത്. ജ​മാ​അ​ത്തെ ഇ​സ്​​ലാ​മി​യു​മാ​യി 30 കൊ​ല്ല​ത്തെ ധാ​ര​ണ ഇ​ട​തു​പ​ക്ഷ​ത്തി​നാ​ണെ​ന്ന്​ എ​ൻ. ഷം​സു​ദ്ദീ​ൻ തി​രി​ച്ച​ടി​ച്ചു. മ​ദ്യ​ന​യ​വും പു​തി​യ ഡി​സ്​​റ്റി​ല​റി വി​വാ​ദ​വും സ​ഭ​യി​ൽ ക​ത്തി​നി​ന്നു. കേ​ര​ളം കു​ടി​ച്ച്​ ന​ശി​ക്കാ​ൻ വ​ഴി​വെ​ട്ടു​ക​യാ​ണ്​ സ​ർ​ക്കാ​റെ​ന്ന്​ തി​രു​വ​ഞ്ചൂ​ർ. ക​ർ​ണാ​ട​ക​യി​ലെ കോ​​ൺ​ഗ്ര​സു​കാ​രു​ടെ ഡി​സ്റ്റി​ല​റി​ക​ളി​ൽ​നി​ന്ന്​ ഇ​നി പ​ണം വ​രാ​ത്ത​തു​കൊ​ണ്ടാ​ണ്​ എ​തി​ർ​പ്പെ​ന്നാ​യി​ ചി​ത്ത​ര​ഞ്ജ​ൻ.