മത്സരിക്കാൻ ഒരുഘട്ടത്തിലും ആഗ്രഹിച്ചിട്ടില്ല​- നിഷ ​േജാസ്​.കെ.മാണി

കോട്ടയം: പാലാ ഉപതെരഞ്ഞെടുപ്പിൽ മത്സരിക്കാൻ ഒരുഘട്ടത്തിലും ആഗ്രഹിച്ചിട്ടി​െല്ലന്ന്​ നിഷ ​േജാസ്​.കെ.മാണി. താ നോ ജോസ്​.കെ.മാണിയോ ഒരു ആലോചനയും ഇക്കാര്യത്തിൽ നടത്തിയിട്ടില്ല. യു.ഡി.എഫ്​ പ്രഖ്യാപിച്ച സ്​ഥാനാർഥി വൻ വിജയം നേടും. സ്​ഥാനാർഥിക്കൊപ്പം സജീവമായുണ്ടാകും. പാലാക്കാർക്ക്​ ജോസ്​ ടോം ഏറെ സൂപരിചിതനാണെന്നും അവർ മാധ്യമപ്രവർത്തകരോട്​ പറഞ്ഞു.

നിഷയെ ഒഴിവാക്കിയത്​ യു.ഡി.എഫ്​ സമ്മർദത്തി​െനാടുവിൽ
കോട്ടയം: കെ.എം. മാണിയുടെ പിൻഗാമിയായി പാലായിൽ നിഷ ജോസ്​ കെ. മാണിയെ മത്സരിപ്പിക്കാനുള്ള നീക്കത്തിലായിരുന്നു അവസാന നിമിഷംവരെ ജോസ്​ വിഭാഗമെങ്കിലും യു.ഡി.എഫ്​ സമ്മർദം മൂലം പിന്മാറേണ്ടി വന്നു. തുടക്കം മുതൽ നിഷ സ്​ഥാനാർഥിയാകുന്നതിനെ എതിർക്കുന്ന നിലപാടാണ്​ ജോസഫ് വിഭാഗം സ്വീകരിച്ചത്​. പരസ്യമായി നിഷയെ തള്ളിയതി​െനാപ്പം യു.ഡി.എഫ്​ നേതൃത്വത്തെയും ജോസഫ്​ എതിർപ്പ്​ അറിയിച്ചിരുന്നു. നിഷക്ക്​ ചിഹ്നം അനുവദിക്കാനില്ലെന്ന്​ യു.ഡി.എഫ്​ നേതാക്കളെ അറിയിച്ച ജോസഫ്​, വിട്ടുവീഴ്​ചക്കില്ലെന്നും വ്യക്​തമാക്കി.

ഇതിനുപിന്നാലെ, ചിഹ്നം തരാൻ ജോസഫ് തയാറായില്ലെങ്കിൽ സ്വതന്ത്ര ചിഹ്നത്തിൽ മത്സരിക്കാനും മടിക്കില്ലെന്നാണ് ജോസ് വിഭാഗം യു.ഡി.എഫ്​ നേതൃത്വത്തെ അറിയിച്ചു. ജോസഫ് അനാവശ്യ വിവാദങ്ങൾ തുടർന്നാൽ സ്വതന്ത്രരായി മത്സരിക്കുമെന്ന മുന്നറിയിപ്പും ജോസ്​ പക്ഷം നൽകി. കൂടുതൽ തർക്കങ്ങളിലേക്ക്​ പോകരുതെന്ന്​ നിർദേശിച്ച യു.ഡി.എഫ്​ നേതാക്കൾ, വിവാദങ്ങൾ അവസാനിപ്പിക്കാൻ പൊതുസ്വതന്ത്രനെന്ന നി​ർദേശം മുന്നോട്ടുവെച്ചു. ഇതിനിടെ പി.​െക. കുഞ്ഞാലിക്കുട്ടി ഇരുവിഭാഗവുമായി ആശയവിനിമയവും നടത്തി.

കുടുംബത്തില്‍നിന്ന്​ ഒരാള്‍ സ്ഥാനാര്‍ഥിയാകേണ്ടതില്ലെന്ന് ജോസ്​ അറിയിച്ചിരുന്നതായി സ്ഥാനാര്‍ഥിയെ കണ്ടെത്താന്‍ രൂപവത്​കരിച്ച ഏഴംഗ ഉപസമിതിയുടെ കൺവീനർ തോമസ് ചാഴികാടന്‍ പറഞ്ഞു. പിന്നീട്​ നിഷ സ്​ഥാനാർഥിയാകില്ലെന്നും ഇക്കാര്യം രണ്ട്​ ദിവസം മുമ്പുതന്നെ ഉപസമിതിയെ അറിയിച്ചിരു​ന്നതായും ജോസും വ്യക്​തമാക്കി. ഞായറാഴ്​ച രാവിലെ മുതൽ ഉമ്മന്‍ ചാണ്ടി, പി.കെ. കുഞ്ഞാലിക്കുട്ടി, പ്രതിപക്ഷ നേതാവ് രമേശ് ചെന്നിത്തല എന്നിവർ ജോസഫ​ുമായും ജോസുമായും നിരന്തരം ആശയവിനിമയത്തിലായിരുന്നു.