നിഷ ജോസ്​ കെ. മാണിയുടെ പരാതി: വനിതാ കമീഷൻ റിപ്പോർട്ട് തേടി

തിരുവനന്തപുരം: സോഷ്യൽ മീഡിയയിലൂടെ തന്നെ അപകീർത്തിപ്പെടുത്തുന്നതായുള്ള നിഷ ജോസ്​ കെ. മാണിയുടെ പരാതി വനിതാ കമീഷൻ ഫയലിൽ സ്വീകരിച്ചു. പരാതി സംബന്ധിച്ച തുടർനടപടികൾ സ്വീകരിക്കുന്നതിന് കോട്ടയം എസ്​.പിയോട് കമീഷൻ റിപ്പോർട്ട് ആവശ്യപ്പെട്ടു. സംഭവവുമായി ബന്ധമുള്ളവരെ എത്രയുംവേഗം പിടികൂടുന്നത് ഉൾപ്പെടെയുള്ള നടപടികൾ സ്വീകരിക്കണമെന്നും വനിതാ കമീഷൻ നിർദേശിച്ചു.