നിരന്തരം ഭീഷണിപ്പെടുത്തുന്നു; നിസാമിനെതിരെ വീണ്ടും ജീവനക്കാര​െൻറ പരാതി

തൃശൂർ: ചന്ദ്രബോസ് വധക്കേസിലെ പ്രതി വിവാദ വ്യവസായി മുഹമ്മദ് നിസാമിനെതിരെ വീണ്ടും ജീവനക്കാര​​െൻറ പരാതി. ജയിലില്‍  കഴിയുന്ന നിസാം ജയിലിനകത്തും പുറത്തുമുള്ള ക്രിമനല്‍ ബന്ധങ്ങള്‍ ഉപയോഗിച്ച് തന്നെ നിരന്തരം ഭീഷണിപ്പെടുത്തുന്നതായി  നിസാമി​െൻറ കൺസ്ട്രക്ഷൻ കമ്പനിയായ കിങ്സ് സ്പേസസി​െൻറ മാനേജര്‍ പൂങ്കുന്നം സ്വദേശി പി. ചന്ദ്രശേഖരനാണ്  കമീഷണര്‍ക്ക് പരാതി നല്‍കിയിരിക്കുന്നത്.

മാസങ്ങൾക്ക് മുമ്പും തന്നെ ജയിലിൽ സന്ദർശിച്ച വേളയിൽ ഭീഷണിപ്പെടുത്തിയിരുന്നതായി  കാണിച്ച് പൊലീസിന് പരാതി നൽകിയിരുന്നു. കഴിഞ്ഞ ദിവസം ത​​െൻറ വ്യവസായം തകർക്കാൻ ശ്രമിക്കുന്നുവെന്ന് കാണിച്ച്  സഹോദരങ്ങൾക്കെതിരെ നിസാം നൽകിയ പരാതിയിൽ പൊലീസ് അന്വേഷണം തുടങ്ങിയിരുന്നു. ഇതിന് പിന്നാലെയാണ് ജീവനക്കാരൻ  നിസാമിനെതിരെ വീണ്ടും പരാതി നൽകിയിരിക്കുന്നത്.