നിപ: ഒരു മരണം കൂടി; കോഴിക്കോട്ട്​ നഴ്​സിങ്​ വിദ്യാർഥിനിക്ക്​ രോഗബാധ

കോഴ​ിക്കോട്​: ഒരു ദിവസത്തെ ഇടവേളക്ക്​ ശേഷം വീണ്ടും നിപ വൈറസ്​ ബാധയേറ്റ്​ മരണം. നേരത്തേ  മരിച്ച പേരാ​മ്പ്ര പന്തിരിക്കര സൂപ്പിക്കട വളച്ചുകെട്ടിയിൽ സാബിത്തി​​​െൻറയും  സ്വാലിഹി​​​െൻറയും പിതാവ്​ മൂസ (62) ആണ്​ വ്യാഴാഴ്​ച രാവിലെ മരിച്ചത്​. ഇതോ​െട കോഴിക്കോട്​, മലപ്പുറം ജില്ലകളിലായി നിപ ബാധിച്ച്​ മരിച്ചവരുടെ എണ്ണം 12 ആയി. വെള്ളിയാഴ്​ച ഒരാൾക്ക്​ കൂടി രോഗം സ്​ഥിരീകരിച്ചു. ഗവ.മെഡിക്കൽ കോളജിലെ ചെസ്​റ്റ്​ ഡിസീസ്​ ഇൻസ്​റ്റിറ്റ്യുട്ടിൽ നാല്​ ദിവസമായി ചികിത്സ തുടരുന്ന നഴ്​സിങ് വിദ്യാർഥിനിക്കാണ്​ രോഗം സ്​ഥിരീകരിച്ചത്​. മിംസ്​ ആശുപത്രിയിൽ  ചികിത്സയിലുള്ള കോഴിക്കോട്​ പാലാഴി സ്വദേശിയായ നില ഗുരുതരമായി തുടരുകയാണ്​.

മെഡിക്കൽ കോളജിലും രോഗം സ്​ഥിരീകരിച്ച ഒരാൾ ചികിത്സയിലാണ്​. സംസ്​ഥാനത്ത്​  29 പേരാണ്​ നിപ  ബാധയുണ്ടെന്ന്​ സം​ശയിച്ച്​ ചികിത്സയിലുള്ളത്​. കോഴിക്കോട്ട്​ 19 പേർ മെഡിക്കൽ കോളജിലും ഒരാൾ മിംസിലും ചികിത്സയിലുണ്ട്​. കോഴിക്കോട്​ ജില്ലയിൽ 11ഉം മലപ്പുറത്ത്​ ഒമ്പതും പേരാണ്​  രോഗം സംശയിക്കുന്നവരുടെ പട്ടികയിലുള്ളത്​. എറണാകുളം നാല്​, കോട്ടയം രണ്ട്​, തൃശൂരും വയനാടും തിരുവനന്തപുരവും ഒരാൾ വീതവുമാണ്​ ഇൗ പട്ടികയിലുള്ളത്​. കോഴിക്കോട്ട്​ ഒരാളെ  വ്യാഴാഴ്​ച​ ആശുപ​ത്രിയിൽ നിന്ന്​ വിട്ടയച്ചു​. മറെറാരാളെ ആശുപത്രിയിൽ പ്രവേശിപ്പിച്ചിടുമുണ്ട്​.

രോഗികൾക്ക്​ ആശ്വാസമാകു​െമന്ന്​ കരുതുന്ന റിബവൈറിൻ ഗുളിക രോഗം സ്​ഥിരീകരിച്ചവരടക്കം മൂന്ന്​ പേർക്ക്​ നൽകി തുടങ്ങി. വ്യാഴാഴ്​ച നടപ്പാക്കി തുടങ്ങിയ ചികിത്സ മാർഗരേഖപ്രകാരം നിരവധി പേരുടെ ​‘ൈലൻ ലിസ്​റ്റ്​’ (പകർച്ചവ്യാധികൾ പൊട്ടിപ്പുറപ്പെടു​േമ്പാൾ തയാറാക്കുന്ന പട്ടിക) ആരോഗ്യവകുപ്പ്​ തയാറാക്കിയിട്ടുണ്ട്​. നിരീക്ഷണത്തിന്​ വേണ്ടി മാ​ത്രമാണ്​ ഇത്തരം പട്ടിക​െയന്ന്​​ ആരോഗ്യവകുപ്പ്​ ഡയറക്​ടർ ഡോ. ആർ.എൽ സരിത വർത്താസമ്മേളനത്തിൽ പറഞ്ഞു.

സാഹചര്യങ്ങൾ  നേരിടാൻ ആരോഗ്യ വകുപ്പും ജില്ല ഭരണകൂടവും  കോഴിക്കോട്​ ഗസ്​റ്റ്​ഹൗസിൽ ഒാഫീസ് സംവിധാനമൊരുക്കി.​ വൈകീട്ട്​ ചേർന്ന യോഗത്തിൽ മന്ത്രി എ.കെ ശശീന്ദ്രനും പ​െങ്കടുത്തു.  വെള്ളിയാഴ്​ച ഉച്ചയ്ക്ക് രണ്ടിന് കലക്േട്രറ്റ് കോൺഫറൻസ്​ ഹാളിൽ സർവകക്ഷി യോഗം ചേരും.  യോഗത്തിൽ ആരോഗ്യമന്ത്രി കെ.കെ ശൈലജ, തൊഴിൽ ^എക്സൈസ്​ വകുപ്പ്മന്ത്രി ടി.പി  രാമകൃഷ്ണൻ, ജില്ലയിലെ എം.പിമാർ, എം.എൽ.എമാർ, മേയർ തുടങ്ങിയവർ പങ്കെടുക്കും. വൈകീട്ട് നാലു മണിക്ക് ചേരുന്ന യോഗത്തിൽ മേയർ, തദ്ദേശസ്​ഥാപന അധ്യക്ഷൻമാർ,  സെക്രട്ടറിമാർ, കുടുംബശ്രീ,ശുചിത്വമിഷൻ പ്രതിനിധികൾ എന്നിവർ പങ്കെടുക്കും. പന്തിരിക്കരയിൽ നിന്ന്​ പിടികൂടിയ വവ്വാലുകളുടെ സാമ്പിൾ പരിശോധന ഫലം വെള്ളിയാഴ്​ച ലഭിക്കും.

മറിയം ആണ്​ മരിച്ച മൂസയുടെ ​ ഭാര്യ. മറ്റ്​ മക്കൾ: മുത്തലിബ്​, പരേതനായ സാലിം. സഹോദരങ്ങള്‍ : ഫാത്തിമ, ആയിഷ, മൊയ്തീന്‍ഹാജി, ബിയ്യാത്തു, നബീസ, പരേതരായ ബീവി, അമ്മത്  മുസ്ല്യാര്‍, ചേക്കുട്ടിഹാജി. ദിവസങ്ങളായി കോഴിക്കോട്​ ബേബി മെമ്മോറിയൽ ആശുപ​ത്രിയിൽ ഗുരുതരാവസ്​ഥയിൽ ചികിത്സയിലായിരുന്ന മൂസയുടെ മൃതദേഹം മതാചാരപ്രകാരം  വ്യാഴാഴ്​ച വൈകീട്ട്​  കണ്ണംപറമ്പ്​ ശ്​മശാനത്തിൽ ഖബറടക്കി.  പത്തടി ആഴത്തിൽ കുഴിയെടുത്ത്​​ (ഡീപ്​ ബറിയൽ), വേണ്ടത്ര മുൻകരുതലോടെയാണ്​ മൂസയുടെ മൃതദേഹം  ഖബറടക്കിയത്​.