നിപ നിയന്ത്രണ വിധേയമാകുമെന്ന്​ കേന്ദ്രസംഘം

കോഴിക്കോട്​: പേരാ​മ്പ്രയിലുണ്ടായ നിപ വൈറസ്​ബാധ നിയന്ത്രണ വിധേയമാകുമെന്ന്​ നാഷനൽ സ​​െൻറർ ഫോർ ഡിസീസ്​ കൺട്രോൾ (എൻ.സി.ഡി.സി) ഡയറക്​ടർ ഡോ. സുജിത്​ കുമാർ സിങ്​. ലോകത്തെവിടെയും കോളറയും സാർസും പോലെ നിപ പടർന്നുപിടിച്ചിട്ടില്ലെന്നും പന്തിരിക്കര സന്ദർശിച്ച ​ശേഷം നടത്തിയ വാർത്തസമ്മേളനത്തിൽ അദ്ദേഹം പറഞ്ഞു.

ഇന്ത്യയുടെ ചരിത്രത്തിൽ മൂന്നാമത്തെ നിപ ബാധ​ ക​െണ്ടത്തിയ പേരാ​മ്പ്രയിൽ അതീവശ്രദ്ധ വേണം. സംശയമുള്ളവരെല്ലാം നിരീക്ഷണത്തിലാണ്​. എല്ലാം നിപയാ​െണന്ന്​ പറയാനാവില്ല. വവ്വാലിൽനിന്നാണ്​ രോഗബാധയുണ്ടായ​െതന്ന്​ ഉറപ്പിക്കാനായിട്ടില്ല. കിണറ്റിൽനിന്ന്​ ലഭിച്ച വവ്വാലിനെ പരിശോധനക്ക്​ അയച്ചിട്ടുണ്ട്​. മുയലുകളെയും പ്രാവുകളെയും പരിശോധിക്കും. ജനങ്ങൾ പരിഭ്രാന്തരാണ്​. ഉപയോഗിക്കാത്ത കിണറുകൾ മൂടിയിടണ​െമന്നും സുജിത്​ കുമാർ അഭ്യർഥിച്ചു. വൈറസ്​ ബാധയുള്ള വീടി​​​െൻറ പരിസരത്ത്​ പോകാതിരിക്കുന്നതാണ്​ നല്ലത്​. പ്രാഥമിക ലക്ഷണങ്ങൾ കണ്ടാൽ ആരോഗ്യപ്രവർത്തകർ ഇടപെടണം. 

സംസ്​ഥാന സർക്കാർ ആവശ്യമായ ഇടപെടൽ നടത്തിയിട്ടു​െണ്ടന്ന്​ കേന്ദ്രസംഘത്തലവൻ അഭിപ്രായപ്പെട്ടു. സാമ്പിൾ ശേഖരിക്കലും പരിശോധനക്ക്​ അയക്കലുമാണ്​ പ്രധാനം. രണ്ടുപേർ മരിച്ചയുടൻ ആരോഗ്യവകുപ്പ്​ ജാഗ്രത പുലർത്തി. പേരാ​മ്പ്ര താലൂക്ക്​​ ആശുപത്രിയിലെ ഡോക്​ടർമാരെയും ജീവനക്കാരെയും ഡോ. സുജിത്​ കുമാർ പ്ര​േത്യകം അഭിനന്ദിച്ചു. ഇവിടെ ​െഎസൊലേഷൻ വാർഡ്​ തുറക്കണ​െമന്നും അദ്ദേഹം നിർദേശിച്ചു. 

സംസ്​ഥാന സർക്കാർ അറിയിച്ചയുടൻ എത്തിയ കേന്ദ്രസംഘത്തിനോട്​ ഏറെ നന്ദിയുണ്ടെന്ന്​ ആരോഗ്യ മന്ത്രി ​കെ.​െക. ശൈലജ പറഞ്ഞു. കോഴിക്കോ​െട്ട സ്വകാര്യ ആശുപത്രികളുടെ സേവനവും വിലമതിക്കാനാവാത്തതാ​െണന്ന്​ മന്ത്രി ടി.പി. രാമകൃഷ്​ണൻ പറഞ്ഞു. എൻ.സി.ഡി.സിയിലെ പകർച്ചവ്യാധി വിഭാഗം തലവൻ ഡോ. എസ്​.കെ. ജെയ്ൻ, സംസ്​ഥാന ആരോഗ്യവകുപ്പ്​ ഡയറക്​ടർ ഡോ. ആർ.എൽ. സരിത, ജില്ല കലക്​ടർ യു.വി. ജോസ്​, ജില്ല മെഡിക്കൽ ഒാഫിസർ ഡോ. വി. ജയശ്രീ തുടങ്ങിയവർ വാർത്തസമ്മേളനത്തിൽ പ​െങ്കടുത്തു.