നിപ: ജാ​ഗ്ര​താ​നി​ര്‍ദേ​ശവുമായി ആ​രോ​ഗ്യ​വ​കു​പ്പ്

തി​രു​വ​ന​ന്ത​പു​രം: നി​പ വൈ​റ​സി​നെ​തി​രാ​യ പ്ര​തി​രോ​ധ​പ്ര​വ​ർ​ത്ത​ന​ങ്ങ​ൾ ശ​ക്തി​പ്പെ​ടു​ത്തു​ന്ന​തി​​​​െൻറ ഭാ​ഗ​മാ​യി ആ​രോ​ഗ്യ​വ​കു​പ്പ് ജാ​ഗ്ര​താ​നി​ര്‍ദേ​ശം പു​റ​പ്പെ​ടു​വി​ച്ചു. ഡി​സം​ബ​ര്‍ മു​ത​ല്‍ ജൂ​ണ്‍ വ​രെ കാ​ല​യ​ള​വി​ലാ​ണ് സാ​ധാ​ര​ണ നി​പ വൈ​റ​സ് ബാ​ധ​യു​ണ്ടാ​വു​ക എ​ന്ന നി​ഗ​മ​ന​ത്തി​​​​െൻറ അ​ടി​സ്ഥാ​ന​ത്തി​ലാ​ണ്​ ആ​രോ​ഗ്യ​വ​കു​പ്പ്​ അ​ഡീ​ഷ​ന​ൽ സെ​ക്ര​ട്ട​റി രാ​ജീ​വ്​ സ​ദാ​ന​ന്ദ​ൻ ന​ട​പ​ടി​ക​ൾ​ക്ക്​ നി​ർ​ദേ​ശി​ച്ച​ത്.

വാ​വ​ലു​ക​ൾ ക​ടി​ച്ച പ​ഴ​ങ്ങ​ൾ ക​ഴി​ക്കാ​ൻ പാ​ടി​ല്ല. പൊ​തു​ജ​ന​ങ്ങ​ള്‍ പ​ച്ച​ക്ക​റി​ക​ളും ഫ​ല​ങ്ങ​ളും ക​ഴി​ക്കു​മ്പോ​ൾ ജാ​ഗ്ര​ത പാ​ലി​ക്ക​ണം. ന​ന്നാ​യി ക​ഴു​കി വൃ​ത്തി​യാ​ക്കി മാ​ത്ര​മേ ഇ​വ ഭ​ക്ഷി​ക്കാ​വൂ. തു​റ​സ്സാ​യ സ്ഥ​ല​ങ്ങ​ളി​ല്‍ വ​ള​രു​ന്ന ഫ​ല​ങ്ങ​ള്‍ ക​ഴി​ക്കു​മ്പോ​ഴും ജാ​ഗ്ര​ത വേ​ണം. ഇ​ക്കാ​ര്യ​ത്തി​ല്‍ ജ​ന​ങ്ങ​ളെ ബോ​ധ​വ​ത്ക​രി​ക്കാ​ൻ ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കാ​ൻ ആ​രോ​ഗ്യ​വ​കു​പ്പ്​ ഡ​യ​റ​ക്​​ട​ർ​ക്കും മെ​ഡി​ക്ക​ൽ വി​ദ്യാ​ഭ്യാ​സ ഡ​യ​റ​ക്​​ട​ർ​ക്കും ആ​രോ​ഗ്യ സെ​ക്ര​ട്ട​റി നി​ർ​ദേ​ശം ന​ൽ​കി.

മെ​ഡി​ക്ക​ൽ കോ​ള​ജു​ക​ളി​ലും ജി​ല്ല-​താ​ലൂ​ക്കാ​ശു​പ​ത്രി​ക​ളി​ലും ശ്വാ​സം​മു​ട്ട്​ പോ​ലെ രോ​ഗ​ങ്ങ​ളു​മാ​യി വ​രു​ന്ന​വ​രെ പ്ര​ത്യേ​ക ശ്ര​ദ്ധ​യോ​ടെ കൈ​​കാ​ര്യം ചെ​യ്യ​ണം. ചു​മ പോ​ലെ ല​ക്ഷ​ണ​ങ്ങ​ളോ​ടെ വ​രു​ന്ന​വ​രെ പ​രി​ശോ​ധി​ക്കാ​ന്‍ പ്ര​ത്യേ​ക മേ​ഖ​ല ത​ന്നെ സ​ജ്ജ​മാ​ക്ക​ണ​മെ​ന്നും ഇ​വി​ടെ ചു​മ​ത​ല​യി​ലു​ള്ള ഡോ​ക്ട​ര്‍മാ​രും ജീ​വ​ന​ക്കാ​രും നി​ര്‍ബ​ന്ധ​മാ​യും മാ​സ്കു​ക​ള്‍ ധ​രി​ക്ക​ണ​മെ​ന്നും അ​റി​യി​പ്പി​ലു​ണ്ട്. ചു​മ​യു​ള്ള​വ​ര്‍ വീ​ടി​ന് പു​റ​ത്തി​റ​ങ്ങു​മ്പോ​ഴും മ​റ്റു​ള്ള​വ​രു​മാ​യി ഇ​ട​പ​ഴ​കു​േ​മ്പാ​ഴും മാ​സ്ക്കോ ടൗ​വ​ലോ ഉ​പ​യോ​ഗി​ക്ക​ണം. വീ​ട്ടി​നു​ള്ളി​ൽ മ​റ്റ്​ കു​ടും​ബാം​ഗ​ങ്ങ​ളു​മാ​യി ബ​ന്ധ​പ്പെ​ടു​േ​മ്പാ​ഴും ഇൗ ​ക​രു​ത​ൽ വേ​ണ​മെ​ന്നും അ​റി​യി​പ്പി​ൽ പ​റ​യു​ന്നു.

ക​ഴി​ഞ്ഞ​വ​ർ​ഷം കോ​ഴി​ക്കോ​ട് ജി​ല്ല​യി​ലു​ണ്ടാ​യ നി​പ വൈ​റ​സ് ബാ​ധ​യി​ല്‍ ഒ​രു കു​ടും​ബ​ത്തി​ലെ മൂ​ന്ന് പേ​ര​ട​ക്കം 17 പേ​ർ മ​രി​ച്ച​താ​യാ​ണ് ഔ​ദ്യോ​ഗി​ക ക​ണ​ക്ക്. രോ​ഗ​ബാ​ധി​ത​രാ​യ ര​ണ്ടു​പേ​രെ വി​ദ​ഗ്ധ​ചി​കി​ത്സ​യി​ലൂ​ടെ ര​ക്ഷ​പ്പെ​ടു​ത്തി. ആ​യി​ര​ത്തി​ലേ​റെ പേ​ർ നി​രീ​ക്ഷ​ണ​ത്തി​ലു​മാ​യി.