നിലമ്പൂരിൽ ആര് ജയിക്കും, വോട്ടെണ്ണൽ നാളെ; സ്ഥാനാർഥികളും രാഷ്ട്രീയ നേതാക്കളും ഉദ്വേഗത്തിൽ

മലപ്പുറം: നിലമ്പൂർ നിയോജക മണ്ഡലം ഉപതെരഞ്ഞെടുപ്പ് ഫലമറിയാൻ മണിക്കൂറുകൾ ബാക്കിനിൽക്കെ സ്ഥാനാർഥികളും രാഷ്ട്രീയ നേതാക്കളും ഉദ്വേഗത്തിൽ. തിങ്കളാഴ്ച രാവിലെ എട്ടു മുതൽ ചുങ്കത്തറ മാർത്തോമ ഹയർ സെക്കൻഡറി സ്കൂളിലാണ് വോട്ടെണ്ണൽ. ഇതിനുള്ള സജ്ജീകരണങ്ങൾ പൂർത്തിയായി.

ആദ്യം നാലു മേശകളിൽ പോസ്റ്റൽ ബാലറ്റുകളാണ് എണ്ണുക. തുടർന്ന് 14 മേശകളിൽ ഇലക്ട്രോണിക് വോട്ടിങ് മെഷീനുകളിൽ രേഖപ്പെടുത്തിയ വോട്ടുകൾ എണ്ണും. ഇ.ടി.പി.ബി.എസ് പ്രീകൗണ്ടിങ്ങിനായി ഒരു മേശയും ക്രമീകരിച്ചിട്ടുണ്ട്. 263 പോളിങ് ബൂത്തുകളിലെ വോട്ടുകൾ 19 റൗണ്ടുകളിലായി എണ്ണും. വോട്ടെണ്ണൽ നടപടികൾ പൂർണമായി സി.സി.ടി.വി നിരീക്ഷണത്തിലായിരിക്കും.

ഇ​ല​ക്ട്രോ​ണി​ക് വോ​ട്ടി​ങ് മെ​ഷീ​നു​ക​ളി​ൽ രേ​ഖ​പ്പെ​ടു​ത്തി​യ വോ​ട്ടു​ക​ളി​ൽ ആ​ദ്യ​മെ​ണ്ണു​ക വ​ഴി​ക്ക​ട​വ് പ​ഞ്ചാ​യ​ത്തി​ലേ​ത്. പോ​സ്റ്റ​ൽ വോ​ട്ടു​ക​ൾ എ​ണ്ണി​ക്ക​ഴി​ഞ്ഞ ശേ​ഷം വ​ഴി​ക്ക​ട​വി​ലെ ഒ​ന്നാം ബൂ​ത്താ​യ ത​ണ്ണി​ക്ക​ട​വി​ലെ വോ​ട്ടെ​ണ്ണി​ത്തു​ട​ങ്ങും. ശേ​ഷം മൂ​ത്തേ​ടം, എ​ട​ക്ക​ര, പോ​ത്തു​ക​ല്ല്, ചു​ങ്ക​ത്ത​റ പ​ഞ്ചാ​യ​ത്തു​ക​ൾ, നി​ല​മ്പൂ​ർ ന​ഗ​ര​സ​ഭ, ക​രു​ളാ​യി, അ​മ​ര​മ്പ​ലം പ​ഞ്ചാ​യ​ത്തു​ക​ൾ എ​ന്നീ ക്ര​മ​ത്തി​ൽ വോ​ട്ടെ​ണ്ണ​ൽ പു​രോ​ഗ​മി​ക്കും.

വോ​ട്ടെ​ണ്ണ​ൽ തു​ട​ങ്ങു​ന്ന വ​ഴി​ക്ക​ട​വും തു​ട​ർ​ന്നു​ള്ള മൂ​ത്തേ​ടം, എ​ട​ക്ക​ര പ​ഞ്ചാ​യ​ത്തു​ക​ളും യു.​ഡി.​എ​ഫി​ന് ലീ​ഡ് ന​ൽ​കു​ന്ന പ​ഞ്ചാ​യ​ത്തു​ക​ളാ​ണ്. അ​തി​നാ​ൽ ആ​ദ‍്യ​ഘ​ട്ട​ത്തി​ൽ യു.​ഡി.​എ​ഫി​ന് ലീ​ഡ് ന​ൽ​കു​ന്ന ഫ​ല​മാ​വും പു​റ​ത്തു​വ​രു​ക. പോ​ത്തു​ക​ല്ല് പ​ഞ്ചാ​യ​ത്തി​ൽ എ​ൽ.​ഡി.​എ​ഫ് ലീ​ഡ് നേ​ടു​മെ​ന്നാ​ണ് ക​ണ​ക്കു​കൂ​ട്ട​ൽ.

ചു​ങ്ക​ത്ത​റ​യി​ലെ​ത്തു​മ്പോ​ൾ യു.​ഡി.​എ​ഫ് വീ​ണ്ടും ലീ​ഡ് ഉ​യ​ർ​ത്തും. ന​ഗ​ര​സ​ഭ​യി​ലേ​ത് എ​ണ്ണി​ക്ക​ഴി​യു​മ്പോ​ഴും യു.​ഡി.​എ​ഫ് ലീ​ഡ് നി​ല​നി​ർ​ത്തു​മെ​ന്നാ​ണ് ക​ണ​ക്കു​ക​ളി​ലെ സൂ​ച​ന. ക​രു​ളാ​യി, അ​മ​ര​മ്പ​ലം പ​ഞ്ചാ​യ​ത്തു​ക​ൾ എ​ൽ.​ഡി.​എ​ഫ് പ്ര​തീ​ക്ഷ പു​ല​ർ​ത്തു​ന്ന പ​ഞ്ചാ​യ​ത്തു​ക​ളാ​ണ്. ഈ ​ര​ണ്ടു പ​ഞ്ചാ​യ​ത്തു​ക​ളി​ലെ വോ​ട്ടു​ക​ളാ​ണ് വി​ധി നി​ർ​ണ​യി​ക്കു​ക.

അതേസമയം, നി​ല​മ്പൂ​രി​ലെ പോ​ളി​ങ് ശ​ത​മാ​നം 75.27 ആ​യ​തോ​ടെ ഉ​യ​ർ​ന്ന ലീ​ഡോ​ടെ മ​ണ്ഡ​ലം തി​രി​ച്ചു​പി​ടി​ക്കു​മെ​ന്ന ആ​ത്​​മ​വി​ശ്വാ​സ​ത്തി​ൽ യു.​ഡി.​എ​ഫ്. ഇ​ട​തു​മു​ന്ന​ണി​യും വി​ജ​യം ഉ​റ​പ്പ് പ​റ​യു​ന്നു​ണ്ടെ​ങ്കി​ലും ചെ​റി​യ ഭൂ​രി​പ​ക്ഷം​ മാ​ത്ര​മേ അ​വ​ർ കാ​ണു​ന്നു​ള്ളു.

സ്വ​ത​ന്ത്ര​നാ​യ പി.​വി. അ​ൻ​വ​ർ, കൂ​ടു​ത​ൽ വോ​ട്ടു​ക​ൾ പി​ടി​ക്കാ​ൻ സാ​ധ്യ​ത​യു​ള്ള​തി​നാ​ൽ ബി.​ജെ.​പി നാ​ലാം സ്ഥാ​ന​ത്ത്​ വ​രാ​നേ വ​ഴി​യു​ള്ളൂ. ക​ണ​ക്കൂ​കൂ​ട്ട​ലു​ക​ളെ​ല്ലാം തെ​റ്റി​ച്ചു​ള്ള പോ​ളി​ങ്ങാ​ണ്​ നി​ല​മ്പൂ​രി​ലു​ണ്ടാ​യ​ത്. 2021ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ലെ ശ​ത​മാ​ന​ത്തി​നോ​ട്​ അ​ടു​ത്ത പോ​ളി​ങ്ങാ​ണു​ണ്ടാ​യ​ത്.

ഭ​ര​ണ​വി​രു​ദ്ധ വി​കാ​ര​ത്തി​ന്‍റെ പ്ര​തി​ഫ​ല​ന​മാ​ണ്​ പ്ര​ക​ട​മാ​യ​തെ​ന്ന്​ വി​ല​യി​രു​ത്തു​ന്ന യു.​ഡി.​എ​ഫ്, ഫ​ലം ആ​ര്യാ​ട​ൻ ഷൗ​ക്ക​ത്തി​ന്​ അ​നു​കൂ​ല​മാ​കു​​മെന്ന്​ ആ​ത്​​മ​വി​ശ്വാ​സം പ്ര​ക​ടി​പ്പി​ക്കു​ന്നു.

ബൂ​ത്തു​ത​ല ക​ണ​ക്കു​ക​ൾ​ വെ​ച്ച്​ 12,000നും 15,000​നു​മി​ട​യി​ൽ ഭൂ​രി​പ​ക്ഷം യു.​ഡി.​എ​ഫ്​ പ്ര​തീ​ക്ഷി​ക്കു​ന്നു. മു​സ്ലിം​ലീ​ഗി​ന്​ സ്വാ​ധീ​ന​മു​ള്ള വ​ഴി​ക്ക​ട​വി​ലും മൂ​ത്തേ​ട​ത്തും യു.​ഡി.​എ​ഫ്​ വ​ൻ ലീ​ഡും നി​ല​മ്പൂ​ർ ന​ഗ​ര​സ​ഭ​യി​ൽ തി​രി​ച്ചു​വ​ര​വും പ്ര​തീ​ക്ഷി​ക്കു​ന്നു.

ഇ​രു​മു​ന്ന​ണി​ക​ളു​ടെ​യും വോ​ട്ടു​ക​ൾ അ​ൻ​വ​റി​ലേ​ക്ക്​ പോ​യി​രി​ക്കാ​മെ​ങ്കി​ലും കു​ടു​ത​ൽ ന​ഷ്ട​മു​ണ്ടാ​വു​ക എ​ൽ.​ഡി.​എ​ഫി​നാ​കു​മെ​ന്ന വി​ല​യി​രു​ത്ത​ലും യു.​ഡി.​എ​ഫി​നു​ണ്ട്. ​ക്രൈ​സ്ത​വ വോ​ട്ടു​ക​ളി​ൽ ഇ​ള​ക്ക​മു​ണ്ടാ​യി​ട്ടി​ല്ലെ​ന്നും നേ​താ​ക്ക​ൾ പ​റ​യു​ന്നു.

കു​ടി​യേ​റ്റ മേ​ഖ​ല​യി​ൽ നാ​മ​മാ​ത്ര​മാ​യി മാ​ത്ര​മേ അ​ൻ​വ​റി​ന്​ സ്വാ​ധീ​നം ചെ​ലു​ത്താ​നാ​യി​ട്ടു​ള്ളൂ. ബി.​ജെ.​പി സ്ഥാ​നാ​ർ​ഥി ക​ത്തോ​ലി​ക്ക വി​ശ്വാ​സി​യ​ല്ലാ​ത്ത​തി​നാ​ൽ, സ​ഭ വോ​ട്ടു​ക​ളി​ൽ വി​ള്ള​ൽ വീ​ഴ്​​ത്താ​ൻ സാ​ധി​ച്ചി​ട്ടി​ല്ലെ​ന്നും യു.​ഡി.​എ​ഫ്​ വി​ല​യി​രു​ത്തു​ന്നു.

2000 മു​ത​ൽ 3000 വ​രെ വോ​ട്ടു​ക​ൾ​ക്ക്​ എം. ​സ്വ​രാ​ജ്​ വി​ജ​യി​ക്കു​മെ​ന്നാ​ണ്​ ബൂ​ത്തു​ത​ല ക​ണ​ക്കു​ക​ൾ വെ​ച്ചു​ള്ള എ​ൽ.​ഡി.​എ​ഫ്​ വി​ല​യി​രു​ത്ത​ൽ. ​നി​ല​മ്പൂ​ർ ന​ഗ​ര​സ​ഭ​യി​ലും പോ​ത്തു​ക​ല്ല്, അ​മ​ര​മ്പ​ലം, ക​രു​ളാ​യി പ​ഞ്ചാ​യ​ത്തു​ക​ളി​ലു​മാ​ണ്​ സി.​പി.​എം മേ​ൽ​ക്കൈ പ്ര​തീ​ക്ഷി​ക്കു​ന്ന​ത്.

വ​ഴി​ക്ക​ട​വ്, മൂ​ത്തേ​ടം, എ​ട​ക്ക​ര, ചു​ങ്ക​ത്ത​റ പ​ഞ്ചാ​യ​ത്തു​ക​ളി​ൽ യു.​ഡി.​എ​ഫ് ലീ​ഡ് നേ​ടു​മെ​ന്നു​മാ​ണ് എ​ൽ.​ഡി.​എ​ഫ് ക​ണ​ക്കാ​ക്കു​ന്ന​ത്. പോ​ത്തു​ക​ല്ലി​ൽ 1042ഉം ​ക​രു​ളാ​യി​യി​ൽ 1367ഉം ​അ​മ​ര​മ്പ​ല​ത്ത് 1244ഉം ​നി​ല​മ്പൂ​രി​ൽ 1007ഉം ​വോ​ട്ടി​ന്‍റെ ലീ​ഡ്​ സ്വ​രാ​ജി​നു​ണ്ടാ​കു​മെ​ന്ന്​ എ​ൽ.​ഡി.​എ​ഫ് തെ​ര​ഞ്ഞെ​ടു​പ്പ് ക​മ്മി​റ്റി ക​ണ​ക്ക് കൂ​ട്ടു​ന്നു. വ​ഴി​ക്ക​ട​വി​ലും ക​രു​ളാ​യി​യി​ലും നി​ല​മ്പൂ​ർ ന​ഗ​ര​സ​ഭ​യി​ലു​മാ​ണ്​ പി.​വി. അ​ൻ​വ​ർ കൂ​ടു​ത​ൽ വോ​ട്ട്​ പ്ര​തീ​ക്ഷി​ക്കു​ന്ന​ത്.

പി​ണ​റാ​യി വി​രു​ദ്ധ ന്യൂ​ന​പ​ക്ഷ വോ​ട്ടു​ക​ളും കോ​ൺ​ഗ്ര​സി​ലെ വി​മ​ത വോ​ട്ടു​ക​ളും അ​ൻ​വ​റി​ലേ​ക്ക്​ ചാ​ഞ്ഞെ​ന്ന നി​രീ​ക്ഷ​ണ​മു​ണ്ട്. അ​വ​സാ​ന​നാ​ളി​ൽ ബി.​ജെ.​ഡി.​എ​സ്​ പ്ര​ചാ​ര​ണ​ത്തി​ൽ സ​ജീ​വ​മാ​യെ​ങ്കി​ലും ലോ​ക്സ​ഭ ഉ​പ​തെ​ര​ഞ്ഞെ​ടു​പ്പി​ൽ കി​ട്ടി​യ വോ​ട്ടി​ലേ​ക്ക്​ എ​ൻ.​ഡി.​എ എ​ത്താ​നി​ട​യി​ല്ല.