നിലമ്പൂരിന്‍റെ അമരത്ത് ആര്യാടൻ ഷൗക്കത്ത് -LIVE UPDATES

ആദ്യ ലീഡ് യു.ഡി.എഫിന്; ആര്യാടൻ ഷൗക്കത്ത് 26 വോട്ടിന് മുന്നിൽ

ആര്യാടൻ ഷൗക്കത്തിന്‍റെ ഭൂരിപക്ഷം 20000 കടക്കുമെന്ന് ഡി.സി.സി അധ്യക്ഷൻ വി.എസ്. ജോയ്

വോട്ടെണ്ണിത്തുടങ്ങി; ആദ്യം എണ്ണുക തപാൽ വോട്ടുകൾ

വോട്ടെണ്ണൽ നടക്കുന്ന ചു​ങ്ക​ത്ത​റ മാ​ർ​ത്തോ​മാ ഹ​യ​ർ സെ​ക്ക​ൻ​ഡ​റി സ്കൂ​ളി​ലെ ദൃശ്യങ്ങൾ -VIDEO

യു.ഡി.എഫിന്​ ആത്​മവിശ്വാസം, എൽ.ഡി.എഫിനും പ്രതീക്ഷ: നിലമ്പൂരിൽ മുന്നണികൾ പറയുന്നത്

നി​ല​മ്പൂ​രി​ലെ പോ​ളി​ങ് ശ​ത​മാ​നം 75.27 ആ​യ​തോ​ടെ ഉ​യ​ർ​ന്ന ലീ​ഡോ​ടെ മ​ണ്ഡ​ലം തി​രി​ച്ചു​പി​ടി​ക്കു​മെ​ന്ന ആ​ത്​​മ​വി​ശ്വാ​സ​ത്തി​ൽ യു.​ഡി.​എ​ഫ്. ഇ​ട​തു​മു​ന്ന​ണി​യും വി​ജ​യം ഉ​റ​പ്പ് പ​റ​യു​ന്നു​ണ്ടെ​ങ്കി​ലും ചെ​റി​യ ഭൂ​രി​പ​ക്ഷം​ മാ​ത്ര​മേ അ​വ​ർ കാ​ണു​ന്നു​ള്ളു. സ്വ​ത​ന്ത്ര​നാ​യ പി.​വി. അ​ൻ​വ​ർ, കൂ​ടു​ത​ൽ വോ​ട്ടു​ക​ൾ പി​ടി​ക്കാ​ൻ സാ​ധ്യ​ത​യു​ള്ള​തി​നാ​ൽ ബി.​ജെ.​പി നാ​ലാം സ്ഥാ​ന​ത്ത്​ വ​രാ​നേ വ​ഴി​യു​ള്ളൂ. ക​ണ​ക്കൂ​കൂ​ട്ട​ലു​ക​ളെ​ല്ലാം തെ​റ്റി​ച്ചു​ള്ള പോ​ളി​ങ്ങാ​ണ്​ നി​ല​മ്പൂ​രി​ലു​ണ്ടാ​യ​ത്. 2021ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ലെ ശ​ത​മാ​ന​ത്തി​നോ​ട്​ അ​ടു​ത്ത പോ​ളി​ങ്ങാ​ണു​ണ്ടാ​യ​ത്. ഭ​ര​ണ​വി​രു​ദ്ധ വി​കാ​ര​ത്തി​ന്‍റെ പ്ര​തി​ഫ​ല​ന​മാ​ണ്​ പ്ര​ക​ട​മാ​യ​തെ​ന്ന്​ വി​ല​യി​രു​ത്തു​ന്ന യു.​ഡി.​എ​ഫ്, ഫ​ലം ആ​ര്യാ​ട​ൻ ഷൗ​ക്ക​ത്തി​ന്​ അ​നു​കൂ​ല​മാ​കു​മെ​ന്ന്​ ആ​ത്​​മ​വി​ശ്വാ​സം പ്ര​ക​ടി​പ്പി​ക്കു​ന്നു.

നിലമ്പൂരിലെ പോളിങ് ശതമാനം 75.27%

1,74,667 പേരാണ് തെരഞ്ഞെടുപ്പിൽ വോട്ടു ചെയ്തത്. 

സ്ട്രോങ് റൂം തുറന്നു

നിലമ്പൂരിൽ വോട്ടിങ് യന്ത്രങ്ങൾ സൂക്ഷിച്ചിരിക്കുന്ന സ്ട്രോങ് റൂം രാവിലെ 7.30ന് തുറന്നു

പരാജയത്തിന്റെ ഉത്തരവാദിത്തം പാർട്ടി ​സെക്രട്ടറിയുടെ തലയിൽ കെട്ടിവെക്കാനാണ് പിണറായിയുടെ ശ്രമം -പി.വി അൻവർ

മലപ്പുറം: പിണറായിസത്തിന്റെ കൈപ്പുരസം പാർട്ടി സെക്രട്ടറിക്കും ഇപ്പോൾ മനസിലായിക്കാണുമെന്ന് നിലമ്പൂർ മണ്ഡലം സ്വതന്ത്ര സ്ഥാനാർഥി പി.വി അൻവർ. മൈക്ക് കിട്ടുമ്പോൾ എന്ത് വിളിച്ച് പറയരുതെന്ന് സംസ്ഥാന സെക്രട്ടറിയായ ഗോവിന്ദൻ മാഷെ പിണറായി താക്കീത് ചെയ്തതിൽ തനിക്ക് അതിശയമില്ല. നിലമ്പൂരിലെ പരാജയത്തിന്റെ ഉത്തരാവാദിത്വം പാർട്ടി സെക്രട്ടറിയുടേയും സഖാക്കളുടെയും തലയിൽവെക്കാനുള്ള അടവ് മാത്രമാണ് ഇതെന്നും അൻവർ ഫേസ്ബുക്കിൽ കുറിച്ചു.

പി.വി അൻവറിന്റെ ഫേസ്ബുക്ക് പോസ്റ്റിന്റെ പൂർണരൂപം

ത്രിതല പഞ്ചായത്ത് തിരഞ്ഞെടുപ്പ് ഒരുക്കവുമായി ബന്ധപ്പെട്ട് സി.പി ഐ.എം വിളിച്ചു ചേർത്ത സംസ്ഥാന കമ്മിറ്റി അംഗങ്ങളുടെയും ജില്ലാ സെക്രട്ടേറിയേറ്റ് അംഗങ്ങളുടെയും യോഗത്തിൽ മുഖ്യമന്ത്രി പാർട്ടി സെക്രട്ടറിയെ ശാസിച്ചു എന്ന വാർത്ത കേട്ടു.

മൈക്ക് കിട്ടുമ്പോൾ എന്തും വിളിച്ചു പറയരുതെന്ന് “സംസ്ഥാന സെക്രട്ടറിയായ” ഗോവിന്ദൻ മാഷെ മുഖ്യമന്ത്രി താക്കീത് ചെയ്തത്രേ!!!!!

എനിക്ക് അതിശയം തോന്നിയില്ല.പരാജയത്തിന്റെ ഉത്തരവാദിത്വം പാവം പാർട്ടി സെക്രട്ടറിയുടെയും സഖാക്കളുടെയും തലയിൽ വെക്കാനുള്ള അടവല്ലാതെ മറ്റൊന്നുമല്ല ഇത്.

പിണറായിസത്തിന്റെ കൈപ്പുരസം പാർട്ടി സെക്രട്ടറിക്കും ഇപ്പോൾ മനസിലായിക്കാണും!!!!സംസ്ഥാനത്തെ ജനങ്ങൾക്കും പാവപ്പെട്ട സഖാക്കൾക്കും വേണ്ടി പിണറായിസം നിർവ്വചിക്കാൻ സാധിച്ചതിൽ അഭിമാനം മാത്രം.

നിലമ്പൂരിൽ ആദ്യം എണ്ണുക വഴിക്കടവ് പഞ്ചായത്ത്; ക​രു​ളാ​യി, അ​മ​ര​മ്പ​ലം പഞ്ചായത്തുകളിലെ വോട്ട് നിർണായകം

നി​ല​മ്പൂ​ർ ഉ​പ​തെ​ര​ഞ്ഞെ​ടു​പ്പി​ൽ ഇ​ല​ക്ട്രോ​ണി​ക് വോ​ട്ടി​ങ് മെ​ഷീ​നു​ക​ളി​ൽ രേ​ഖ​പ്പെ​ടു​ത്തി​യ വോ​ട്ടു​ക​ളി​ൽ ആ​ദ്യ​മെ​ണ്ണു​ക വ​ഴി​ക്ക​ട​വ് പ​ഞ്ചാ​യ​ത്തി​ലേ​ത്. പോ​സ്റ്റ​ൽ വോ​ട്ടു​ക​ൾ എ​ണ്ണി​ക്ക​ഴി​ഞ്ഞ ശേ​ഷം വ​ഴി​ക്ക​ട​വി​ലെ ഒ​ന്നാം ബൂ​ത്താ​യ ത​ണ്ണി​ക്ക​ട​വി​ലെ വോ​ട്ടെ​ണ്ണി​ത്തു​ട​ങ്ങും. ശേ​ഷം മൂ​ത്തേ​ടം, എ​ട​ക്ക​ര, പോ​ത്തു​ക​ല്ല്, ചു​ങ്ക​ത്ത​റ പ​ഞ്ചാ​യ​ത്തു​ക​ൾ, നി​ല​മ്പൂ​ർ ന​ഗ​ര​സ​ഭ, ക​രു​ളാ​യി, അ​മ​ര​മ്പ​ലം പ​ഞ്ചാ​യ​ത്തു​ക​ൾ എ​ന്നീ ക്ര​മ​ത്തി​ൽ വോ​ട്ടെ​ണ്ണ​ൽ പു​രോ​ഗ​മി​ക്കും.

യു.ഡി.എഫിന് ജയം ഉറപ്പ്; അൻവറിന് മറുപടി പറയാനില്ല -ആര്യാടൻ ഷൗക്കത്ത്

മലപ്പുറം: നിലമ്പൂർ ഉപതെരഞ്ഞെടുപ്പിൽ യു.ഡി.എഫിന് ജയം ഉറപ്പാണെന്ന് ഐക്യജനാധിപത്യമുന്നണി സ്ഥാനാർഥി ആര്യാടൻ ഷൗക്കത്ത്. നേതാക്കളുടെ പ്രസ്താവനകളിൽ നിന്നും അത് വ്യക്തമാണ്. എല്ലാ പഞ്ചായത്തുകളിലും തനിക്ക് ലീഡ് ലഭിക്കുമെന്നും ഷൗക്കത്ത് പറഞ്ഞു. നിലമ്പൂരിൽ വോട്ടെണ്ണൽ നടക്കാനിരിക്കെ മാധ്യമങ്ങളോട് പ്രതികരിക്കുകയായിരുന്നു ആര്യാടൻ ഷൗക്കത്ത്.

ക്രോസ്​വോട്ടിങ് നടന്നുവെന്ന പി.വി അൻവറിന്റെ ആരോപണത്തിന് മറുപടി പറയാനില്ലെന്ന് ആര്യാടൻ ഷൗക്കത്ത് പറഞ്ഞു. അൻവറിന്റെ ഒരു ആരോപണത്തിനും താൻ ഇതുവരെ മറുപടി പറഞ്ഞിട്ടില്ല. ഇതിനും അതുപോലെ തന്നെയായിരിക്കുമെന്നും അദ്ദേഹം പറഞ്ഞു. തെരഞ്ഞെടുപ്പിൽ വിജയം ഉറപ്പാണെന്ന് വി.എസ് ജോയിയും പറഞ്ഞു.

ഭരണവിരുദ്ധതരംഗം നിലമ്പൂരിൽ പ്രതിഫലിക്കും. കുറഞ്ഞത് 10,000 വോട്ടിനെങ്കിലും യു.ഡി.എഫ് ജയിക്കുമെന്നും വി.എസ് ജോയ് പറഞ്ഞു. വോട്ടെണ്ണലിന് തൊട്ട് മുമ്പായിരുന്നു വി.എസ് ജോയിയുടേയും പ്രതികരണം.