നിലമ്പൂരിന്റെ അമരത്ത് ആര്യാടൻ ഷൗക്കത്ത് -LIVE UPDATES
text_fields
നിലമ്പൂർ: ഏറെ വാശിയേറിയ നിയമസഭ തെരഞ്ഞെടുപ്പിൽ നിലമ്പൂർ തിരിച്ചു പിടിച്ച യു.ഡി.എഫ് സ്ഥാനാർഥി ആര്യാടൻ ഷൗക്കത്ത് തിളക്കമാർന്ന വിജയം. 11,077 വോട്ടിന്റെ ഭൂരിപക്ഷത്തിൽ ആര്യാടൻ ഷൗക്കത്ത് എൽ.ഡി.എഫ് സ്ഥാനാർഥി എം. സ്വരാജിനെ പരാജയപ്പെടുത്തിയത്. ആര്യാടൻ ഷൗക്കത്ത് 77,737 വോട്ടും സ്വരാജ് 66,660 വോട്ടും പിടിച്ചു. രണ്ട് തവണ കൈവിട്ട സീറ്റാണ് ഷൗക്കത്തിലൂടെ യു.ഡി.എഫ് തിരിച്ചുപിടിച്ചത്.
യു.ഡി.എഫുമായി തെറ്റിപിരിഞ്ഞ് സ്വതന്ത്ര സ്ഥാനാർഥിയായി മത്സരിച്ച പി.വി. അൻവർ 19,760 വോട്ട് പിടിച്ചു. ബി.ജെ.പി സ്ഥാനാർഥി അഡ്വ. മോഹൻ ജോർജ് 8,648 വോട്ട് നേടി നാലാം സ്ഥാനത്തെത്തി. എസ്.ഡി.പി.ഐ സ്ഥാനാർഥി അഡ്വ. സാദിഖ് നെടുത്തൊടി 2,075 വോട്ടും പിടിച്ചു. വോട്ട് നില സംബന്ധിച്ച അന്തിമ കണക്ക് പുറത്തുവരാനുണ്ട്. മണ്ഡലത്തിലെ ആകെയുള്ള 2,32,057 വോട്ടർമാരിൽ 1,76,069 പേരാണ് ഇത്തവണ വോട്ട് രേഖപ്പെടുത്തിയത്.
പോസ്റ്റൽ വോട്ട് എണ്ണി തുടങ്ങിയത് മുതൽ ആര്യാടൻ ഷൗക്കത്ത് വ്യക്തമായ ലീഡ് നിലനിർത്തി. വഴിക്കടവ്, മൂത്തേടം, എടക്കര, പോത്തുകല്, ചുങ്കത്തറ, കരുളായി, അമരമ്പലം പഞ്ചായത്തുകളിലും നിലമ്പൂർ നഗരസഭയും ലീഡ് നേടാൻ യു.ഡി.എഫ് സ്ഥാനാർഥിക്ക് കഴിഞ്ഞു. പ്രതീക്ഷ പുലർത്തിയ നിലമ്പൂർ നഗരസഭയിലും കരുളായി, അമരമ്പലം പഞ്ചായത്തുകളിലും എൽ.ഡി.എഫ് തിരിച്ചടി നേരിട്ടു. ഇവിടെയും ഷൗക്കത്ത് മുന്നേറ്റം നടത്തി.
Live Updates
- 23 Jun 2025 9:16 AM IST
വോട്ടെണ്ണൽ ക്രമം ഇങ്ങനെ
റൗണ്ട് 1
1-14 (വഴിക്കടവ്)
റൗണ്ട് 2
15-28 (വഴിക്കടവ്)
റൗണ്ട് 3
29-42 (വഴിക്കടവ്)
റൗണ്ട് 4
43-46 (വഴിക്കടവ്)
47-56 (മൂത്തേടം)
റൗണ്ട് 5
57-70 (മൂത്തേടം)
റൗണ്ട് 6
71-84 (എടക്കര)
റൗണ്ട് 7
85-97 (എടക്കര)
98(പോത്തുകല്)
റൗണ്ട് 8
99-112(പോത്തുകല്)
റൗണ്ട് 9
113-126(പോത്തുകല്)
റൗണ്ട് 10
127-140(ചുങ്കത്തറ)
റൗണ്ട് 11
141-154(ചുങ്കത്തറ)
റൗണ്ട് 12
155-161(ചുങ്കത്തറ)
162-168(നിലമ്പൂർ)
റൗണ്ട് 13
169-182 (നിലമ്പൂർ)
റൗണ്ട് 14
183-196 (നിലമ്പൂർ)
റൗണ്ട് 15
197-204 (നിലമ്പൂർ)
205-210(കരുളായി)
റൗണ്ട് 16
211-224 (കരുളായി)
റൗണ്ട് 17
225-228(കരുളായി)
229-238(അമരമ്പലം)
റൗണ്ട് 18
239-252 (അമരമ്പലം)
റൗണ്ട് 19
253-263 (11 ബൂത്ത്)
- 23 Jun 2025 9:03 AM IST
മൂന്നാം റൗണ്ട് ലീഡ് നില: ആര്യാടൻ ഷൗക്കത്ത് - 11110, എം. സ്വരാജ് - 9657, പി.വി. അൻവർ - 4119, അഡ്വ. മോഹൻ ജോർജ് - 1464
ആര്യാടൻ ഷൗക്കത്ത് - 11110
എം. സ്വരാജ് - 9657
പി.വി. അൻവർ - 4119
അഡ്വ. മോഹൻ ജോർജ് - 1464
ആര്യാടൻ ഷൗക്കത്തിന് 1453 വോട്ട് ലീഡ്
- 23 Jun 2025 8:57 AM IST
ആദ്യ റൗണ്ടിൽ കരുത്തുകാട്ടി അൻവർ; യു.ഡി.എഫിന്റെ ലീഡ് കുറച്ചു
നിലമ്പൂർ: നിലമ്പൂർ നിയമസഭ ഉപതെരഞ്ഞെടുപ്പ് വോട്ടെണ്ണലിൽ ആദ്യ റൗണ്ട് ഫലം പുറത്തുവരുമ്പോൾ കരുത്തുകാട്ടി മുൻ എം.എൽ.എയും സ്വതന്ത്ര സ്ഥാനാർഥിയുമായ പി.വി. അൻവർ. മൂന്നാംസ്ഥാനത്താണെങ്കിലും നിർണായക വോട്ടുകൾ അൻവർ സ്വന്തമാക്കി.
നിലവിലെ ഫലസൂചനപ്രകാരം ആര്യാടൻ ഷൗക്കത്ത് -7683, എം. സ്വരാജ് -6440, അൻവർ -2866, എൻ.ഡി.എ -117 എന്നിങ്ങനെയാണ് വോട്ട് നില. ആദ്യം വോട്ടെണ്ണിയ വഴിക്കടവിൽ അൻവറിന് ലഭിച്ച വോട്ടുകൾ യു.ഡി.എഫ് സ്ഥാനാർഥിയുടെ ലീഡ് കുറച്ചെന്നാണ് വിലയിരുത്തൽ.
യു.ഡി.എഫ് സ്ഥാനാർഥി ആര്യാടൻ ഷൗക്കത്ത് മുന്നിട്ടുനിൽക്കുന്നതോടെ പ്രവർത്തകർ ആഹ്ലാദത്തിലാണ്. ചുങ്കത്തറ മാർത്തോമാ ഹയർ സെക്കൻഡറി സ്കൂളിലാണ് വോട്ടെണ്ണൽ നടക്കുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.