നിലമ്പൂര്‍-ഷൊര്‍ണൂര്‍ പാതയില്‍ നവംബര്‍ മൂന്ന് മുതല്‍ സമയമാറ്റം

നിലമ്പൂര്‍: വടക്കാഞ്ചേരിക്ക് സമീപം പാലത്തില്‍ അറ്റകുറ്റപ്പണി നടക്കുന്നതിനാല്‍  നിലമ്പൂര്‍-ഷൊര്‍ണൂര്‍ പാതയിലും സര്‍വിസുകള്‍ക്ക് സമയമാറ്റം. നവംബര്‍ മൂന്ന് മുതല്‍ 13 വരെയാണിതെന്ന് റെയില്‍വേ അറിയിച്ചു. ഈ ദിവസങ്ങളില്‍ രാവിലെ 6.10ന് ഷൊര്‍ണൂരില്‍നിന്ന് പുറപ്പെടേണ്ട തിരുവനന്തപുരം-നിലമ്പൂര്‍ രാജ്യറാണി എക്സ്പ്രസ് 8.40ന് മാത്രമേ പുറപ്പെടൂ. 9.20ന് ഷൊര്‍ണൂരില്‍നിന്ന് പുറപ്പെടുന്ന 56613 ഷൊര്‍ണൂര്‍-നിലമ്പൂര്‍ റോഡ് പാസഞ്ചര്‍ 45 മിനിറ്റ് വൈകി നിലമ്പൂരിലത്തെും. 11.20ന് നിലമ്പൂരില്‍നിന്ന് പുറപ്പെടേണ്ട 56616 നമ്പര്‍ പാസഞ്ചറും 45 മിനിറ്റ് വൈകി പുറപ്പെട്ട് ഒരു മണിക്കൂര്‍ വൈകി ഷൊര്‍ണൂരിലത്തെും. മറ്റ് വണ്ടികളും 20 മുതല്‍ 55 മിനിറ്റ് വരെ വൈകാന്‍ സാധ്യതയുണ്ട്.