ഒ​ന്നു​റ​ക്കെ ക​ര​യാ​ൻ പോ​ലും ക​ഴി​യാ​തെ മ​ര​ണ​വേ​ദ​ന​യേ​റ്റു​വാ​ങ്ങി നിഹാൽ; കണ്ണീരിൽ മുഴപ്പിലങ്ങാട് ഗ്രാമം

മു​ഴ​പ്പി​ല​ങ്ങാ​ട്: തെ​രു​വു​നാ​യ് ക​ടി​ച്ചു​കീ​റു​മ്പോ​ഴും ഒ​ന്നു​റ​ക്കെ ക​ര​യാ​ൻ പോ​ലും ക​ഴി​യാ​തെ മ​ര​ണ​വേ​ദ​ന​യേ​റ്റു​വാ​ങ്ങി നി​ഹാ​ൽ നാ​ടി​ന്റെ നൊ​മ്പ​ര​മാ​യി. ഓ​ട്ടി​സം ബാ​ധി​ച്ച് സം​സാ​ര​ശേ​ഷി ന​ഷ്ട​മാ​യ പ​തി​നൊ​ന്നു​കാ​ര​ൻ തെ​രു​വു​നാ​യ് ആ​ക്ര​മ​ണ​ത്തി​ൽ അ​തി​ദാ​രു​ണ​മാ​യാ​ണ് കൊ​ല്ല​പ്പെ​ട്ട​ത്. ഞാ​യ​റാ​ഴ്ച വൈ​കീ​ട്ട് അ​ഞ്ചോ​ടെ​യാ​ണ് കു​ട്ടി​യെ വീ​ട്ടി​ൽ​നി​ന്ന് കാ​ണാ​താ​യ​ത്.

ഗേ​റ്റ് തു​റ​ന്ന​​പ്പോ​ൾ പു​റ​ത്തി​റ​ങ്ങി​യ​താ​കാ​മെ​ന്നാ​ണ് ക​രു​തു​ന്ന​ത്. സാ​ധാ​ര​ണ വീ​ട്ടി​ൽ​നി​ന്ന് ഇ​റ​ങ്ങി​യാ​ൽ അ​യ​ൽ​വീ​ടു​ക​ളി​ലേ​ക്ക് പോ​കാ​റു​ണ്ടാ​യി​രു​ന്നു. അ​യ​ൽ​വീ​ടു​ക​ളി​ൽ അ​ന്വേ​ഷി​ച്ചി​ട്ടും കു​ട്ടി​യെ കാ​ണാ​താ​യ​തോ​ടെ കു​ടും​ബാം​ഗ​ങ്ങ​ളും പ്ര​ദേ​ശ​വാ​സി​ക​ളും തി​ര​ഞ്ഞെ​ങ്കി​ലും ക​ണ്ടെ​ത്താ​നാ​യി​ല്ല.

തു​ട​ർ​ന്ന് പൊ​ലീ​സി​ൽ വി​വ​ര​മ​റി​യി​ക്കു​ക​യാ​യി​രു​ന്നു. സ​മൂ​ഹ മാ​ധ്യ​മ​ങ്ങ​ളി​ൽ കു​ട്ടി​യെ കാ​ണാ​നി​ല്ലെ​ന്ന വാ​ർ​ത്ത പ​ട​ർ​ന്ന​തോ​ടെ നി​ര​വ​ധി​പേ​രാ​ണ് തി​ര​ച്ചി​ലി​നെ​ത്തി​യ​ത്. മു​ഴ​പ്പി​ല​ങ്ങാ​ട് കെ​ട്ടി​ന​കം പ​ള്ളി​ക്ക​ടു​ത്ത് കു​ട്ടി​യു​ടെ വീ​ട്ടി​ൽ​നി​ന്നും 300 മീ​റ്റ​ർ അ​പ്പു​റം ആ​ളൊ​ഴി​ഞ്ഞ വീ​ട്ടു​പ​റ​മ്പി​ൽ​നി​ന്ന് തെ​രു​വു​നാ​യ്ക്ക​ളു​ടെ നി​ർ​ത്താ​തെ​യു​ള്ള കു​ര കേ​ട്ട​താ​യി സ​മീ​പ​വാ​സി​ക​ൾ പ​റ​ഞ്ഞ​ത​നു​സ​രി​ച്ചാ​ണ് നാ​ട്ടു​കാ​ർ രാ​ത്രി എ​ട്ട​ര​യോ​ടെ ആ ​ഭാ​ഗ​ത്തേ​ക്ക് പോ​യ​ത്. വീ​ടി​നോ​ട് ചേ​ർ​ന്ന പ​റ​മ്പി​ൽ ചെ​ടി​ക​ൾ​ക്കി​ട​യി​ൽ ശ​രീ​ര​മാ​കെ ക​ടി​യേ​റ്റ് കീ​റി​യ നി​ല​യി​ൽ ചോ​ര​യി​ൽ കു​ളി​ച്ചു ച​ല​ന​മ​റ്റ് കി​ട​ക്കു​ക​യാ​യി​രു​ന്നു നി​ഹാ​ൽ. മു​ഖ​വും കാ​ലു​ക​ളും വ​യ​റും ക​ടി​ച്ചു​പ​റി​ച്ചി​രു​ന്നു. അ​ര​ക്ക് താ​ഴെ​യാ​ണ് സാ​ര​മാ​യി ക​ടി​യേ​റ്റ​ത്. കൂ​ട്ട​മാ​യി വ​ന്ന നാ​യ്ക്ക​ളെ പേ​ടി​ച്ച് കു​ട്ടി ആ​ൾ താ​മ​സ​മി​ല്ലാ​ത്ത വീ​ട്ടു​പ​റ​മ്പി​ലേ​ക്ക് ഓ​ടി​ക്ക​യ​റി​യ​താ​ണെ​ന്ന് ക​രു​തു​ന്നു. സം​സാ​ര​ശേ​ഷി​യി​ല്ലാ​ത്ത​തി​നാ​ൽ നി​ല​വി​ളി​ക്കാ​ൻ പോ​ലു​മാ​യി​ല്ല.

പൊ​ലീ​സ് സ്ഥ​ല​ത്തെ​ത്തി​യാ​ണ് നി​ഹാ​ലി​നെ ആം​ബു​ല​ൻ​സി​ൽ ത​ല​ശ്ശേ​രി ജ​ന​റ​ൽ ആ​ശു​പ​ത്രി​യി​ലേ​ക്ക് മാ​റ്റി​യ​ത്. ​അ​പ്പോ​ഴേ​ക്കും മ​രി​ച്ചി​രു​ന്നു. വി​വ​ര​മ​റി​ഞ്ഞ​ത് നി​ര​വ​ധി​പേ​രാ​ണ് മു​ഴ​പ്പി​ല​ങ്ങാ​ട് കെ​ട്ടി​ന​കം പ​ള്ളി​ക്ക​ടു​ത്തെ​ത്തി​യ​ത്.മു​ഴ​പ്പി​ല​ങ്ങാ​ട് പ​ഞ്ചാ​യ​ത്തി​ൽ തെ​രു​വു​നാ​യ്ക്ക​ളു​ടെ വി​ള​യാ​ട്ട​ത്തി​നെ​തി​രെ വ്യാ​പ​ക പ്ര​തി​ഷേ​ധം ന​ട​ന്നെ​ങ്കി​ലും വേ​ണ്ട​ത്ര ജാ​ഗ്ര​ത കാ​ട്ടാ​ത്ത​തി​ന്റെ ഇ​ര​യാ​ണ് നി​ഹാ​ലെ​ന്ന് നാ​ട്ടു​കാ​ർ പ​റ​യു​ന്നു. ഓ​ട്ടി​സം ബാ​ധി​ച്ച കു​ട്ടി ത​റ​വാ​ട് സ്നേ​ഹ​ഭ​വ​ന​ത്തി​ൽ ചി​കി​ത്സ​യി​ലാ​യി​രു​ന്നു. സം​ഭ​വം ന​ട​ന്ന പ്ര​ദേ​ശ​ത്തി​ന്റെ തൊ​ട്ട​ടു​ത്തു​ള്ള മു​ഴ​പ്പി​ല​ങ്ങാ​ട് ശ്മ​ശാ​നം ഭാ​ഗ​ത്ത് നാ​ലു​മാ​സം മു​മ്പ് കു​ട്ടി​ക​ൾ​ക്ക​ട​ക്കം തെ​രു​വു​നാ​യു​ടെ ക​ടി​യേ​റ്റി​രു​ന്നു.

മു​​ഴ​​പ്പി​​ല​​ങ്ങാ​​ട് ഡ്രൈ​വ് ഇ​ൻ ബീ​​ച്ചി​​ൽ ഉ​​ല്ല​​സി​​ക്കാ​​നെ​​ത്തി​​യ​​വ​​ർ​​ക്കാ​ണ് ക​​ടി​​യേ​​റ്റ​ത്. മൈ​​സൂ​​രു​​വി​​ൽ​നി​​ന്ന് വ​​ന്ന് ഇ​​വി​​ടെ റി​​സോ​​ർ​​ട്ടി​​ൽ താ​​മ​​സി​​ക്കു​​ന്ന കു​​ടും​​ബ​​ത്തി​​ലെ ര​​ണ്ടു കു​​ട്ടി​​ക​​ൾ​​ക്കാ​​ണ് അ​ന്ന് ക​​ടി​​യേ​​റ്റ​​ത്. ബീ​​ച്ചി​​ൽ മ​തി​യാ​യ സു​​ര​​ക്ഷ ഒ​​രു​​ക്കാ​​ത്ത​​തി​​ൽ പ്ര​​തി​​ഷേ​​ധി​​ച്ച് നാ​​ട്ടു​​കാ​​ർ അ​ന്ന് ടോ​​ൾ പി​​രി​​ക്കു​​ന്ന​​ത് ത​ട​ഞ്ഞി​രു​ന്നു. ജി​ല്ല​യി​ൽ വി​വി​ധ​യി​ട​ങ്ങ​ളി​ൽ തെ​രു​വു​നാ​യ് ശ​ല്യം രൂ​ക്ഷ​മാ​യി​രു​ന്നെ​ങ്കി​ലും ഇ​ത്ത​ര​ത്തി​ൽ ഒ​രു കു​ട്ടി​യു​ടെ ജീ​വ​ൻ ന​ഷ്ട​മാ​കു​ന്ന​ത് ആ​ദ്യ​മാ​ണ്. ക​ഴി​ഞ്ഞ​യാ​ഴ്ച പാ​നൂ​രി​ൽ വീ​ട്ടു​മു​റ്റ​ത്ത് ക​ളി​ച്ചു​കൊ​ണ്ടു നി​ന്നി​രു​ന്ന ഒ​ന്ന​ര വ​യ​സ്സു​ള്ള കു​ട്ടി​യെ തെ​ര​വു​നാ​യ് ക​ടി​ച്ചു കീ​റി​യി​രു​ന്നു.