ത​ല​സ്ഥാ​ന​ത്ത് ന​ട​ന്ന​ത് നൈ​ജീ​രി​യ​ൻ മോ​ഡ​ൽ ത​ട്ടി​പ്പെ​ന്ന് പൊ​ലീ​സ് നി​ഗ​മ​നം

തിരുവനന്തപുരം: തലസ്ഥാനത്ത് നടന്നത് നൈജീരിയൻ മോഡൽ തട്ടിപ്പാണെന്ന നിഗമനത്തിലാണ് പൊലീസ്. എസ്.ബി.ടി, എസ്.ബി.ഐ ബാങ്ക് ലയനത്തി‍​െൻറ മറവിൽ ഉപഭോക്താക്കളുടെ അറിവില്ലായ്മ ചൂഷണം ചെയ്യുന്ന സംഘം ഡൽഹി കേന്ദ്രീകരിച്ച് പ്രവർത്തിക്കുന്നതായാണ് പൊലീസിന് ലഭിച്ച വിവരം. കഴിഞ്ഞദിവസം പണം നഷ്ടമായ നാലാഞ്ചിറ സ്വദേശി വരുൺരാജിനും ഉള്ളൂർ സ്വദേശി സിബിനാ വഹാബിനും ഡൽഹിയിൽ നിന്നാണ് വിളി വന്നത്. ഇതി‍​െൻറ ഉറവിടം കണ്ടെത്താൻ സൈബർ പൊലീസ് മൊബൈൽ സേവനദാതാവി‍​െൻറ സഹായം തേടിയിട്ടുണ്ട്.

ഇവരിൽ നിന്ന് ലഭിക്കുന്ന വിവരങ്ങൾ കേസിൽ വഴിത്തിരിവാകുമെന്നാണ് വിലയിരുത്തപ്പെടുന്നത്. ഡൽഹി കേന്ദ്രീകരിച്ച് പ്രവർത്തിക്കുന്ന നൈജീരിയൻ സംഘമാണ് തട്ടിപ്പിനുപിന്നിൽ പ്രവർത്തിച്ചതെന്നും പൊലീസ് കരുതുന്നു. 2016ൽ നടന്ന ഹൈടെക് കവർച്ചകൾക്ക് പിന്നിൽപ്രവർത്തിച്ച നൈജീരിയക്കാരെ സൈബർ പൊലീസ് തന്ത്രപരമായി കുടുക്കിയിരുന്നു. എസ്.ബി.ഐ-എസ്.ബി.ടി ലയനത്തി‍​െൻറ മറവിൽ വീണ്ടും തട്ടിപ്പുസംഘങ്ങൾ പ്രവർത്തനം വ്യാപിപ്പിച്ചതായാണ് പൊലീസ് വിലയിരുത്തൽ. ‍നൈജീരിയൻ ഹാക്കർമാരെ തിരിച്ചറിയാൻ സൈബർ പൊലീസ് സൈബർഡോമി‍​െൻറ സഹായവും തേടിയിട്ടുണ്ട്. ആഗോളതലത്തിൽ പ്രവർത്തിക്കുന്ന ഹാക്കർമാരെ സൈബർഡോമി‍​െൻറ സഹായത്തോടെ കുടുക്കാനാകുമെന്ന പ്രതീക്ഷയിലാണ് പൊലീസ്.

അതേസമയം, വിദ്യാഭ്യാസപരമായി മുന്നിട്ടുനിൽക്കുന്നവരാണ് തട്ടിപ്പിനിരയാകുന്നെതന്നത് ആശങ്കജനകമാണെന്ന് പൊലീസ് പറയുന്നു. പൊലീസ് എത്രയൊക്കെ ജാഗരൂകരായാലും പൊതുജനത്തി‍​െൻറ സഹകരണവും പ്രതിരോധവും തട്ടിപ്പ് തടയാനാവശ്യമാണെന്നും സൈബർ പൊലീസ് സംഘം പറ‍യുന്നു. അതേസമയം, തലസ്ഥാനത്ത് കൂടുതൽപേർ തട്ടിപ്പിനിരയായിട്ടുണ്ടെന്നും സംശയമുണ്ട്. വിദ്യാസമ്പന്നരായതുകൊണ്ടുതന്നെ പലരും മാനഹാനികാരണം പണം നഷ്ടമായ വിവരം പൊലീസിൽ അറിയിക്കാൻ മടിക്കുകയാണത്രെ. വരുംദിവസങ്ങളിൽ കൂടുതൽ പരാതികൾ ലഭ്യമാകുമെന്നും പൊലീസ് കണക്കുകൂട്ടുന്നു.