കനകമല ഐ.എസ്​ കേസ്​; രണ്ട്​ പ്രതികൾക്കെതിരെ എൻ.ഐ.എ കുറ്റപത്രം

കൊച്ചി: കനകമല ഐ.എസ്​ കേസിൽ രണ്ട്​ പ്രതികൾക്കെതിരെകൂടി എൻ.ഐ.എ കുറ്റപത്രം സമർപ്പിച്ചു. തിരുവനന്തപുരം കന്യാകുളങ്ങര സ്വദേശി സിദ്ദീഖുൽ അസ്‌ലം (31), കോഴിക്കോട്​ സ്വദേശി മുഹമ്മദ് പോളക്കാനി (28) എന്നിവർക്കെതിരെയാണ്​ എൻ.ഐ.എ എറണാകുളം പ്രത്യേക കോടതിയിൽ അനുബന്ധ കുറ്റപത്രം സമർപ്പിച്ചത്​.

ഗൂഢാലോചന, യു.എ.പി.എ 38, 39 വകുപ്പ്​ പ്രകാരം തീവ്രവാദ സംഘടനയിൽ അംഗമാവുക, തീവ്രവാദ പ്രവർത്തനത്തിൽ പങ്കാളിയാവുക എന്നീ ആരോപണങ്ങളാണ്​ സിദ്ദീഖിനെതിരെയുള്ളത്​. മുഹമ്മദ്​ പോളക്കാനിക്കെതിരെ ഭീകര പ്രവർത്തനത്തിന്​ റിക്രൂട്ട്​ ചെയ്യുക എന്ന കുറ്റവും കൂടിയുണ്ട്​. അൻസാറുൽ ഖലീഫ കേരള എന്ന പേരിൽ ടെലിഗ്രാം ഗ്രൂപ്പുണ്ടാക്കി ദക്ഷിണേന്ത്യയിൽ ആക്രമണത്തിന് പദ്ധതിയിട്ടെന്നായിരുന്നു ആരോപണം.

2016 ഒക്ടോബറിൽ മറ്റ് പ്രതികൾ പിടിയിലായതോടെ സൗദി അറേബ്യയിലേക്ക് കടന്ന സിദ്ദീഖുൽ അസ്​ലമിനെയും ജോർജിയയിലായിരുന്ന മുഹമ്മദ് പോളക്കാനിയെയും ഇൻറർപോൾ വഴി റെഡ് കോർണർ നോട്ടീസ് അയച്ചാണ് എൻ.ഐ.എ പിടികൂടിയത്. നേരത്തേ നടന്ന വിചാരണയിൽ ശിക്ഷിക്കപ്പെട്ട പ്രതികളുമായി ക്രിമിനൽ ഗൂഢാലോചന നടത്തിയ സിദ്ദീഖ്​ കൂടുതൽപേരെ റിക്രൂട്ട്​ ചെയ്യാൻ പദ്ധതിയി​ട്ടെന്നാണ്​ കുറ്റപത്രത്തിൽ ആരോപിക്കുന്നത്​.

സമാനരീതിയിൽ മറ്റ്​ പ്രതികളുമായി ഗൂഢാലോചന നടത്തിയ പോളക്കാനിയും ആക്രമണത്തിന്​ പദ്ധതിയിട്ടതായാണ്​ ആരോപണം. ഐ.എസിൽ ചേരുക എന്ന ലക്ഷ്യത്തോടെ ജോർജിയ വഴി തുർക്കിയിലേക്ക്​ കടക്കാൻ ശ്രമിക്കു​േമ്പാഴാണ്​ ഇയാൾ ജോർജിയൻ പൊലീസി​െൻറ പിടിയിലായത​െത്ര. തുർക്കിയിൽനിന്ന്​ സിറിയയിലേക്ക്​ കടന്ന്​ ഐ.എ​സി​െൻറ ഭാഗമാവുകയായിരുന്ന​െത്ര ലക്ഷ്യം. വ്യാജ പാസ്​പോർട്ടുമായി പിടികൂടിയ ഇയാളെ പിന്നീട്​ ജോർജിയൻ പൊലീസ്​ ഇന്ത്യയിലേക്ക്​ നാടുകടത്തുകയായിരുന്നു.

സിദ്ദീഖ്​ ഒക്​ടോബർ 28 മുതലും പോളക്കാനി സെപ്​റ്റംബർ 19 മുതലും ജുഡീഷ്യൽ കസ്​റ്റഡിയിലാണ്​​.​ ജാമ്യം ലഭിക്കാനുള്ള സാധ്യത തടയുക എന്ന ലക്ഷ്യത്തോടെയാണ്​ വേഗം അനുബന്ധ കുറ്റപത്രം നൽകിയത്​.