കേരളത്തിലെ ഐ.എസ്​ റി​ക്രൂട്ട്​മെന്‍റ്​: കർണാടക മുൻ എം.എൽ.എയുടെ ബന്ധുവടക്കം നാലുപേർ പിടിയിൽ

ന്യൂഡല്‍ഹി: കേരളത്തിലെ ഐ.എസ് റിക്രൂട്ട്‌മെന്‍റുമായി ബന്ധപ്പെട്ട കേസില്‍ നാലുപേരെ കൂടി എൻ.ഐ.എ അറസ്റ്റ് ചെയ്തതായി വാർത്താ ഏജൻസിയായ പി.ടിഐ റിപ്പോർട്ട്​ ചെയ്​തു. ജമ്മു കശ്മീരിലും ബംഗളൂരുവിലും മംഗളൂരുവിലും നടത്തിയ റെയ്ഡിലാണ് ഇവര്‍ പിടിയിലായത്.

ശ്രീനഗര്‍ സ്വദേശി ഉബൈദ് ഹമീദ്, ബന്ദിപ്പോര സ്വദേശി മുസമ്മില്‍ ഹസന്‍ ഭട്ട്, മംഗളൂരു സ്വദേശി അമര്‍ അബ്​ദുൽ റഹ്‌മാന്‍, ബംഗളൂരു സ്വദേശി ശങ്കര്‍ വെങ്കിടേഷ് പെരുമാള്‍ എന്നിവരാണ് അറസ്റ്റിലായതെന്ന് പി.ടി.ഐ റിപ്പോര്‍ട്ടു ചെയ്യുന്നു. ഇതിൽ അമർ കർണാടകയിലെ മുൻ എം.എൽ.എയുടെ ബന്ധുവാണ്​. 12 മണിക്കൂര്‍ നീണ്ട പരിശോധനയ്ക്കും ചോദ്യംചെയ്യലിനും ശേഷമായിരുന്നു അറസ്റ്റ്.