ദേശീയപാത- 66 ൽ തലപ്പാടി മുതൽ കാരോട് വരെ 600 കിലോമീറ്റർ ആറു വരിയാക്കാൻ കരാറായി

തിരുവനന്തപുരം: ദേശീയപാത- 66 ആറു വരിയാക്കുന്നതിനായി ദേശീയ പാത അതോറിറ്റിയുമായ സംസ്ഥാനം കരാർ ഉറപ്പിച്ചു. കാസർഗോഡ് ജില്ലയിലെ തലപ്പാടി മുതൽ തിരുവനന്തപുരം ജില്ലയിലെ കാരോട് വരെ ഏകദേശം 600 കിലോമീറ്റർ റോഡാണ് ആറ് വരിയാവുക.

പനവേൽ-കന്യാകുമാരി ദേശീയപാത-66 കേരളത്തിൽ 6 വരിയാക്കുന്ന പ്രവർത്തനങ്ങൾ ദ്രുതഗതിയിൽ ആക്കുന്നതിനായി 20 റീച്ചുകളിൽ 16 എണ്ണത്തിലും ദേശീയ പാത അതോറിറ്റിയുമായണ്​ കരാർ ഉറപ്പിച്ചത്​.

ഭൂമിയേറ്റെടുക്കുന്നതിന്‍റെ 25 ശതമാനം തുക സംസ്ഥാന സർക്കാരാണ് വഹിക്കുന്നത്. 2013 ലെ ഭൂമിയേറ്റെടുക്കൽ ചട്ട പ്രകാരം നഷ്​ടപരിഹാരമായി രണ്ടിരട്ടി തുക വരുന്ന നഷ്ടപരിഹാരമാണ് ഭൂ ഉടമകൾക്ക് നൽകുക. സംസ്ഥാനത്ത് ഇപ്പോൾ നടന്നു വരുന്ന നഷ്ടപരിഹാര വിതരണം ആറ്​ മാസത്തിനകം പൂർത്തിയാക്കും.

ദേശീയപാത-66 പരിപൂർണമായും ആറ്​ വരിയാകുന്നതോടെ സംസ്ഥാനത്തെ റോഡ് ഗതാഗതം കൂടുതൽ സുഗമവും സുരക്ഷിതവും ആകുമെന്ന്​ മുഖ്യമന്ത്രി പിണറായി വിജയൻ അറിയിച്ചു.