മാധ്യമപ്രവർത്തകനെ കാറിടിച്ച് കൊലപ്പെടുത്തിയ കേസ് അന്വേഷിക്കാൻ പ്രത്യേക സംഘം

തിരുവനന്തപുരം: മാധ്യമപ്രവർത്തകൻ കെ.എം. ബഷീറി​െൻറ മരണത്തിനിടയാക്കിയ വാഹനാപകടത്തെക്കുറിച്ച് വിശദമായി അന്വേഷ ിക്കുന്നതിന് പ്രത്യേക പൊലീസ്​സംഘത്തിന് രൂപം നൽകി. ക്രമസമാധാനപാലനചുമതലയുള്ള എ.ഡി.ജി.പി ഡോ. ഷെയ്ഖ്​ ദർവേശ്​ സാ ഹിബാകും മേൽനോട്ടം വഹിക്കുക. ൈക്രംബ്രാഞ്ച് എസ്​.പി എ. ഷാനവാസ്​, തിരുവനന്തപുരം സിറ്റി നാർകോട്ടിക് സെൽ അസിസ്​റ്റൻറ് കമീഷണർ ഷീൻ തറയിൽ, വിഴിഞ്ഞം കോസ്​റ്റൽ പൊലീസ്​ സ്​റ്റേഷൻ ഇൻസ്​പെക്ടർ എ. അജിചന്ദ്രൻ നായർ, ൈക്രംബ്രാഞ്ച് ആസ്ഥാനത്തെ ഇൻസ്​പെക്ടർ എസ്​.എസ്.​ സുരേഷ് ബാബു എന്നിവരാണ് സംഘത്തിലുള്ളത്.

ഷീൻ തറയിലാണ്​ മുഖ്യ അന്വേഷണ ഉദ്യോഗസ്ഥൻ. സംഭവവുമായി ബന്ധപ്പെട്ട് പൊലീസിനെതിരെ ഉയർന്ന ആരോപണങ്ങൾ ഉൾപ്പെടെ അന്വേഷിക്കും. എത്രയും വേഗം റിപ്പോർട്ട് നൽകാനാണ് നിർ​േദശം നൽകിയിരിക്കുന്നത്. നിലവിൽ മ്യൂസിയം പൊലീസാണ്​ കേസന്വേഷണം നടത്തിവരുന്നത്​. അന്വേഷണം തൃപ്​തികരമല്ലെന്നും പ്രത്യേക സംഘത്തെ നിയോഗിക്കണമെന്നും മാധ്യമസമൂഹം ആവശ്യപ്പെട്ടിരുന്നു.