ചെന്നൈ സൂപ്പർ ഫാസ്റ്റിൽ പുതിയ ജനറൽ കോച്ച്​

കൊല്ലം: ചെന്നൈ-തിരുവനന്തപുരം സൂപ്പർ ഫാസ്റ്റ്​ എക്​സ്​പ്രസ്​ ട്രെയിനിൽ​ (12695/12696) അധികമായി അനുവദിച്ച ജനറൽ കോച്ച്​ നിലവിൽവന്നു. ജനുവരി 23 മുതൽ തുടങ്ങുമെന്ന്​ പ്രഖ്യാപിച്ചിരുന്നെങ്കിലും​ കുംഭമേള അടക്കം സാ​ങ്കേതിക കാരണങ്ങളാൽ നടപടി വൈകി.

ചെന്നൈ സൂപ്പർ ഫാസ്റ്റ്​ എക്​സ്​പ്രസിന്​​ രണ്ട്​ ജനറൽ കോച്ച്​ മാത്രമായിരുന്നു ഇതുവരെ. വെള്ളിയാഴ്​ച മുതൽ അത്​ മൂന്ന്​ കോച്ചായി. ചെന്നൈയിൽനിന്ന്​ വരുമ്പോൾ ഏറ്റവും പിന്നിലും തിരുവനന്തപുരത്തുനിന്ന്​ ചെന്നൈയിലേക്ക്​ പോകുമ്പോൾ ​ മുന്നിലുമാണ്​ അധികമായി അനുവദിച്ച കോച്ച്​ ഉണ്ടാവുക. ചിലപ്പോൾ മാറ്റം വരാം.

‘ചെന്നൈ മെയിൽ ഫ്രണ്ട്​സ്​’ വാട്​സ്​ആപ്​ കൂട്ടായ്​മ നിവേദനം നൽകിയതിന്‍റെ അടിസ്ഥാനത്തിൽ കൊടിക്കുന്നിൽ സുരേഷ്​ എം.പിയുടെ ശ്രമഫലമായാണ്​ ഒരു ജനറൽ കോച്ചുകൂടി അനുവദിച്ചത്​.