കേരളത്തിന് പുതിയ ഡി.ജി.പി; അഞ്ച് പേരുടെ പട്ടിക സർക്കാർ തയ്യാറാക്കി

തിരുവനന്തപുരം: സംസ്ഥാനത്തെ പുതിയ പൊലീസ് മേധാവിയെ തെരഞ്ഞെടുക്കുന്നതിനുള്ള പട്ടിക സർക്കാർ തയാറാക്കി. ഡി.ജി.പി പദത്തിലേക്കു പരിഗണിക്കേണ്ട അഞ്ച് പേരുടെ പട്ടിക സംസ്ഥാന സർക്കാർ യു.പി.എസ്‌.സിക്കു കൈമാറും.

എ.ഡി.ജി.പിമാരായ പദ്‌മകുമാര്‍, ഷേക്ക് ദര്‍വേഷ് സാഹിബ്, ടി.കെ. വിനോദ്‌കുമാര്‍, സഞ്ജീവ് പട്‌ജോഷി, യോഗേഷ് ഗുപ്‌ത എന്നിവരാണ് പട്ടികയില്‍ ഇടം പിടിച്ച അഞ്ച് മുതിർന്ന ഐ.പി.എസ് ഉദ്യോഗസ്ഥര്‍. നിലവിലെ സംസ്ഥാന പൊലീസ് മേധാവി അനില്‍കാന്ത് ജൂണ്‍ 30ന് വിരമിക്കും.