കേരളത്തിലെ ഹൃദയ ശസ്​ത്രക്രിയക്ക്​ ശേഷം ​നവജാതശിശു തമിഴ്‌നാട്ടിൽ മാതാവിനരികിലെത്തി

നാഗര്‍കോവില്‍: ഹൃദ്രോഗത്തെ തുടർന്ന്​ എറണാകുള​ത്തെ സ്വകാര്യ ആശുപത്രിയില്‍ വിജയകരമായി ശസ്ത്രക്രിയ പൂര്‍ത്ത ിയാക്കിയെത്തിയ ത​​െൻറ കുഞ്ഞിനെ ഒടുവിൽ ആ അമ്മ ആദ്യമായി കൺകുളിർക്കെ കണ്ടു. കളിയിക്കാവിളയിൽ അമ്മയും കുഞ്ഞും തമ് മിലുള്ള വൈകാരിക മുഹൂർത്തത്തിന്​ സാക്ഷികളായവർക്കും അത്​ കണ്ണുകൾക്ക്​ കുളിരേകുന്ന കാഴ്​ചയായി.

ആരോഗ്യവതിയായ കുഞ്ഞിനെ കേരള-തമിഴ്‌നാട് അതിര്‍ത്തിയായ കളിയിക്കാവിളയില്‍ വച്ച് ആശുപത്രി അധികൃതര്‍ മാതാവ് സോഫിയനസീംബാനുവിന് കൈമാറിയപ്പോഴായിരുന്നു ഹൃദയസ്​പർശിയായ കാഴ്​ച. കുഞ്ഞിനെ ആദ്യമായാണ് സോഫിയനസീംബാനു കാണുന്നത്. നാഗര്‍കോവില്‍ ഇടാലക്കുടി സ്വദേശി ഫൈസലാണ് കുട്ടിയുടെ പിതാവ്.

ഇക്കഴിഞ്ഞ വിഷുദിനത്തില്‍ നാഗര്‍കോവില്‍ ജയഹരന്‍ ആസ്പത്രിയില്‍ ജനിച്ച കുഞ്ഞിനെ കേരള-തമിഴ്‌നാട് സര്‍ക്കാരുകളുടെ സമയോചിത ഇടപെടലുകളുടെ ഫലമായി എറണാകുളത്തെ സ്വകാര്യ ആശുപത്രിയിലെത്തിച്ച്​ ശസ്​ത്ര​ക്രിയ നടത്തുകയായിരുന്നു.

ശസ്​ത്രക്രിയ വിജയകരമായി പൂർത്തിയാക്കിയതിനെ തുടർന്ന്​ ആശുപത്രി വിട്ട കുഞ്ഞിനേയും കൊണ്ട്​ ബുധനാഴ്ച രാവിലെ പത്ത് മണിയോടെ എറണാകുളത്ത് നിന്ന് തിരിച്ച ആംബുലന്‍സ് ഒന്നരയോടെ കളിയിക്കാവിളയിലെത്തി. തുടർന്ന്​ കുഞ്ഞിനെ ജയഹരന്‍ ആശുപത്രിയിലേക്ക്​ കൊണ്ടുപോവുകയായിരുന്നു. കുഞ്ഞിനെ സ്വീകരിക്കാന്‍ വിളവങ്കോട് എം.എല്‍.എ എസ്. വിജയധരണിയും എത്തിയിരുന്നു.