സബ്​ ഇൻസ്​പെക്​ടർമാരുടെ പുതിയ ബാച്ച്​ പുറത്തിറങ്ങി

തൃശൂർ: കേരള പൊലീസ്​ അക്കാദമിയിൽ പരിശീലനം പൂർത്തിയാക്കിയ 12 സബ്​ ഇൻസ്​പെക്​​ടർ ട്രെയിനികളുടെ പ്രതിജ്ഞയെടുക്കൽ നടന്നു. അക്കാദമി ഡയറക്​ടർ എ.ഡി.ജി.പി ഡോ. ബി. സന്ധ്യ സല്യൂട്ട്​ സ്വീകരിച്ചു.

പൊലീസിൽ നേരിട്ട്​ നിയമിക്കുന്ന സബ്​ ഇൻസ്​പെക്​ടർമാരിൽ വനിതകൾ കൂടി ഉൾപ്പെട്ട നാലാം ബാച്ചാണ്​ പുറത്തിറങ്ങുന്നത്​. ഈ ബാച്ചിൽ രണ്ട്​ വനിതകളാണുള്ളത്​. രണ്ട്​ പേർ ബിരുദാനന്തര ബിരുദവും 10 പേർ ബിരുദവുമുള്ളവരാണ്​.

കോവിഡ്​ പ്രതിരോധ പ്രവർത്തനത്തി​െൻറ ഭാഗമായി സംസ്ഥാനത്തെ വിവിധ പൊലീസ്​ സ്​റ്റേഷനുകളിൽ ജോലി ചെയ്​ത പരിചയവും ഇവർക്കുണ്ട്​. പരിശീലനം കഴിഞ്ഞ്​ ഇറങ്ങിയവരിൽ ബെസ്​റ്റ്​ ഔട്ട്​ഡോർ ആയി എൻ. അൻസാറും ബെറ്റ്​ ഇൻഡോർ ആയി ഹരോൾഡ്​ ജോർജും ബെസ്​റ്റ്​ ഷൂട്ടറായി കെ. ഷുഹൈബും തെരഞ്ഞെടുക്കപ്പെട്ടു.