പീഡനാരോപണം: നെന്മേനി മുൻ പഞ്ചായത്ത് പ്രസിഡൻറി​െൻറ അറസ്​റ്റ്​ ഉടനുണ്ടാകും

സുല്‍ത്താന്‍ ബത്തേരി: വീട്ടമ്മയെ പീഡിപ്പി​ച്ചെന്ന പരാതിയിൽ രാജി​െവച്ച നെന്മേനി പഞ്ചായത്ത് പ്രസിഡൻറ് സി.ആർ. കറപ്പ​​​െൻറ അറസ്​റ്റ്​ ഉടനുണ്ടായേക്കും. പരാതിക്കാരിയുടെ മൊഴി മജിസ്​​േട്രറ്റ് നേരിട്ട് രേഖപ്പെടുത്തിയതിന് ശേഷമാകും അറസ്​റ്റുണ്ടാവുക എന്നതാണ് പൊലീസില്‍നിന്ന്​ ലഭിക്കുന്ന വിവരം. ഹാജരാകാന്‍ ആവശ്യപ്പെട്ടിരുന്നെങ്കിലും ഇതുവരെ സി.ആർ. കറപ്പൻ പൊലീസില്‍ ഹാജരായിട്ടില്ല. മുന്‍കൂര്‍ ജാമ്യത്തിനുള്ള ശ്രമങ്ങളും ആരംഭിച്ചതായി സൂചനയുണ്ട്​.

കഴിഞ്ഞ ബുധനാഴ്ചയാണ് പഞ്ചായത്ത്​ പരിധിയിലെ താമസക്കാരിയായ യുവതി സി.ആർ. കറപ്പനെതിരെ ജില്ല പൊലീസ്​ മേധാവിക്കും വനിത കമീഷനും പരാതി നൽകിയത്​. പഞ്ചായത്തിൽനിന്ന്​​ വീട്​ അനുവദിക്കണമെങ്കിൽ തനിക്ക്​ വഴങ്ങണമെന്ന്​ ആവശ്യപ്പെ​െട്ടന്നും വീട്ടില്‍ കയറി പീഡിപ്പിക്കാന്‍ ശ്രമിച്ചുവെന്നും സംഭവം പുറത്തുപറഞ്ഞാല്‍ കൊല്ലുമെന്ന്​ ഭീഷണിപ്പെടുത്തിയെന്നുമാണ്​ പരാതി. സംഭവം പുറത്തറിഞ്ഞതോടെ സി.ആർ. കറപ്പനെതിരെ വ്യാപക പ്രതിഷേധം ഉയര്‍ന്നിരുന്നു. പ്രസിഡൻറ്​ സ്ഥാനം രാജിവെക്കണമെന്നാവശ്യപ്പെട്ട്​ യു.ഡി.എഫും ബി.ജെ.പിയും ശക്തമായ പ്രക്ഷോഭ പരിപാടികളുമായി രംഗത്തെത്തി. പരാതിയിന്മേല്‍ പൊലീസ് കേസെടുത്ത സാഹചര്യത്തില്‍ സി.പി.എം നേതൃത്വം ഇടപെട്ട് അദ്ദേഹത്തെ പഞ്ചായത്ത് പ്രസിഡൻറ്​ സ്ഥാനവും പഞ്ചായത്തംഗത്വവും രാജിവെപ്പിച്ചു.

നെന്മേനി പഞ്ചായത്തിലെ പതിനഞ്ചാം വാര്‍ഡിലായിരുന്നു കറപ്പന്‍ സി.പി.എം സ്ഥാനാർഥിയായി ജയിച്ചത്. പട്ടികജാതി വിഭാഗത്തിന്​ സംവരണം ചെയ്​ത മംഗലത്തായിരുന്നു മത്സരിച്ചത്​. പഞ്ചായത്ത്​ പ്രസിഡൻറ്​ സ്ഥാനം പട്ടികജാതി വിഭാഗത്തിന്​ സംവരണം ചെയ്​തതിനാൽ അവിചാരിതമായി പ്രസിഡൻറ്​ സ്ഥാനവും ലഭിച്ചു. ഇതിനിടെയാണ്​ പീഡനാരോപണം ഉയർന്നുവരുന്നതും രാജിവെക്കേണ്ടിവരുന്നതും. സി.ആർ. കറപ്പന്‍ രാജിവെച്ചതോടെ നിലവിലെ വൈസ് പ്രസിഡൻറായ എ.പി. മേരി ടീച്ചര്‍ക്കായിരിക്കും പഞ്ചായത്ത് പ്രസിഡൻറി​​​െൻറ താൽക്കാലിക ചുമതല.