എല്ലാം ഉപേക്ഷിച്ച് നെല്ലിയാമ്പതിയിൽനിന്ന്  തമിഴ് തൊഴിലാളികളുടെ പലായനം

നെ​ന്മാ​റ: ഉ​രു​ൾ​പൊ​ട്ട​ലി​ൽ ഒ​റ്റ​പ്പെ​ട്ട നെ​ല്ലി​യാ​മ്പ​തി​യി​ൽ​നി​ന്ന് ത​മി​ഴ് തോ​ട്ടം തൊ​ഴി​ലാ​ളി കു​ടും​ബ​ങ്ങ​ൾ എ​ല്ലാം ഉ​പേ​ക്ഷി​ച്ച് നാ​ട്ടി​ലേ​ക്ക് മ​ട​ങ്ങു​ന്നു. പൂ​ർ​ണ​മാ​യി പു​റം​ലോ​ക​വു​മാ​യി ബ​ന്ധം ന​ഷ്​​ട​പ്പെ​ട്ട് ജീ​വി​തം അ​സാ​ധ്യ​മാ​കു​മെ​ന്ന തി​രി​ച്ച​റി​വി​ലാ​ണ് ഇ​വ​ർ ഭാ​ണ്ഡ​വു​മെ​ടു​ത്ത് കാ​ൽ​ന​ട​യാ​യി വീ​ണ്ടും ത​മി​ഴ്നാ​ട്ടി​ലേ​ക്ക് പോ​കു​ന്ന​ത്. പ​ല​രും ജീ​വി​തം നെ​ല്ലി​യാ​മ്പ​തി​യി​ൽ ക​രു​പി​ടി​പ്പി​ച്ച​വ​രാ​ണ്. പ​ക്ഷേ, ദു​ഷ്ക​ര​മാ​കു​ന്ന ജീ​വി​ത​ത്തി​ൽ​നി​ന്ന് ക​ര​ക‍യ​റാ​തെ ഇ​വ​ർ​ക്ക് മ​റ്റു​മാ​ർ​ഗ​മി​ല്ല. 

ക​ഴി​ഞ്ഞ ര​ണ്ട്​ ദി​വ​സ​ങ്ങ​ളാ​യി 130ഓ​ളം പേ​രാ​ണ് കാ​ൽ​ന​ട​യാ​യി നെ​ന്മാ​റ​യി​ലെ​ത്തി പൊ​ള്ളാ​ച്ചി​യി​ലേ​ക്ക് പോ​യ​ത്. സം​ഭ​രി​ച്ച ഭ​ക്ഷ്യ​വ​സ്തു​ക്ക​ളും മ​റ്റും തീ​ർ​ന്ന​തും പ​ല​ർ​ക്കും പ്ര​ത്യേ​കി​ച്ച് കു​ട്ടി​ക​ൾ​ക്ക് രോ​ഗം ബാ​ധി​ച്ച​തു​മാ​ണ് തി​രി​കെ മ​ട​ങ്ങാ​ൻ കാ​ര​ണ​മെ​ന്നാ​ണ് ഇ​വ​ർ പ​റ​യു​ന്ന​ത്. നാ​ട്ടി​ലെ​ത്തി​യാ​ൽ ബ​ന്ധു​ക്ക​ളു​ണ്ട്. അ​ടി​യ​ന്ത​ര ചി​കി​ത്സ​യും ഭ​ക്ഷ​ണ​വും ല​ഭി​ക്കും. എ​ല്ലാം ശ​രി​യാ​യാ​ൽ വീ​ണ്ടും നെ​ല്ലി​യാ​മ്പ​തി​യി​ലേ​ക്ക്​ ത​ന്നെ തി​രി​ച്ചെ​ത്തും. 

ഗ​താ​ഗ​തം പൂ​ർ​ണ​മാ​യി സ്തം​ഭി​ച്ച​തി​നാ​ൽ നെ​ല്ലി​യാ​മ്പ​തി​യി​ലെ സാ​ധാ​ര​ണ​ജീ​വി​തം ദു​സ്സ​ഹ​മാ​കും. രോ​ഗി​ക​ൾ​ക്കും വി​ദ്യാ​ർ​ഥി​ക​ൾ​ക്കു​മാ​യി​രി​ക്കും ഏ​റെ ബു​ദ്ധി​മു​ട്ട്. റോ​ഡ് പൂ​ർ​ണ​മാ​യി പു​ന​ർ​നി​ർ​മി​ക്ക​ണ​മെ​ങ്കി​ൽ മാ​സ​ങ്ങ​ളെ​ടു​ക്കും. ഭ​ക്ഷ്യ​ധാ​ന്യ​ങ്ങ​ൾ നെ​ല്ലി​യാ​മ്പ​തി​യി​ൽ ഉ​ണ്ടെ​ങ്കി​ലും മൂ​ന്ന്​ റേ​ഷ​ൻ ക​ട​ക​ൾ ക​ഴി​ഞ്ഞ ഒ​രാ​ഴ്ച തു​റ​ക്കാ​ൻ ക​ഴി​ഞ്ഞി​ട്ടി​ല്ലെ​ന്ന് താ​ലൂ​ക്ക് സ​പ്ലൈ ഓ​ഫി​സ​ർ അ​റി​യി​ച്ചു. റേ​ഷ​ൻ ക​ട​ക​ളി​ലൂ​ടെ വി​ത​ര​ണം കാ​ര്യ​ക്ഷ​മ​മാ​ക്കാ​ൻ ക​ഴി​ഞ്ഞി​ട്ടി​ല്ല. 

നെ​ല്ലി​യാ​മ്പ​തി​യി​ൽ എ​ല്ലാ റേ​ഷ​ൻ ക​ട​യും ഉ​ട​ൻ തു​റ​ന്ന് പ്ര​വ​ർ​ത്തി​ക്കു​മെ​ന്ന്​ സ​പ്ലൈ ഓ​ഫി​സ​ർ പ​റ​ഞ്ഞു. ഭ​ക്ഷ്യ​ധാ​ന്യ​ങ്ങ​ൾ പാ​ച​കം ചെ​യ്ത് നെ​ല്ലി​യാ​മ്പ​തി​ക്കാ​ർ​ക്ക് ന​ൽ​കു​ക​യാ​ണ്. 
ചൊ​വ്വാ​ഴ്ച മു​ത​ൽ ഡീ​സ​ൽ, മ​ണ്ണെ​ണ്ണ, പാ​ച​ക​ഗ്യാ​സ് എ​ന്നി​വ നെ​ല്ലി​യാ​മ്പ​തി​യി​ലെ​ത്തി​ക്കാ​ൻ സം​വി​ധാ​ന​മൊ​രു​ക്കു​ന്നു​ണ്ട്.
ഭ​ക്ഷ്യ​സാ​ധ​ന​ങ്ങ​ൾ വി​ത​ര​ണം ചെ​യ്യാ​ൻ നി​ർ​ദേ​ശം ന​ൽ​കി​യി​ട്ടും വി​ത​ര​ണ​മു​ണ്ടാ​യി​ല്ലെ​ങ്കി​ൽ റേ​ഷ​ൻ ക​ട​യു​ട​മ​ക​ളോ​ട് വി​ശ​ദീ​ക​ര​ണം ആ​വ​ശ്യ​പ്പെ​ടും.