മഴ കനത്തു; നെഹ്രുട്രോഫി വള്ളംകളി മാറ്റിവെച്ചു

തിരുവനന്തപുരം: സംസ്ഥാനത്ത് മഴക്കെടുതി രൂക്ഷമായ സാഹചര്യത്തിൽ അറുപത്തിയേഴാമത് നെഹ്റുട്രോഫി ജലമേളയും ചാമ്പ്യ ൻസ് ബോട്ട് ലീഗ് ഉദ്ഘാടന മത്സരങ്ങളും മാറ്റിവെച്ചു. ശനിയാഴ്ച ആലപ്പുഴ പുന്നമടക്കായലിൽ നടക്കേണ്ടിയിരുന്ന വള്ളം കളി മത്സരങ്ങൾ മാറ്റിവെച്ചതായി മുഖ്യമന്ത്രി പിണറായി വിജയനാണ് വാർത്താസമ്മേളനത്തിൽ അറിയിച്ചത്. പുതുക്കിയ തിയതി പിന്നീട്​ അറിയിക്കും.

മഴയെ തുടർന്ന്​ നദികളിലും കായലുകളിലും ക്രമാതീതമായി ജലനിരപ്പ്​ ഉയർന്നത്​ കണക്കിലെടുത്താണ്​ വള്ളംകളി മാറ്റിയത്​. മുഖ്യമന്ത്രിയുടെ അധ്യക്ഷതയിൽ ചേർന്ന ഉന്നതതല യോഗത്തി​​േൻറതാണ്​ തീരുമാനം. കഴിഞ്ഞ വർഷവും പ്രളയത്തെത്തുടർന്ന് വള്ളംകളി മാറ്റിവെച്ചിരുന്നു.

സംസ്ഥാനത്ത്​ ഒമ്പത്​ ജില്ലകളിൽ റെഡ്​ അ​ലർട്ട്​ പ്രഖ്യാപിച്ചിട്ടുണ്ട്​. വടക്കന്‍ ജില്ലകളില്‍ അടുത്ത 24 മണിക്കൂര്‍ അതിതീവ്ര മഴയുണ്ടാകുമെന്നും ജാഗ്രത പുലര്‍ത്തണമെന്നും മുഖ്യമന്ത്രി വാര്‍ത്താ സമ്മേളനത്തില്‍ പറഞ്ഞു.