വിദ്യാര്‍ഥികളെ പ​രി​ശോ​ധി​ച്ചവർക്കെതിരെ നടപടി -മുഖ്യമന്ത്രി

തിരുവനന്തപുരം: നീറ്റ് പരീക്ഷക്കെത്തിയ വിദ്യാര്‍ഥികളുടെ അ​ടി​വ​സ്​​ത്ര​മ​ഴി​പ്പി​ച്ച്​ പ​രി​ശോ​ധി​ച്ച ​നടപടി അപരിഷ്കൃതവും ക്രൂരവുമെന്ന് മുഖ്യമന്ത്രി പിണറായി വിജയൻ. പ​രീ​ക്ഷ​ക്കാ​യി നി​ർ​ദേ​ശി​ച്ച ഡ്രസ്കോഡ് വിദ്യാര്‍ഥികള്‍ക്ക് മാനസിക സമ്മര്‍ദമുണ്ടാക്കിയ വിഷയം കേന്ദ്രത്തെ അറിയിക്കും. സംഭവത്തിൽ പൊലീസ് അന്വേഷണത്തിന് ഉത്തരവിട്ടിട്ടുണ്ട്. റിപ്പോര്‍ട്ട് ലഭിച്ചാലുടന്‍ നടപടിയെന്നും മുഖ്യമന്ത്രി നിയമസഭയെ അറിയിച്ചു.

സംഭവത്തിൽ ശക്തമായ നടപടി വേണമെന്ന് പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടു. സഹോദരിമാരുടെ വസ്ത്രാക്ഷേപം നടത്തുന്ന ദുശാസനന്മാരാണോ പരിശോധന നടത്തുന്നതെന്നും പ്രതിപക്ഷ നേതാവ് ചോദിച്ചു.

അ​ഖി​ലേ​ന്ത്യ പ്ര​വേ​ശ​ന​പ​രീ​ക്ഷ ‘നീ​റ്റി’​നാ​യി ക​ണ്ണൂ​രി​ലെ പ​രീ​ക്ഷ സെന്‍റ​റു​ക​ളി​ൽ വി​ദ്യാ​ർ​ഥി​ക​ളു​ടെ അ​ടി​വ​സ്​​ത്രം ഉ​ൾ​പ്പെ​ടെ അ​ഴി​ച്ചു പ​രി​ശോ​ധി​ച്ച സം​ഭ​വ​ത്തി​നെ​തി​രെ വ്യാ​പ​ക ​പ്ര​തി​ഷേ​ധമാണ് ഉണ്ടായത്. ദേ​ശീ​യ​ത​ല​ത്തി​ല​ട​ക്കം സം​ഭ​വം ചൂ​ടു​പി​ടി​ച്ച ച​ർ​ച്ച​യാ​യി. ക​ണ്ണൂ​ർ ജി​ല്ല​യി​ലെ ചി​ല പ​രീ​ക്ഷാ​ കേ​ന്ദ്ര​ങ്ങ​ളി​ലാ​ണ്​ വി​ദ്യാ​ർ​ഥി​ക​ളെ​യും ര​ക്ഷി​താ​ക്ക​ളെ​യും അ​പ​മാ​നി​ക്കു​ന്ന​തും മാ​ന​സി​ക​മാ​യി ത​ക​ർ​ക്കു​ന്ന​തു​മാ​യ ത​ര​ത്തി​ൽ തി​ക്​​താ​നു​ഭ​വ​മു​ണ്ടാ​യ​ത്​.

പ​രീ​ക്ഷ​ക്കാ​യി നി​ർ​ദേ​ശി​ച്ച ഡ്ര​സ്​ കോ​ഡി​​​​െൻറ കാ​ര്യ​ത്തി​ൽ ക​ടും​പി​ടി​ത്തം ന​ട​ത്തി​യ അ​ധി​കൃ​ത​ർ കു​ട്ടി​ക​ളു​ടെ വ​സ്​​ത്ര​ങ്ങ​ളു​ടെ കൈ​ക​ൾ മു​റി​ച്ചെ​ടു​ക്കു​ക​യും അ​ടി​വ​സ്​​ത്രം ഉ​ൾ​പ്പെ​ടെ​യു​ള്ള​വ അ​ഴി​ച്ചു പ​രി​ശോ​ധി​ക്കു​ക​യു​മാ​യി​രു​ന്നു. കു​ഞ്ഞി​മം​ഗ​ലം കു​വ്വ​പ്പു​റ​ത്തെ ഇം​ഗ്ലീ​ഷ്​ മീ​ഡി​യം സ്​​കൂ​ളി​ൽ പ​രീ​ക്ഷ എ​ഴു​താ​നെ​ത്തി​യ കാ​സ​ർ​കോ​ട്​ സ്വ​ദേ​ശി​യാ​യ വി​ദ്യാ​ർ​ഥി​യു​ടെ അ​ടി​വ​സ്​​ത്രം അ​ഴി​ച്ച്​ പ​രി​ശോ​ധി​ച്ച​ത്​ ലോ​ഹ​ത്തിന്‍റെ ഹു​ക്ക്​ ഉ​ണ്ടെ​ന്ന്​ പ​റ​ഞ്ഞാ​യി​രു​ന്നു. വിദ്യാർഥികൾ പ്ര​തി​ഷേ​ധി​ച്ചി​ട്ടും ഫ​ല​മൊ​ന്നു​മു​ണ്ടാ​യി​ല്ല.