Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightനിരാശപ്പെടാതെ പഠിച്ചു; ...

നിരാശപ്പെടാതെ പഠിച്ചു; ലുലുവി​േൻറത്​ സ്വപ്​ന നേട്ടം

text_fields
bookmark_border
നിരാശപ്പെടാതെ പഠിച്ചു; ലുലുവി​േൻറത്​ സ്വപ്​ന നേട്ടം
cancel

നെന്മാറ: പ്ലസ്​ടു കഴിഞ്ഞാണ്​ കോച്ചിങ്​ തുടങ്ങിയത്​. അവിടെനിന്ന്​ ഇത്രയും മികച്ച റാങ്കിലേക്ക്​ എത്തിയത്​ സ്വപ്​നനേട്ടമായിട്ടാണ്​ കാണുന്നതെന്ന്​ നീറ്റ്​ പരീക്ഷയിൽ ഒാൾ ഇന്ത്യ തലത്തിൽ 22ാം റാങ്ക് നേടിയ എ. ലുലു. കയറാടി അടിപ്പരണ്ട കെ.എ.കെ. മൻസിലിൽ പരേതനായ അബ്​ദുൽഖാദറി​േൻറയും മെഹറുന്നീസയുടേയും മകളാണ്​ ലുലു.

തുടക്കത്തിൽ മോഡൽ പരീക്ഷകളിൽ മാർക്ക്​ വളരെ കുറവായിരുന്നുവെന്ന്​ ലുലു പറയുന്നു. എന്നാൽ, നിരാശപ്പെട്ടിട്ടില്ല. ഒന്നും വിട്ടുകളയാതെ പഠിച്ചെടുത്തു. എന്തിനാണ്​ ഒരു വർഷം കളയുന്നത്​ എന്നൊക്കെ പലരും ചോദിച്ചെങ്കിലും പഠനത്തിൽ മാത്രം ശ്രദ്ധ കേന്ദ്രീകരിച്ചു. അപ്പോൾ ഉദ്ദേശിച്ചിടത്ത്​ എത്താൻ പറ്റി. ചോദ്യങ്ങൾക്കെല്ലാം സൂക്ഷിച്ചാണ്​ ഉത്തരം നൽകിയത്​. അൽപ്പം പിറകിലായിരുന്ന വിഷയങ്ങൾ പഠിച്ചെടുത്തത്​ ലോക്ക്​ഡൗൺ കാലത്താണ്​. പഠനത്തിൽ ശ്ര​ദ്ധ കേന്ദ്രീകരിക്കാൻ കഴിഞ്ഞ വർഷം സോഷ്യൽ മീഡിയ പൂർണ്ണമായും ഒഴിവാക്കി. ഇനി കു​റച്ചൊക്കെ ഉപയോഗിച്ചുതുടങ്ങണമെന്നുണ്ട്​ -ലുലു പറഞ്ഞു.

ഹിന്ദി കഥാരചനയിലും കവിത രചനയിലും ലുലു സംസ്ഥാന സ്​കൂൾ കലോത്സവത്തിൽ 'എ' ഗ്രേഡ്​ നേടിയിരുന്നു. ചെറുപ്പത്തിൽതന്നെ പിതാവിനെ നഷ്​ടപ്പെട്ട ലുലു, പ്രതിസന്ധികൾ തരണം ചെയ്​ത്​ വിജയത്തി​െൻറ നെറുകെയിൽ എത്തിയത്​ ഉമ്മയുടേയും കുടുംബാംഗങ്ങളുടേയും അകമഴിഞ്ഞ പിന്തുണയോടെയാണ്​. ഡൽഹിയിലെ എയിംസിൽ പഠിച്ച്​ കാർഡിയോളജിസ്​റ്റ്​ ആകാനാണ്​ ലുലുവി​െൻറ ആഗ്രഹം. ​െഎ.​എ.എസ്​ എഴുതിയെടുക്കണമെന്നും മോഹമുണ്ട്​.

Show Full Article
TAGS:NEET Rank Holder Nenmara 
Next Story