‘എന്തെങ്കിലും ഒന്ന്​ മിണ്ടൂചേട്ടാ’...കണ്ണീർക്കാഴ്​ചയായി നീനു

കോട്ടയം: കണ്ണുകളെല്ലാം നനഞ്ഞുനിൽക്കെ, അന്ത്യചുംബനമേകാൻ എത്തിയ നീനുവി​​​െൻറ ‘എന്തെങ്കിലും ഒന്ന്​ മിണ്ടൂചേട്ടാ​െയന്ന​’ ചോദ്യത്തിനു മുന്നിൽ ജോസഫിനും പിടിച്ചുനിൽക്കാനായില്ല.  മക​​​െൻറ വേർപാട്​ അറിഞ്ഞത്​ മുതൽ അടക്കിപ്പിടിച്ച നൊമ്പരമെല്ലാം പിതാവി​​​െൻറ കണ്ണുകളിൽനിന്ന്​ വാർന്നൊഴുകി. പ്രണയവിവാഹത്തെ തുടർന്ന്​ തട്ടിക്കൊണ്ടുപോയി കൊലപ്പെടുത്തിയ കെവി​ൻ പി. ജോസഫി​​​െൻറ (23) മൃതദേഹം പോസ്​റ്റ്​മോർട്ടത്തിനുശേഷം ചെറിയ വാടകവീട്ടി​ൽ എത്തിച്ചപ്പോഴായിരുന്നു ഇൗ​ രംഗം. 

കെവിനുമായുള്ള ജീവിതച്ചുവടുകൾ ബന്ധുക്കളുടെ ദുരഭിമാനത്തിനുമുന്നിൽ പൂർത്തിയാക്കാനാകാതെപോയ ഭാര്യ നീനു ഏവർക്കും ഹൃദയഭേദക കാഴ്​ചയായി.​ മരണമറിഞ്ഞതു മുതൽ നീനുവിന്​ ആ​ശ്വാസമായി ഒപ്പമുണ്ടായിരുന്ന കെവി​​​െൻറ പിതാവ്​ ജോസഫും അന്ത്യനിമിഷങ്ങളിൽ നിയ​​ന്ത്രണംവിട്ട​േതാടെ കോട്ടയം നട്ടാശേരി വട്ടപ്പാറ വീട്​ കണ്ണീരിലമർന്നു. 

മൃതദേഹത്തിലേക്ക്​ വീണുകിടന്ന്​ കരഞ്ഞ നീനുവി​െന ആശ്വസിപ്പിക്കാൻ ഏറെ പണിപ്പെടേണ്ടിവന്നു. കെവി​​​െൻറ മാതാവ്​ മേരിയുടെയും സഹോദരി കൃപയുടെയും ശബ്​ദം അലമുറകളായി. ഇത്​ കണ്ടുനിന്ന കണ്ണുകളെല്ലാം നനഞ്ഞു.

കോട്ടയം നട്ടാശേരിയിലെ വീട്ടിൽനിന്ന്​ കെവി​​​െൻറ മൃതദേഹം സംസ്​കാരചടങ്ങിന്​ കൊണ്ടുപോകു​േമ്പാൾ അലമുറയിട്ട്​​​ യാത്രാമൊഴി നേരുന്ന ഭാര്യ നീനു. കെവി​​​െൻറ പിതാവ്​ ജോസഫ്​ ജേക്കബ്​ പിന്നിൽ

 

ആ നീല ഷർട്ട്​ നെഞ്ചോട്​ ചേർത്ത്​ നീനു
രജിസ്​റ്റർ വിവാഹം നടക്കു​േമ്പാൾ ഇടാൻ വാങ്ങിയ പുതിയ നീല ഷർട്ട്​ നെഞ്ചോട്​ ചേർത്തുപിടിച്ചായിരുന്നു​ നീനു പ്രിയതമന്​ യാത്രാമൊഴിയേകിയത്​. ആ ഷർട്ട്​ കെവിൻ ധരിച്ചിരുന്നില്ല. കോട്ടയം നട്ടാശേരി വട്ടപ്പാറ വീട്ടിൽനിന്ന്​ മൃതദേഹം പള്ളിയിലേക്ക്​ കൊണ്ടുപോകുന്നതിന്​ മുന്നോടിയായി അന്ത്യകർമങ്ങൾക്കിടയിൽ ​കരഞ്ഞുതളർന്ന നീനുവി​​​െൻറ കൈയിൽ ആ ഷർട്ട്​ കാണാമായിരുന്നു. മൃതദേഹം വീട്ടിലെത്തിച്ചത്​ മുതൽ വിലാപയാത്രയിലും സംസ്​കാരം നടന്ന നല്ലയിടയൻ ദേവാലയത്തിലും നീനു ആ ഷർട്ട്​ ഒപ്പം കരുതിയിരുന്നു.