കുംഭമേളയിലേക്ക്​​ പിണറായിയെ ക്ഷണിക്കാൻ യു.പി മന്ത്രി നേരിട്ടെത്തി

തിരുവനന്തപുരം: ഉത്തർപ്രദേശിലെ ​പ്രയാഗ്​രാജിൽ ജനുവരി 15ന്​ തുടങ്ങുന്ന കുംഭമേളക്ക്​ ഗവർണർ പി. സദാശിവത്തിനും മുഖ്യമന്ത്രി പിണറായി വിജയനും ക്ഷണം. ഉത്തർപ്രദേശ്​ വിദ്യാഭ്യാസ മന്ത്രി നീൽകണ്​ഠ്​ തിവാരി നേരി​െട്ടത്തിയാണ്​ ക്ഷണിച്ചത്​. കുംഭമേളയുടെ ഒരുക്കം പൂർത്തിയായതായും 192 രാജ്യങ്ങളിൽ നിന്നുള്ള തീർഥാടകരും സന്ദർശകരും എത്തിച്ചേരുമെന്നും നീൽകണ്​ഠ്​ തിവാരി വാർത്തസമ്മേളനത്തിൽ അറിയിച്ചു.

കുംഭമേളയിൽ കേരളവുമായുള്ള സാംസ്​കാരിക വിനിമയ പരിപാടികൾക്ക്​ സൗകര്യമൊരുക്കിയിട്ടുണ്ട്​. കേരള ടൂറിസത്തി​​​െൻറ പങ്കാളിത്തവും സംസ്ഥാന സർക്കാറിനോട്​ അഭ്യർഥിച്ചിട്ടുണ്ട്​. 71 രാജ്യങ്ങളിലെ പ്രതിനിധികൾ ത്രിവേണി തീരത്ത്​ തീർഥാടനത്തിന്​ മുന്നോടിയായി കൊടികൾ ഉയർത്തിയിട്ടുണ്ട്​. ജനുവരി 21 മുതൽ വാരാണസിയിൽ ആരംഭിക്കുന്ന പ്രവാസി ഭാരതീയരുടെ സംഗമമായ പ്രവാസി ഭാരതീയ ദിവസിലേക്കും മുഖ്യമ​ന്ത്രിയെ ക്ഷണിച്ചിട്ടുണ്ടെന്ന്​ മന്ത്രി പറഞ്ഞു.