പരീക്ഷക്ക്​ ആൾമാറാട്ടം: ലക്ഷ്യമിട്ടത് സമ്പൂർണ വിജയം

വിദ്യാർഥികളും രക്ഷിതാക്കളും ആശങ്കയിൽ
മുക്കം: നീലേശ്വരം ഗവ. ഹയർ സെക്കൻഡറി സ്​കൂളിലെ വിദ്യാർഥികൾക്കു വേണ്ടി അധ്യാപകൻ പരീക്ഷ എഴുതിയ സംഭവത്തിൽ പരീക്ഷ ഫലം തടഞ്ഞുവെച്ച വിദ്യാർഥികളും രക്ഷിതാക്കളും ആശങ്കയിൽ. പ്ലസ് ട ു ഫലം പ്രഖ്യാപിച്ച്​ നാലു നാൾ പിന്നിട്ടിട്ടും തങ്ങളുടെ ഫലപ്രഖ്യാപനം അനിശ്ചിതത്വത്തിലായതിൽ ഏറെ സങ്കടത്തിലാണ ്​ വിദ്യാർഥികൾ. ഫലം പുറത്തു വന്നപ്പോൾ തങ്ങളുടെ കുട്ടികളുടെ പരീക്ഷാഫല​െത്തക്കുറിച്ച്​ പ്രിൻസിപ്പലിനോടും ക്ലാസ്​ ടീച്ചറോടും തിരക്കിയപ്പോൾ രണ്ട് ദിവസത്തിനകം വരുമെന്നായിരുന്നു പറഞ്ഞതെന്ന്​ രക്ഷിതാക്കൾ പറയുന്നു.

ലക്ഷ്യമിട്ടത് സമ്പൂർണ വിജയം
കോഴിക്കോട്: നീലേശ്വരം ഗവ. ഹയർ സെക്കൻഡറി സ്​കൂളിലെ വിദ്യാർഥികൾക്കുവേണ്ടി അധ്യാപകൻ പരീക്ഷ എഴുതിയത് സമ്പൂർണ വിജയം ലക്ഷ്യമിട്ടെന്ന് സൂചന. പഠനത്തിൽ പിന്നാക്ക​ം നിൽക്കുന്ന മൂന്ന് വിദ്യാർഥികളുടെ പരീക്ഷയാണ് അധ്യാപകൻ എഴുതിയതെന്നും മറ്റ് താൽപര്യങ്ങൾ ഇല്ലായിരുന്നുവെന്നുമാണ്​ സ്കൂളിനോട് അടുപ്പമുള്ളവർ പറയുന്നത്. വിദ്യാർഥികൾപോലും ഇക്കാര്യം അറിഞ്ഞിരുന്നില്ല. സമ്പൂർണ വിജയം ഉണ്ടായാൽ ഏകജാലകം വഴി മികച്ച വിദ്യാർഥികളെ സ്കൂളിലെത്തിക്കാമെന്നും അതുവഴി സ്കൂളി‍​െൻറ യശ്ശസ് ഉയർത്താമെന്നുമാണ് ബന്ധപ്പെട്ടവർ കരുതിയിരുന്നതെന്നും പറയുന്നു.

സാമ്പത്തിക താൽപര്യമെന്ന പ്രചാരണംം തെറ്റ് -പി.ടി.എ പ്രസിഡൻറ്​
മുക്കം: നീലേശ്വരം ഗവ. ഹയർ സെക്കൻഡറി സ്കൂളിൽ വിദ്യാർഥികൾക്കുവേണ്ടി ആൾമാറാട്ടം നടത്തി പരീക്ഷ എഴുതിയതിനുപിന്നിൽ സാമ്പത്തിക താൽപര്യമാണെന്ന പ്രചാരണം ശരിയല്ലെന്ന് പി.ടി.എ പ്രസിഡൻറ്​ പി.പി. അബു. കുറ്റം ചെയ്തവർ ആരായാലും നടപടി സ്വീകരിക്കണം. ആൾമാറാട്ടം നടത്തിയ നിഷാദ് വി. മുഹമ്മദിന്​ വിദ്യാർഥികളുമായി അടുത്ത ബന്ധമാണ്. എൻ.എസ്.എസ് യൂനിറ്റി‍​െൻറ ചുമതലയും ഇയാൾ വഹിച്ചിരുന്നു. മൂന്നു കുട്ടികളുടെ ഫലം തടഞ്ഞുവെച്ചത് പ്രിൻസിപ്പലി​​െൻറ ശ്രദ്ധയിൽപെടുത്തിയപ്പോൾ രണ്ടുദിവസത്തിനകം പരിഹരിക്കുമെന്ന്​ പറഞ്ഞിരുന്നു. മാധ്യമവാർത്തകളിലൂടെയാണ് ആൾമാറാട്ട പ്രശ്നം മനസ്സിലാക്കിയത്. മൂന്നു കുട്ടികളുടെ പ്രശ്നവുമായി ബന്ധപ്പെട്ട് പ്രിൻസിപ്പൽ തിരുവനന്തപുരത്തേക്ക് പോയത് പി.ടി.എയുടെ ശ്രദ്ധയിൽപ്പെട്ടിട്ടില്ല. സംഭവത്തിൽ ഏറെ സങ്കടമുള്ളതായും അദ്ദേഹം പറഞ്ഞു.