ശിവശങ്കറിനെതിരെ കൂടുതൽ അന്വേഷണം വേണമെന്ന് എൻഫോഴ്സ്മെന്‍റ് ഡയറക്ട്രേറ്റിന്‍റെ കുറ്റപത്രം

കൊ​ച്ചി: മു​ഖ്യ​മ​ന്ത്രി​യു​ടെ മു​ന്‍ പ്രി​ന്‍​സി​പ്പ​ല്‍ സെ​ക്ര​ട്ട​റി എം. ​ശി​വ​ശ​ങ്ക​റി​നെ​തി​രെ കൂടുതൽ അ​ന്വേ​ഷ​ണം വേ​ണ​മെ​ന്ന് എ​ന്‍​ഫോ​ഴ്‌​സ്‌​മെ​ന്‍റ് ഡ​റ​യ​റ​ക്ട്രേ​റ്റ്. സ്വർണക്കടത്ത് കേസ് കുറ്റപത്രത്തിൽ എം ശിവശങ്കറിനെതിരെ ഗുരുതര പരാമർശങ്ങളാണ് ഇ.ഡി നടത്തിയിരിക്കുന്നത്. സ്വ​ർ​ണ​ക്ക​ട​ത്ത് കേ​സി​ലെ പ്ര​തി​യാ​യ സ്വ​പ്‌​ന​യു​ടെ സാ​മ്പ​ത്തി​ക ഇ​ട​പാ​ടു​ക​ളി​ല്‍ ശി​വ​ശ​ങ്ക​റി​നും പ​ങ്കു​ണ്ടെ​ന്ന് കൊ​ച്ചി​യി​ലെ അ​ഡീ​ഷ​ണ​ൽ ജി​ല്ലാ മ​ജി​സ്ട്രേ​റ്റ് കോ​ട​തി​യി​ൽ സ​മ​ർ​പ്പി​ച്ച കു​റ്റ​പ​ത്ര​ത്തി​ൽ പ​റ​യു​ന്നു.

ശി​വ​ശ​ങ്ക​റും സ്വ​പ്‌​ന​യു​ടെ ചാ​ര്‍​ട്ടേ​ഡ് അ​ക്കൗ​ണ്ട​ന്‍റായ വേണുഗോപാലും ത​മ്മി​ലു​ള്ള വാ​ട്ട്ആ​പ്പ് സ​ന്ദേ​ശ​ങ്ങ​ളും എ​ന്‍​ഫോ​ഴ്‌​സ്‌​മെ​ന്‍റി​ന് ല​ഭി​ച്ചി​രു​ന്നു. സ്വ​പ്‌​ന​യ്ക്ക് സാ​മ്പ​ത്തി​ക പ്ര​തി​സ​ന്ധി​യു​ണ്ടാ​യി​രു​ന്ന പ​ല അ​വ​സ​ര​ങ്ങ​ളി​ലും അ​വ​രെ ശി​വ​ശ​ങ്ക​ര്‍ സാ​മ്പ​ത്തി​ക​മാ​യി സ​ഹാ​യി​ച്ചി​ട്ടു​ണ്ടെ​ന്നും ഇ​ഡി​ക്ക് വി​വ​രം ല​ഭി​ച്ചി​ട്ടു​ണ്ട്. എന്നാൽ ഇക്കാര്യത്തെ കുറിച്ച് ചോദിച്ചപ്പോൾ ശിവശങ്കർ മൗനം പാലിച്ചുവെന്നും അതിനാൽ കൂടുതൽ അന്വേഷണം വേണമെന്നും പ്രാഥമിക കുറ്റപത്രത്തിൽ പറയുന്നു.

സ്‌​പേ​സ് പാ​ര്‍​ക്കി​ല്‍ ജോ​ലി​ക്കാ​യി അ​പേ​ക്ഷ ന​ല്‍​കു​മ്പോ​ള്‍ റ​ഫ​റ​ന്‍​സാ​യി കൊ​ടു​ത്ത​ത് ശി​വ​ശ​ങ്ക​റി​ന്‍റെ പേ​രാ​ണ്. ശി​വ​ശ​ങ്ക​ര്‍ നി​ര്‍​ദേ​ശി​ച്ച പ്ര​കാ​ര​മാ​ണ് സ്‌​പേ​സ് പാ​ര്‍​ക്ക് പ​ദ്ധ​തി​യി​ല്‍ പ്രൈ​സ് വാ​ട്ട​ര്‍​ഹൗ​സ് കൂ​പ്പേ​ഴ്‌​സ് വ​ഴി ജോ​ലി​ക്ക് അ​പേ​ക്ഷി​ച്ച​ത്. സ്വ​പ്‌​ന​യു​ടെ പ​ല സാ​മ്പ​ത്തി​ക ഇ​ട​പാ​ടു​ക​ളി​ലും നി​ര്‍​ണാ​യ​ക പ​ങ്കു​വ​ഹി​ച്ചി​ട്ടു​ള്ള​തി​നാ​ല്‍ ശി​വ​ശ​ങ്ക​റി​നെ​തി​രെ ആ​ഴ​ത്തി​ലു​ള്ള അ​ന്വേ​ഷ​ണം വേ​ണ​മെ​ന്നും കു​റ്റ​പ​ത്ര​ത്തി​ല്‍ ചൂ​ണ്ടി​ക്കാ​ണി​ക്കു​ന്നു. ഡിജിറ്റൽ തെളിവുകൾ ലഭിച്ച ശേഷം ശിവശങ്കറിനെ വീണ്ടും ചോദ്യം ചെയ്യുമെന്ന് എൻഫോഴ്‌സ്‌മെന്റ് ഡയറക്ടറേറ്റ് അറിയിച്ചു.

സ്വപനയും സരിത്തും സന്ദീപും ചേർന്ന് കള്ളപ്പണ ഇടപാട് നടത്തിയെന്ന് ഇ.ഡി കുറ്റപത്രത്തിൽ പറയുന്നുണ്ട്. 303 പേജുള്ള കുറ്റപത്രമാണ് സമർപ്പിച്ചിരിക്കുന്നത്. പ്രതികളുടെ പക്കൽ അനധികൃത സ്വത്തുകൾ കണ്ടെത്തിയിട്ടുണ്ട്. മൂന്ന് പേർക്കും ജാമ്യം കൊടുക്കരുതെന്ന് എൻഫോഴ്‌സ്‌മെന്റ് ഡയറക്ടറേറ്റ് പറയുന്നു. കള്ളപ്പണം വെളുപ്പിക്കൽ കുറ്റത്തിന് കോടതി ശിക്ഷാനടപടി സ്വീകരിക്കണം എന്നും എൻഫോഴ്‌സ്‌മെന്റ് ഡയറക്ടറേറ്റ് ആവശ്യപ്പെടുന്നുണ്ട്.