Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightവേ​ണം സൈ​ബ​ർ...

വേ​ണം സൈ​ബ​ർ ലോ​ക​ത്തും കു​ഞ്ഞു​കൈ​ക​ൾ​ക്ക് ഒ​രു താ​ങ്ങ്

text_fields
bookmark_border
വേ​ണം സൈ​ബ​ർ ലോ​ക​ത്തും കു​ഞ്ഞു​കൈ​ക​ൾ​ക്ക് ഒ​രു താ​ങ്ങ്
cancel

േലാ​ക്ഡൗ​ണി​ൽ സ്കൂ​ൾ അ​ട​ച്ചി​ട്ട​പ്പോ​ൾ കു​ട്ടി​ക​ളെ എ​ങ്ങ​നെ വീ​ട്ടി​ൽ പി​ടി​ച്ചി​രു​ത്തും എ​ന്ന​താ​യി​രു​ന്നു മാ​താ​പി​താ​ക്ക​ളു​ടെ ത​ല​വേ​ദ​ന. കു​റു​മ്പു​കാ​ണി​ച്ചും വ​ഴ​ക്കി​ട്ടും ഒാ​ടി​ന​ട​ന്ന മ​ക്ക​ളെ​ക്കൊ​ണ്ട് തോ​റ്റ​പ്പോ​ൾ കോ​വി​ഡ് ഭീ​ക​ര​ൻ ഒ​ഴി​യ​ണേ എ​ന്ന മു​ട്ടി​പ്പാ​യി പ്രാ​ർ​ഥ​ന​യാ​യി​രു​ന്നു. പ​ക്ഷേ, കോ​വി​ഡും പോ​യി​ല്ല, മാ​താ​പി​താ​ക്ക​ളു​ടെ ത​ല​വേ​ദ​ന​യും ഒ​ഴി​ഞ്ഞി​ല്ല. ഇ​പ്പോ​ൾ ഓ​ൺ​ലൈ​ൻ ക്ലാ​സു​ക​ളാ​ണ് ആ​കു​ല​രാ​ക്കു​ന്ന​ത്. പ​രീ​ക്ഷ​ക്കാ​ല​ത്ത് കേ​ബ്​​ൾ വി​ച്ഛേ​ദി​ച്ച് കു​ട്ടി​ക​ൾ​ക്ക് ടി.​വി നി​ഷേ​ധി​ച്ച​വ​രാ​ണ് ര​ക്ഷി​താ​ക്ക​ൾ. മൊ​ബൈ​ലി‍െൻറ ഏ​ഴ​യ​ല​ത്ത് കു​ട്ടി​ക​ളെ അ​ടു​പ്പി​ക്കി​ല്ലാ​യി​രു​ന്നു.

കോ​വി​ഡ് കാ​ല​ത്ത്​ ടി.​വി​യു​ടെ​യും മൊ​ബൈ​ലി​െൻറയും ക​മ്പ്യൂ​ട്ടറി​െൻറയും ക​സ്​​റ്റോ​ഡി​യ​ൻ ത​ന്നെ കു​ട്ടി​ക​ളാ​കു​ന്ന കാ​ഴ്ച​ക​ളാ​ണ് വീ​ട​ക​ങ്ങ​ളി​ൽ. അ​തു​ത​ന്നെ​യാ​ണ് ആ​ശ​ങ്ക​യും. വാ​ട്സ്ആ​പ് ഗ്രൂ​പ്പു​ക​ൾ മാ​റി മെ​സേ​ജ് അ​യ​ക്കു​ന്ന അ​ബ​ദ്ധം മു​തി​ർ​ന്ന​വ​ർ​ക്കു​പോ​ലും സം​ഭ​വി​ക്കു​ന്ന കാ​ല​മാ​ണ്. എ​ങ്ങ​നെ കു​ട്ടി​ക​ളെ ഓ​ൺ​ലൈ​നി​ലാ​ക്കി ജോ​ലി​ക്ക് പോ​കും, ഇ​ൻ​റ​ർ​നെ​റ്റും മൊ​ബൈ​ലും നോ​ക്കി ക​ണ്ണി​ന് പ്ര​ശ്നം വ​രു​മോ, ഇ​ൻ​റ​ർ​നെ​റ്റ് ഡേ​റ്റ പെ​ട്ടെ​ന്ന് തീ​രു​ന്ന​ല്ലോ അ​ങ്ങ​നെ​യ​ങ്ങ​നെ സം​ശ​യ​ങ്ങ​ളും ആ​ധി​ക​ളും ഏ​റെ. ഓ​ൺ​ലൈ​ൻ വി​ഭ്യാ​ഭ്യാ​സ​ത്തെ​ക്കു​റി​ച്ച് അ​നു​കൂ​ല​മാ​യും പ്ര​തി​കൂ​ല​മാ​യും ന​ട​ക്കു​ന്ന ച​ർ​ച്ച​ക​ളി​ൽ ഉ​യ​രു​ന്ന പ്ര​ശ്ന​ങ്ങ​ളും ഇ​തൊ​ക്കെ​ത്ത​ന്നെ.

ശ്ര​ദ്ധ വേ​ണം ഫോ​ണി​ൽ

സൈ​ബ​ർ ലോ​ക​ത്ത് കു​ട്ടി​ക​ളെ ഒ​റ്റ​ക്കു​വി​ട​രു​ത്. സ്വ​ത​ന്ത്ര​മാ​യി ഫോ​ൺ ന​ൽ​കേ​ണ്ടി​വ​രു​ന്ന സാ​ഹ​ച​ര്യ​ങ്ങ​ളി​ൽ ദു​രു​പ​യോ​ഗം ചെ​യ്യു​ന്നി​ല്ലെ​ന്ന് ഉ​റ​പ്പാ​ക്ക​ണം. ര​ക്ഷി​താ​ക്ക​ളു​ടെ മേ​ൽ​നോ​ട്ട​ത്തി​ൽ ക​ർ​ശ​ന നി​യ​ന്ത്ര​ണ​ങ്ങ​ളോ​ടെ മാ​ത്രം ഫോ​ൺ ന​ൽ​കു​ക. പ​ഠ​ന​ത്തി​നാ​വ​ശ്യ​മാ​യ​വ മാ​ത്ര​മാ​ണോ നോ​ക്കു​ന്ന​ത് എ​ന്ന് കു​ട്ടി​ക​ള​റി​യാ​തെ ശ്ര​ദ്ധി​ക്കാം. ഇ​ൻ​റ​ർ​നെ​റ്റി​ൽ എ​ന്തൊ​ക്കെ തി​ര​ഞ്ഞു​വെ​ന്ന് 'ഹി​സ്​​റ്റ​റി' നോ​ക്കി​യാ​ൽ അ​റി​യാ​നാ​കും.

സൈ​ബ​റി​ട​ങ്ങ​ളി​ലെ ചൂ​ഷ​ണ​ങ്ങ​ളും ച​തി​ക്കു​ഴി​ക​ളും കു​ട്ടി​ക​ളെ പ​റ​ഞ്ഞു​മ​ന​സ്സി​ലാ​ക്കു​ക. ചെ​റി​യ കു​ട്ടി​ക​ളെ ഫോ​ൺ ന​ൽ​കി ക​ഴി​യു​ന്ന​തും ഒ​റ്റ​ക്കാ​ക്കി പോ​കാ​തി​രി​ക്കാ​ൻ ശ്ര​മി​ക്ക​ണം. പ​ഠ​ന​കാ​ര്യ​ങ്ങ​ൾ​ക്കാ​യി മാ​ത്രം േഫാ​ൺ ന​ൽ​കു​ക. സ്മാ​ർ​ട്ട് ഫോ​ണു​ക​ളി​ലെ​ല്ലാം കു​ട്ടി​ക​ൾ​ക്ക് ആ​വ​ശ്യ​മി​ല്ലാ​ത്ത ആ​പ്പു​ക​ൾ ലോ​ക്ക് ചെ​യ്യാ​ൻ സൗ​ക​ര്യ​മു​ണ്ട്. പാ​സ്​​വേ​ഡു​ക​ൾ പ​ര​മാ​വ​ധി മു​തി​ർ​ന്ന​വ​രു​ടെ ത​മ്പ് അ​ല്ലെ​ങ്കി​ൽ മു​ഖം ആ​ക്കു​ക.

കാ​ക്ക​ണം ക​ണ്ണി​നെ

തു​ട​ർ​ച്ച​യാ​യി ഫോ​ൺ, ക​മ്പ്യൂ​ട്ട​ർ സ്ക്രീ​നി​ലേ​ക്ക് നോ​ക്കു​ന്ന​ത് ക​ണ്ണു​ക​ൾ​ക്ക് ദോ​ഷ​മാ​ണ്. കു​ഞ്ഞു​ങ്ങ​ളു​ടെ കാ​ര്യ​ത്തി​ൽ പ്ര​ത്യേ​കി​ച്ചും. സാ​ധാ​ര​ണ​ഗ​തി​യി​ൽ ക​ണ്ണു​ക​ൾ 30 സെ​ക്ക​ൻ​ഡി​ൽ കു​റ​ഞ്ഞ​ത് 20 ത​വ​ണ​യെ​ങ്കി​ലും ചി​മ്മും. എ​ന്നാ​ൽ, സ്ക്രീ​നി​ലേ​ക്ക് നോ​ക്കി​യി​രു​ന്നാ​ൽ മൂ​ന്നി​ലൊ​രു ത​വ​ണ​യേ ചി​മ്മാ​ൻ സാ​ധ്യ​ത​യു​ള്ളൂ. ഇ​ത് ക​ണ്ണു​ക​ൾ വ​ര​ളാ​നും അ​സ്വ​സ്ഥ​ത​ക്കും കാ​ര​ണ​മാ​കും.

സ്ക്രീ​നി​ൽ നോ​ക്കു​മ്പാേ​ൾ നി​ർ​ബ​ന്ധ​മാ​യി ക​ണ്ണു​ക​ൾ ചി​മ്മ​ണ​മെ​ന്ന​ത്​ കു​ട്ടി​ക​ളെ ഓ​ർ​മി​പ്പി​ക്ക​ണം. സ്ക്രീ​നി‍െൻറ ബ്രൈ​റ്റ്നെ​സും കോ​ൺ​ട്രാ​സ്​​റ്റും ക​ണ്ണു​ക​ൾ​ക്ക് സു​ഖ​ക​ര​മാ​യ രീ​തി​യി​ൽ ക്ര​മീ​ക​രി​ക്ക​ണം. സ്ക്രീ​നും ക​ണ്ണു​ക​ളും ത​മ്മി​ൽ അ​ക​ലം പാ​ലി​ക്കാ​ൻ പ​ഠി​പ്പി​ക്ക​ണം. സാ​ധാ​ര​ണ മൊ​ബൈ​ൽ നോ​ക്കു​മ്പാേ​ൾ എ​ട്ട് ഇ​ഞ്ചു​വ​രെ ക​ണ്ണു​ക​ളും സ്ക്രീ​നും ത​മ്മി​ൽ അ​ക​ലം ഉ​ണ്ടാ​കും. 15-16 ഇ​ഞ്ച് അ​ക​ലം പാ​ലി​ച്ച് വേ​ണം അ​ധി​ക​നേ​രം വീ​ക്ഷി​ക്കാ​ൻ. തു​ട​ർ​ച്ച​യാ​യി 20 മി​നി​റ്റി​ൽ കൂ​ടു​ത​ൽ സ്ക്രീ​നി​ൽ നോ​ക്ക​രു​ത്.

ഡേ​റ്റ തീ​രു​ന്നു​വോ

ഇ​ൻ​റ​ർ​നെ​റ്റ് ഡേ​റ്റ സാ​ധാ​ര​ണ​ക്കാ​ർ​ക്ക് പു​തി​യൊ​രു ബാ​ധ്യ​ത കൂ​ടി​യാ​ണ്. ഡേ​റ്റ നി​യ​ന്ത്രി​ക്കാ​ൻ ചി​ല പൊ​ടി​ക്കൈ​ക​ളു​ണ്ട്. അ​ത് എ​ത്ര​മാ​ത്രം പ്രാ​വ​ർ​ത്തി​ക​മാ​വു​ന്നു എ​ന്ന​ത് ഫോ​ണി‍െൻറ പ്ര​വ​ർ​ത്ത​ന​ക്ഷ​മ​ത​യെ ആ​ശ്ര​യി​ച്ചി​രി​ക്കും. ഇ​തി​ൽ ഒ​ന്ന് ചു​വ​ടെ:

ഫോ​ണി‍െൻറ സെ​റ്റി​ങ്സ് എ​ടു​ക്കു​ക. ഡേ​റ്റ യൂ​സേ​ജ് സെ​ല​ക്ട് ചെ​യ്യു​ക. ഇ​തി​ൽ എ​ത്ര ആ​പ്ലി​ക്കേ​ഷ​നു​ക​ളാ​ണ് ഉ​പ​യോ​ഗി​ക്കു​ന്ന​തെ​ന്നും അ​വ​ക്കെ​ല്ലാം എ​ത്ര എം.​ബി വേ​ണ​മെ​ന്നും കാ​ണാം. 'റെ​സ്ട്രി​ക്റ്റ​ഡ് ബാ​ക്ഗ്രൗ​ണ്ട് ഡേ​റ്റ' എ​ന്ന ഓ​പ്ഷ​ൻ എ​ടു​ത്താ​ൽ ഒ​രു ആ​പ്ലി​ക്കേ​ഷ​ൻ ഉ​പ​യോ​ഗി​ക്കു​മ്പാേ​ൾ വേ​ണ്ടാ​ത്ത മ​റ്റു​ള്ള​വ ഓ​ഫ് ചെ​യ്യാ​നാ​കും.

ഉ​ദാ​ഹ​ര​ണ​ത്തി​ന് യൂ​ട്യൂ​ബ് കാ​ണു​േ​മ്പാ​ൾ വാ​ട്സ്​​ആ​പ്​ ഓ​ഫ് ചെ​യ്യാം. ഇ​ങ്ങ​നെ ചെ​യ്താ​ൽ യൂ​ട്യൂ​ബ് നോ​ക്കു​മ്പാേ​ൾ വാ​ട്സ്​​ആ​പ്​ നോ​ട്ടി​ഫി​ക്കേ​ഷ​ൻ വ​രി​ല്ല. യൂ​ട്യൂ​ബ് അ​വ​സാ​നി​പ്പി​ച്ചാ​ൽ വാ​ട്സ്​​ആ​പ്​ ഡേ​റ്റ ഓ​ണാ​വും. എ​ല്ലാ ആ​ൻ​ഡ്രോ​യ്ഡ് ഫോ​ണി​ലും ഈ ​ഓ​പ്ഷ​നു​ണ്ട്.

യൂ​ട്യൂ​ബി​ൽ​നി​ന്ന് ക്ലാ​സു​ക​ൾ ഡൗ​ൺ​ലോ​ഡ് െച​യ്ത ശേ​ഷം ഇ​ൻ​റ​ർ​നെ​റ്റ് ഡേ​റ്റ ഓ​ഫാ​ക്കു​ക. തു​ട​ർ​ന്ന് നെ​റ്റ് ഓ​ണാ​ക്കാ​തെ ത​ന്നെ ഡൗ​ൺ​ലോ​ഡ് ചെ​യ്ത ക്ലാ​സു​ക​ൾ കാ​ണാം.

വൃ​ത്തി വേ​ണം, വൃ​ത്തി

ഫോ​ണി‍െൻറ​യും ക​മ്പ്യൂ​ട്ട​റി‍െൻറ​യും സ്ക്രീ​ൻ വൃ​ത്തി​യാ​യി സൂ​ക്ഷി​ക്ക​ണം. സ്ക്രീ​നി​ൽ എ​ണ്ണ​മെ​ഴു​ക്ക്, പൊ​ടി എ​ന്നി​വ പ​റ്റി​പ്പി​ടി​ക്കും. ഇ​ത് ക​ണ്ണു​ക​ൾ​ക്ക് അ​സ്വ​സ്ഥ​ത​യു​ണ്ടാ​ക്കും. പു​റ​ത്തു​പോ​യി വ​ന്ന​ശേ​ഷ​മാ​ണ് കു​ട്ടി​ക​ൾ​ക്ക് ഫോ​ൺ ന​ൽ​കു​ന്ന​തെ​ങ്കി​ൽ സാ​നി​റ്റൈ​സ​റി​ൽ മു​ക്കി​യ പ​ഞ്ഞി​കൊ​ണ്ട് ഫോ​ൺ തു​ട​ക്ക​ണം.

സ​മ്മ​ർ​ദം വേ​ണ്ട

പ​ഠി​ക്കു​ന്നി​ല്ലെ​ന്ന് പ​ഴി​പ​റ​ഞ്ഞ് കു​ട്ടി​ക​ളു​ടെ മി​ടു​ക്ക് അ​ള​ക്ക​രു​ത്. സ്കൂ​ളി​ലെ ഒൗ​പ​ചാ​രി​ക വി​ദ്യാ​ഭ്യാ​സ​ത്തി​ന് ബ​ദ​ല​ല്ല ഓ​ൺ​ലൈ​ൻ പ​ഠ​നം എ​ന്നോ​ർ​ക്ക​ണം. വി​ഭ്യാ​ഭ്യാ​സ​രീ​തി​യി​ലെ സാ​ധ്യ​ത​ക​ൾ അ​വ​ർ​ക്ക് പ​രി​ച​യ​പ്പെ​ടു​ത്തു​ക വ​ഴി അ​ക്കാ​ദ​മി​ക പ്ര​വ​ർ​ത്ത​ന​ങ്ങ​ളി​ൽ കു​ട്ടി​ക​ളെ ഉ​ൾ​പ്പെ​ടു​ത്തു​ക​യാ​ണ് ഓ​ൺ​ലൈ​ൻ പ​ഠ​ന​ല​ക്ഷ്യം.

ര​സ​ക​ര​മാ​യി തോ​ന്നി​യി​ല്ലെ​ങ്കി​ൽ കു​ട്ടി​ക​ൾ ശ്ര​ദ്ധി​ക്കി​ല്ല. സ്കൂ​ൾ വി​ട്ടു​വ​ന്ന് വി​ശേ​ഷ​ങ്ങ​ൾ ചോ​ദി​ക്കു​ന്ന​തു​പോ​ലെ, ഓ​രോ ദി​വ​സ​വും ഓ​ൺ​ലൈ​നി​ൽ എ​ന്തൊ​ക്കെ​യാ​ണ് പ​ഠി​പ്പി​ച്ച​തെ​ന്ന് കു​ട്ടി​ക​ളോ​ട് ചോ​ദി​ക്കാം. പു​റ​ത്തു​പോ​കാ​തെ വീ​ടു​ക​ളി​ൽ അ​ട​ച്ചി​ടു​ന്ന​തി‍െൻറ അ​സ്വ​സ്ഥ​ത​ക​ളി​ലാ​ണ് കു​ട്ടി​ക​ൾ. വീ​ട്ടി​ലെ അ​ലോ​സ​ര​ങ്ങ​ൾ അ​വ​രെ മു​റി​വേ​ൽ​പി​ക്കാ​തെ​യും നോ​ക്ക​ണം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:cyber securityCyber Worldonline class
Next Story