വീഴ്​ച വ്യക്തം; രാജ്കുമാറിനെ എത്തിച്ചത്​ മരിച്ചശേഷമെന്ന്​ ആശുപത്രി സൂപ്രണ്ടി​െൻറ മൊഴി

പീരുമേട്: റിമാൻഡ്​ പ്രതി രാജ്​കുമാറിനെ മരിച്ചശേഷമാണ്​ പീരുമേട് താലൂക്ക് ആശുപത്രിയിൽ സബ് ജയിൽ അധികൃതർ എത്തിച ്ചതെന്ന്​ ക്രൈംബ്രാഞ്ചിന്​ ആശുപത്രി സൂപ്രണ്ട്​ മൊഴി നൽകി.​ ജൂൺ 21ന് രാവിലെ 10.25നാണ് ആശുപത്രിയിൽ എത്തിച്ചത്. റിമാ ൻഡ് പ്രതിയെ മരിച്ച നിലയിൽ കൊണ്ടുവന്നതിനാൽ ഇടുക്കിയിൽനിന്ന് ആർ.ഡി.ഒയെത്തി ഇൻക്വസ്​റ്റ്​ നടത്തി പോസ്​റ്റ്​മോ ർട്ടത്തിന് കോട്ടയം മെഡിക്കൽ കോളജിലേക്ക് കൊണ്ടുപോകുകയായിരുന്നെന്നും താലൂക്ക് ആശുപത്രി സൂപ്രണ്ട് ഡോ. ആനന്ദ് പ റഞ്ഞു.

അതിഗുരുതരാവസ്ഥയിൽ ജയിലിൽ കഴിഞ്ഞ രാജ്കുമാറിനെ ആശുപത്രിയിൽ എത്തിക്കുന്നതിൽ ജയിൽ അധികൃതർക്ക് വീഴ് ച സംഭവിച്ചതായി ക്രൈംബ്രാഞ്ച് ശേഖരിച്ച തെളിവുകൾ സൂചിപ്പിക്കുന്നു. മരണദിവസം രാവിലെ ജയിൽ മുറിയിൽ വീണുകിടക്കുന് ന നിലയിൽ രാജ്​കുമാറിനെ കണ്ടെത്തുകയായിരുന്നെന്ന സൂചനകൾ ക്രൈംബ്രാഞ്ച്​​ ജയിലിൽ നടത്തിയ തെളിവെടുപ്പിൽ ലഭിച്ചി രുന്നു. 20ന് രാത്രി മുഴുവൻ വേദനയിൽ പുളഞ്ഞ്​ രാജ്കുമാർ കരഞ്ഞുവിളിച്ചതായും സഹതടവുകാർ പറഞ്ഞിരുന്നു. മരിക്കും മുമ് പ് കുടിക്കാൻ വെള്ളം ആവശ്യപ്പെട്ടിട്ട്​ നൽകിയിരുന്നില്ലെന്നും മൊഴി ലഭിച്ചു. രാത്രി അവശനായി കിടന്ന ഇയാളെ ആശുപത്രിയിൽ എത്തിക്കാനും ജയിൽ അധികൃതർ തയാറായില്ല. രണ്ടുദിവസം മുമ്പ്​ മെഡിക്കൽ കോളജ്​ ആശുപത്രിയിൽ കൊണ്ടുപോയതായി പറയു​േമ്പാഴും ചികിത്സ ലഭ്യമാക്കിയതായി കണ്ടെത്താനായിട്ടില്ല.

അവശനായിരുന്ന രാജ്​കുമാറിനെ അഡ്​മിറ്റാക്കാതെ വിട്ടയച്ചതും ദുരൂഹതയായി തുടരുന്നു. പോസ്​റ്റ്​മോർട്ടം റിപ്പോർട്ടിലെ സൂചനകളും രാജ്​കുമാറിനു​ തുള്ളിവെള്ളംപോലും നൽകിയിരുന്നില്ലെന്ന ആരോപണം ശരിവെക്കുന്നതാണ്​. മൂത്രസഞ്ചി ശൂന്യമായിരുന്നെന്നാണ്​ പോസ്​റ്റ്​മോർട്ടം റിപ്പോർട്ടിലുള്ളത്​. 21ന് രാവിലെ ജീവനക്കാർ ജയിൽ ദിനാചരണത്തി​​െൻറ തിരക്കിലായിരുന്നു. പീരുമേട്​ പഞ്ചായത്ത് പ്രസിഡൻറ്​ ഉൾപ്പെടെ പ​ങ്കെടുത്ത പരിപാടി മോടിയാക്കാൻ ജീവനക്കാർ ഓടി നടക്കുന്നതിനിടെ ചിലർ രാജ്​കുമാർ അവശനിലയിലായത്​ ചൂണ്ടിക്കാട്ടിയെങ്കിലും അവഗണിക്കുകയായിരുന്നു. ഒടുവിൽ ചലനമറ്റുകിടന്ന രാജ്കുമാറിനെ ആശുപത്രിയിൽ എത്തിച്ചെങ്കിലും ഏതാണ്ട്​ ഒരുമണിക്കൂർ മുമ്പ്​ മരിച്ചതായാണ്​ നിഗമനം. നാലുദിവസം ജയിലിൽ കിടന്ന ശേഷം മരണത്തിനു​ കീഴടങ്ങിയ റിമാൻഡ്​ പ്രതിക്ക്​ ചികിത്സ നൽകിയില്ലെന്നത്​ ഗുരുതര വീഴ്​ചയായാണ്​ വിലയിരുത്തുന്നത്​.

ജയിലിലും സ്​റ്റേഷനിലും തെളിവെടുത്ത്​ മനുഷ്യാവകാശ കമീഷൻ
പീരുമേട്: കസ്​റ്റഡി മർദനത്തെ തുടർന്ന്​ രാജ്​കുമാർ സബ്​ജയിലിൽ മരിച്ച സംഭവത്തിൽ മനുഷ്യാവകാശ കമീഷൻ ചെയർമാൻ ജസ്​റ്റിസ്​ ആൻറണി ഡൊമനിക്​ ജയിലിൽ തെളിവെടുപ്പ്​ നടത്തി. രാജ്കുമാറിനെ ജയിലിൽ എത്തിച്ചപ്പോഴത്തെ അവസ്ഥ ഉദ്യോഗസ്ഥരോടു ചോദിച്ചറിഞ്ഞ അദ്ദേഹം ജയിലിൽ ചികിത്സ ലഭിക്കാത്ത സാഹചര്യം ഉണ്ടായോ എന്നും തിരക്കി.
ജയിലിൽ റിമൻഡ്​ പ്രതികൾക്കുള്ള സൗകര്യങ്ങളെക്കുറിച്ചും ആരാഞ്ഞു. രാജ്​കുമാർ റിമാൻഡിലായിരുന്ന ദിവസങ്ങളിലെ ജയിൽ രേഖകൾ പരിശോധിച്ചതിൽ ചില കുഴപ്പങ്ങൾ കണ്ടെത്തിയതായി അദ്ദേഹം സൂചിപ്പിച്ചു. പരിശോധനയുടെ പശ്ചാത്തലത്തിൽ വേണ്ട നടപടി ഉണ്ടാകു​െമന്ന്​ അദ്ദേഹം മാധ്യമപ്രവർത്തകരോട്​ പറഞ്ഞു. ഒരുമണിക്കൂറോളം ജയിലിൽ ​െചലവഴിച്ച കമീഷൻ പിന്നീട്​ നെടുങ്കണ്ടം പൊലീസ്​ സ്​റ്റേഷനിലും പരിശോധന നടത്തി.

കസ്റ്റഡി മരണം: ഒരാഴ്ചക്കകം റിപ്പോർട്ട് നൽകുമെന്ന് മനുഷ്യാവകാശ കമീഷൻ
തൊടുപുഴ: പൊലീസ് മർദനത്തെ തുടർന്ന് റിമാൻഡ്​ പ്രതി രാജ്​കുമാർ സബ്​ ജയിലിൽ മരിച്ച സംഭവത്തിൽ ഒരാഴ്ചക്കകം സർക്കാറിന് വിശദ റിപ്പോർട്ട് നൽകുമെന്ന് സംസ്ഥാന മനുഷ്യാവകാശ കമീഷൻ അധ്യക്ഷൻ ജസ്​റ്റിസ് ആൻറണി ഡൊമിനിക്. രാജ്കുമാറി​​െൻറ മരണവുമായി ബന്ധപ്പെട്ട് രജിസ്​റ്റർ ചെയ്ത കേസുകളിൽ തെളിവെടുപ്പി​​െൻറ ഭാഗമായി പീരുമേട് സബ്ജയിലും നെടുങ്കണ്ടം പൊലീസ് സ്​റ്റേഷനും സന്ദർശിച്ച ശേഷമാണ്​ ഇക്കാര്യം അറിയിച്ചത്​്​.
രാജ്കുമാറി​​െൻറ പോസ്​റ്റ്​മോർട്ടം റിപ്പോർട്ട്, എഫ്.ഐ.ആർ തുടങ്ങി നെടുങ്കണ്ടം സ്​റ്റേഷനിൽ ലഭ്യമായ എല്ലാ രേഖകളുടെയും പകർപ്പ് കമീഷൻ കസ്​റ്റഡിയിൽ എടുത്തു. പീരുമേട് ജയിലിൽ തടവുകാരുമായി ആശയവിനിമയം നടത്തി. രാജ്കുമാറി​​െൻറ ഭാര്യ എം. വിജയ നൽകിയ പരാതി കമീഷൻ രജിസ്​റ്റർ ചെയ്തിട്ടുണ്ടെന്ന് ജസ്​റ്റിസ്​ ആൻറണി ഡൊമിനിക് അറിയിച്ചു.

കസ്​റ്റഡി മരണം ഉണ്ടായ ഉടൻ കമീഷൻ കേസെടുത്തിരുന്നു. വിശദ അന്വേഷണ റിപ്പോർട്ട് സമർപ്പിക്കാൻ സംസ്ഥാന പൊലീസ് മേധാവിക്ക് നിർദേശവും നൽകി. ഇതിനുശേഷം പോസ്​റ്റ്​മോർട്ടം റിപ്പോർട്ട്, ഇൻക്വസ്​റ്റ്​, മജിസ്​റ്റീരിയൽ എൻക്വയറി റിപ്പോർട്ട് എന്നിവ ഹാജരാക്കാൻ ജയിൽ മേധാവിക്ക് നിർദേശം നൽകിയെങ്കിലും രേഖകൾ ലഭ്യമാക്കിയിട്ടില്ല. കുറ്റകൃത്യങ്ങളിൽ ഉൾപ്പെടുന്ന പൊലീസ് ഉദ്യോഗസ്ഥർക്കെതിരെ കർശന ശിക്ഷ നടപടി യഥാസമയം സ്വീകരിച്ചിരുന്നെങ്കിൽ ഇത്തരം സംഭവങ്ങൾ ഒഴിവാക്കാമായിരുന്നുവെന്ന് ജസ്​റ്റിസ് ആൻറണി ഡൊമിനിക് പറഞ്ഞു. ക്രിമിനൽ കേസുകളിൽ പ്രതികളായ 1129 പൊലീസുകാർക്കെതിരെ സർക്കാർ സ്വീകരിച്ച നടപടി അടിയന്തരമായി അറിയിക്കണമെന്നും കമീഷൻ ആവശ്യപ്പെട്ടു.