Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightനെടുങ്കണ്ടം കസ്റ്റഡി...

നെടുങ്കണ്ടം കസ്റ്റഡി മരണം: സി.ബി.ഐ കുറ്റപത്രം സമർപ്പിച്ചു; എസ്‌.ഐ കെ.എ. സാബു ഒന്നാം പ്രതി

text_fields
bookmark_border
Raj Kumar Death Case
cancel

കൊച്ചി: വിവാദമായ നെടുങ്കണ്ടം രാജ്കുമാർ കസ്റ്റഡി മരണക്കേസില്‍ ഒന്‍പത് പൊലീസ് ഉദ്യോഗസ്ഥരെ പ്രതികളാക്കി സി.ബി.ഐ കുറ്റപത്രം സമർപ്പിച്ചു. എസ്‌.ഐ കെ.എ. സാബുവാണ് ഒന്നാം പ്രതി. രാജ്കുമാറിനെ അനധികൃതമായി കസ്റ്റഡില്‍വെച്ച് പീഡിപ്പിച്ചതാണ് മരണകാരണമെന്ന് എറണാകുളം സി.ജെ.എം കോടതിയിൽ സമര്‍പ്പിച്ച ആദ്യ കുറ്റപത്രത്തില്‍ സി.ബി.ഐ പറയുന്നു.

ആദ്യം പൊലീസ് അന്വേഷിച്ച കേസില്‍ ഏഴു പൊലീസുകാരായിരുന്നു പ്രതികൾ. ഇതിന് പുറമെ ഒരു വനിതാ ഹെഡ് കോണ്‍സ്റ്റബിളിനെയും കോണ്‍സ്റ്റബിൾ ബിജു ലൂക്കോസിനെയും കൂടി സി.ബി.ഐ പ്രതിപ്പട്ടികയില്‍ ഉള്‍പ്പെടുത്തിയിട്ടുണ്ട്. ഇടുക്കി എസ്.പിയായിരുന്ന കെ.ബി. വേണുഗോപാല്‍, ഡി.വൈ.എസ്പിമാരായ പി.കെ. ഷംസ്, അബ്ദുൽ സലാം എന്നിവരുടെ പങ്കിനെക്കുറിച്ച് അന്വേഷണം പുരോഗമിക്കുന്നതായും കുറ്റപത്രത്തില്‍ പറയുന്നു.

രാജ്കുമാറിനെയും അദ്ദേഹത്തിന്‍റെ ജീവനക്കാരിയായ ശാലിനിയെയും 2019 ജൂണ്‍ 12 മുതല്‍ 15 വരെ മൂന്നു ദിവസം അനധികൃതമായി കസ്റ്റഡിയിലെടുത്ത് ക്രൂരമായി പീഡിപ്പിച്ചെന്നാണ് സി.ബി.ഐ കുറ്റപത്രത്തില്‍ പറയുന്നത്. സമാനതകളില്ലാത്ത പൊലീസ് പീഡനം നടന്നുവെന്നാണ് അന്വേഷണ സംഘം ചൂണ്ടിക്കാട്ടുന്നത്.

സാമ്പത്തിക തട്ടിപ്പുക്കേസില്‍ 2019 ജൂണ്‍ 12നാണ് നെടുങ്കണ്ടം സ്വദേശി രാജ്കുമാറിനെ പൊലീസ് കസ്റ്റഡിയിലെടുത്തത്. എന്നാൽ, ജൂണ്‍ 15ന് അറസ്റ്റ് രേഖപ്പെടുത്തി തുടർന്ന് റിമാൻഡിലായ രാജ്കുമാർ ജൂൺ 21ന് മരിച്ചു. സി.ബി.ഐ തിരുവനന്തപുരം യൂണിറ്റ് ആണ് കേസ് അന്വേഷിക്കുന്നത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:rajkumar death caseNedumkandam custody deathCBI
News Summary - Nedunkandam custody death: CBI files chargesheet; SI K.A. Sabu is the first accused
Next Story